《夾出一個她》: 第十三集-聖誕節（上）
楚翹：「起身喇，今日係聖誕節吖！」
-
我：「係吖，聖誕快樂吖寶貝！」
-
楚翹：「你叫邊個做寶貝吖！」
-
我：「叫你囉！傻豬！」
-
楚翹：「咦！好衰㗎你！」
-
我：「錫啖先啦！」
-
楚翹：「咁多人望住好尷尬㗎！」
-
我：「唔驚！」
---------
阿妹：「點解阿哥瞓覺嗰陣時喺度淫笑嘅！」
-
楚翹：「唔知呢！可能夢見我呱！」
-
阿妹：「你慳啲啦！」
-
楚翹：「你阿哥，我溝硬㗎喇！」
-
阿妹：「你加油啦！阿哥份人唔錯㗎！」
-
楚翹：「點解我哋會入咗浚彥間房睇佢瞓覺嘅？」
-
阿妹：「你仲好講！你拉我入嚟㗎！」
-
楚翹：「係咩？」
-
阿妹：「唔通呢！」
----------
我：「嘩！我屌！你哋做咩昅我瞓覺，好彩我啲衫衫褲褲仲喺度啫！」
-
阿妹突然大聲咗，嘈醒咗我，真係「阻人瞓覺猶如殺人父母」
-
楚翹：「冇！我哋肚餓，諗住叫你起身煮早餐啫。」
-
我：「咁你哋仲唔走？」
-
楚翹：「你冇著衫咩？」
-
我：「有！你哋決定唔走呀嘛！」
-
「吖！」
-
我：「我叫咗你哋走㗎喇！」
-
阿妹：「都話男人係用下體諗嘢㗎啦！」
-
佢哋望到男人朝早最神聖嘅一刻-晨勃
-
我：「嗱嗱嗱！是咁的，晨勃並唔係諗啲鹹濕嘢，而係突然驚嚇而充血，絕冇任何色情成分。」
-
［我梗係唔會講我啱先發夢，夢見同楚翹打茄輪，之後一起身，望到著住好少衫嘅兩位靚女。如果咁嘅情況，你都唔扯旗，我真係會懷疑你嘅性能力。］
-
阿妹：「睇嚟我要去洗眼！」
-
我：「一早叫咗你哋迴避㗎啦！我去刷牙先，陣間食咩？」
-
阿妹：「是但你啦，我見到啲我唔應該見到嘅嘢，搞到我冇心情食。」
-
我：「楚翹，你想食咩？」
-
楚翹：「普普通通嘅早餐。」
-
我：「火腿通好唔好？」
-
楚翹：「好吖！」
--------
我：「啱先真係好唔好意思，要你睇到啲唔應該睇到嘅嘢㖭。」
-
楚翹：「唔緊要！係我唔走啫，不過阿妹好似嬲咗你！」
-
我：「陣間煮完嘢食，佢就會出嚟㗎喇！」
-
楚翹：「係呢！其實啱先你係咪發春夢，我見你瞓覺嗰陣時喺度淫笑嘅？」
-
我：「係咩，我唔知嘅？」
-
楚翹：「你唔好講大話呃我好喎！」
-
我：「點會呃你呢！」
-
楚翹：「咁你啱先又扯旗？」
-
我：「係男人朝早都會㗎！係正常生理反應嚟㗎！唔好諗歪。」
-
楚翹：「我呢世人都會記住今朝嗰一個moment。」
-
我：「我下次會鎖門，費事換衫嗰陣時，有兩位鹹濕婆衝入嚟。」
-
楚翹：「睇都唔睇你啦，都冇身材睇嘅！」
-
我：「你係咪要睇吖！」
-
楚翹：「核突，都話你係鹹濕佬嚟㗎啦！」
-
我：「你唔信呀嘛，我咪證明俾你睇囉！」
-
楚翹：「得喇得喇！唔使除衫，我信你喇！」
-
我：「你可唔可以幫我一個忙？」
-
楚翹：「係咪好難㗎？」
-
我：「係！麻煩你叫阿妹出嚟食早餐！我驚我入咗去出唔返嚟。」
-
楚翹：「點會吖！」
-
我：「佢會打人㗎！」
-
楚翹：「打者愛也。」
-
楚翹行入房嘅時候，都打咗一下我。
-
［唔通佢係暗示打者愛也？］
-
阿妹：「歐陽浚彥，我覺得你要為今朝嘅事負責。」
-
我：「你想點樣負責？」
-
阿妹：「嗱！呢度係我今晚想食嘅嘢，你自己跟住我嘅餐單去買。」
-
我：「海南雞、鹵水鴨、咖喱魷魚、同埋…雞子。小姐，你知我最憎雞子㗎喎，我連掂都唔想掂。」
-
阿妹：「鬼叫你今朝嘅行為太過份，冇攞你嗰兩粒嚟做餸菜已經畀面你。」
-
我：「真係多謝喎！」
-
阿妹：「食完早餐就出發，記得唔好去「佳佬」買，要去街市買。」
-
我：「楚翹，你跟唔跟我去買餸？」
-
阿妹：「關楚翹咩事？人哋無辜㗎！」
-
我：「我邀請佢一唔一齊去？人哋都未出聲。」
-
楚翹：「我去吖！我想睇浚彥夾雞子吖！」
-
我：「你對雞子咁有興趣嘅？」
-
楚翹：「雞子好食㗎！」
-
我：「你諗下，咬爆粒雞子，咪即係成口都係子孫…」
-
阿妹：「呢啲係精華，你識條鐵咩？」
-
楚翹：「好補㗎！你都唔識嘢嘅。」
-
我：「我真係接受唔到！」
-
阿妹：「冇人叫你去食，我淨係叫你去買啫。」
-
我：「係嘅！」
-
阿妹：「食完就拿拿淋出發喇！本小姐要留肚食雞子、食雞子。」
-
楚翹：「你加油喇！我係唔會幫你夾㗎，你自己搞掂佢，我陪你去買餸，唔包攞嘢㗎！」
-
我：「你條友吖！有事搵浚彥，無事唔so你。」
-
楚翹：「吹咩？」
-
（待續 To be continued）
IG：chingchingstory