[hehe]《知音人》: 八十五：器量

上完今天最後一堂課，Horace和Edmund離開工程系大樓，準備去飯堂吃下午茶，然後準備心情迎接晚上的歌唱比賽決賽。
 
一踏出工程系大樓，Edmund就見到一個熟識的身影從遠處走來，是Gary。
 
Edmund此時小聲說了一句：「冤家路窄。」
 
身旁的Horace聽到便問：「做咩呀？」
 
Edmund：「你望下前面，個Gary行緊過來。」
 


Edmund和Horace打算無視他直接走過去，但出乎意料地Gary在三人於身旁擦過的時候叫住了Edmund。
 
見Edmund的表情甚為不妥，Horace為了兄弟出來迎戰。
 
Horace：「你想點呀？」
Gary：「無呀，我想同佢講兩句咋。」
Horace：「有咩而家係度講囉。」
Gary：「我想講，我只係當Steven係師兄、榜樣，只係希望同到佢做朋友，如果之前有咩令你有咩誤會，我講聲Sorry，以後我會留意返。」
Horace：「講完啦嘛，我地走先。」
 


Horace說完這句就拉著Edmund一起離開，但Edmund卻開了聲：「等等。」
 
Horace帶點驚訝看著Edmund，但也聽了他的話暫時停下腳步。
 
Edmund此時跟Horace說：「將軍，你去住canteen先，我同佢講兩句之後過來。」
 
Horace呆在原地看著Edmund，對他說的話有點難以置信。
 
Edmund：「放心啦我無野。」他拍拍Horace的肩膊，示意他離開。
 


正當Horace想開口反駁時，他收到公司的來電，也唯有無奈接聽，看著Edmund和Gary走回工程系大樓內說著。
 
被唱片公司來電擾讓了近五分鐘，通話完成後，Edmund已重新出現在他身邊，而Gary早就不見了。
 
Horace：「你搞咩呀？」
Edmund：「放心啦，同佢講好數。」
Horace：「講數？」
Edmund：「嗯，因為之前Darren話過我知，Steven果日好重語氣趕左佢走，話咩以後唔好比佢再見到佢，但Gary又好想繼續留低係校隊打波，所以希望我同Darren可以幫手勸返掂Steven，咁佢應承左我除左打波之外唔會再煩住Steven。」
Horace：「哦，你唔想趕佢出埋校隊咩？」
Edmund：「唉，無謂咁啦，佢其實都無做過咩，可能真心想當Steven係榜樣，想跟佢學野啫。何況佢真係要離開校隊，教練實煩死Steven啦。」
Horace：「咁你覺得佢態度點呀？」
Edmund：「無咩啦其實，佢似真心想我地幫佢啦，佢應承唔再無啦啦係Steven附近出現騷擾佢，就由佢啦。」
 
兩人一路走一路說著，很快就到A宿附近的飯堂。
 


兩人才剛坐下不夠一分鐘，兩把熟識的聲線在旁響起。
 
Darren：「咁岩呀？」
Oscar：「可唔可以一齊坐呀？」
Edmund：「Hello，你地兩個一齊既？」
Darren：「我先唔同佢一齊。」
Oscar：「頂你，坐低啦。」
 
他們坐下後，Darren繼續發揮其健談的性格，開展一個又一個的話題，包括歌唱比賽、籃球隊的有趣事等。
 
Edmund：「係喎，你地都未講做咩會一齊食既？」
Oscar：「頭先咁岩係電腦室撞到啫。」
Edmund：「講開電腦室，上次…」
Darren：「點呀，佢有無搵你呀？」
Horace：「岩岩搵左啦。」


Oscar：「你地講緊咩？唔明既？」
Darren：「佢情敵呀。」
Edmund：「傾完啦，OK呀，我地再同Steven講啦。」