[hehe]《知音人》: 八十九：直接

Horace：「哇，咩風吹到你黎港島大呀Frankie哥。」
Frankie：「睇你迷人既風彩嘛。」
Horace：「黎之前同我講聲嘛。」
Frankie：「我有同佢講架。」他拍了拍Oscar的膊頭。
Oscar：「你真係黎睇我地唱歌咁簡單？」
Frankie：「順便探下你地，咁耐無見。不過原來佐敦都黎左。」
 
一直在旁沒有出聲的Jordan聽到Frankie突然叫了他的名字一聲，馬上尷尬地回了一句：「係。」
 
Horace：「我地三個影幅相啦，葉子康你幫手揸機。」他把手機遞給Jordan。


 
影完兩幅三人合照後，Frankie說：「佐敦一齊影啦。」並向他打了一個眼色。
 
Jordan雖然有點不自在，但無謂在這時候拒絕，便叫來剛才身旁走過的Wilson幫手揸機，自己走到Horace的身旁影。
 
影完之後，Horace跟Frankie說：「Frankie哥，我地有排搞呀，我送你落去呀。」
 
他向旁邊的Oscar、Jordan和Wilson打了小眼色後，和Frankie並肩離開比賽場地。臨離開前他聽到Oscar說：「我地去同Steven影相啦。」把兩人帶往另一方向。
 
Horace和Frankie走到地下後，便開口：「喂，Frankie哥。」


Frankie：「嗯？」
Horace：「老實答我啦，無啦啦走過黎港島大做咩呀？你唔係覺得我會信你真係黎聽歌掛？」
Frankie：「er…」
Horace：「我知你之前係咁八掛我同佐敦既事，Charlie講左我知，其實你有咩可以直接問我啦，不停係我地身邊既人打聽，其實會令我地感覺好唔舒服。」
Frankie：「Sorry呀，我只係好奇你同佐敦…」
Horace：「係呀，我地兩個拍緊拖，其實你應該一早估到？」
Frankie：「嗯，原來係…」
Horace：「你唔會係純粹好奇我地兩個係咪拍緊拖而大費周章搞咁多野掛？」
Frankie：「無啦，唔好意思，令你感到咁困擾。」
Horace：「你而家唔講唔緊要，但一場朋友，我今次坦白同你講，以後你有咩唔好搞到咁複雜，直接開口問啦好嗎？」


Frankie：「係既。」
Horace：「前面就係巴士站啦，我要返去同佢地執野啦，有咩再call我啦。」
Frankie：「好啦，bye bye將軍。」
 
Horace轉身頭也不回地離開，留下Frankie一人獨自在巴士思考。
 
回到比賽場地的時候，Horace發現人群又散去了不少，他見到Jordan跟Oscar、Edmund、Roy、Steven站在一起開心地談論著。
 
Horace走到他們附近，問：「哇，傾咩傾得咁開心呀？」
Roy：「你多左好多妹妹Fans，頭先走黎搵我地影相係咁問Horace去左邊。」
Edmund：「係呀，勁偏心囉。」
Horace：「咩妹妹呀？」
Steven：「你唔知學校永遠都有班追星一族架咩？咩類型既比賽都會去撐場。」
Edmund：「你曲線讚緊自己？」
Oscar：「總之你又多左班fans啦將軍。」


 
之後他們一同走回後台執拾物件，然後離開比賽場地，返回A宿。
 
回程途中，Oscar在Horace身邊說：「點呀，同Frankie講成點？」
Horace：「佢話佢好奇咋，我咪直接同佢講囉。」
Oscar：「直接講咩呀？」
Horace：「直接講我同葉子康拍緊拖，叫佢有咩就直接問我。」
Oscar：「哇，你幾時變得咁大膽架？」
Horace：「其實睇得出佢知啦，佢肯定係有其他原因既，佢唔肯講啫。」
Oscar：「咁佢最後點？」
Horace：「無呀，都係無講佢想點。」
Oscar：「我覺得…」
Horace：「覺得咩？」
Oscar：「拿，我估架咋，你唔好咁大反應呀？」
Horace：「講啦。」


Oscar：「佢地你地是旦一個有興趣。」
Horace：「唔會掛。」
Oscar：「我9估only。」
 
Horace聳聳雙肩，表示不知道，也不打算估下去。