《夾出一個她》: 第十四集-聖誕節（下）

​我：「我哋走喇！」
-
阿妹：「路上小心吖！楚翹記得唔好幫阿哥拎嘢吖！」
-
楚翹：「得喇，我會㗎喇！」
-
我：「究竟你有冇良心㗎！」
-
楚翹：「冇喎！Sorry。」
----------


我：「嘩！好核突吖！」
-
楚翹：「好得意㗎！你睇下啲一粒粒嘅蛋蛋！」
-
畫面一轉，我已經喺樓下嘅街市，正同啲雞子搏鬥緊。
-
我：「真係好嘔心，望住啲雞子，我淨係諗到自己嗰兩粒。」
-
楚翹：「好核突啊你！」
-


［食啲千千萬萬嘅兄弟係幾咁殘忍嘅事，作為男人嘅我，係完全接受唔到！］
-
我：「雞嗰啲唔核突嘅？我嗰啲就好核突嘅！」
-
楚翹：「咁係咪攞你嗰兩粒去食先？」
-
我：「你敢食，我敢攞！」
-
楚翹：「好！我今晚就要食，你去切出嚟！」
-


我：「你都黐線嘅！」
-
楚翹：「講就兇狠，做就碌撚！」
-
我：「我就係咁無賴㗎喇！為何還喜歡我，我這種無賴，是話你蠢還是很偉大。」
-
楚翹：「收皮啦，邊有人鍾意你呢個無賴啫。」
-
我：「唔知㗎！可能我隔離嗰個鍾意我呢！」
-
楚翹：「好衰㗎你！人哋都冇話鍾意你。」
-
我：「我其實想同你講啲嘢。」
-
楚翹：「你想講啲咩？」


-
我：「其實我…我」
-
［我真係冇勇氣開口表白吖！］
-
我：「冇嘢喇！當我黐咗線啦！」
-
楚翹：「你今日好奇怪。」
-
我：「係咩！我日日都咁奇怪㗎啦！」
-
楚翹：「奇奇怪怪幾好，我鍾意呢一type嘅男仔。」
-
我：「有男仔鍾意你先得㗎！」
-


楚翹：「一定有，唔使擔心，話晒尋晚有人趁我醉咗，偷偷哋錫咗我一啖，你話佢係唔係鍾意我吖！」
-
我：「咁啱hi咗落去啫。」
-
楚翹：「雖然我醉咗，但我都仲清醒嘅，咁樣都可以特登？」
-
［大鑊，俾佢發現咗我錫佢㖭！］
-
我：「你諗多咗啫。」
-
楚翹：「有啲嘢，走咗就唔好後悔喇！」
-
我：「聽日你有冇嘢做？」
-
楚翹：「有吖！我同阿妹去行街吖！你自己搞掂三餐。」


-
我：「我都要跟埋你哋一齊去。」
-
楚翹：「我哋要去喪買化妝品吖！唔啱你㗎！」
-
我：「好啦！咁我自己搞掂佢。」
-
楚翹：「話時話，阿妹仲要食啲咩？」
-
我：「我睇睇先，仲要海南雞、鹵水鴨同咖喱魷魚，呢啲喺屋企樓下買就得㗎喇。」
-
楚翹：「其實住呢度幾好，交通又方便，附近又多商場行，最緊要就係夜晚肚餓，搭lift落去就有林林總總嘅宵夜食。」
-
我：「但屋企細，同埋殘舊呢！」
-


楚翹：「細細間幾好，大家關係close啲，唔似我屋企咁，冷冷清清。」
-
我：「你鍾意嘅，咪長住囉！我無時無刻都歡迎你㗎！」
-
楚翹：「你講真㗎？」
-
我：「如果我違反諾言嘅，成世冇女朋友！」
-
楚翹：「唔使發毒誓嘅。」
-
我：「驚你唔信我呀嘛！」
-
楚翹：「你夠膽呃我，我成世都黐住你，點都唔放開。」
-
楚翹突然攬住咗我，我呆咗。一股暖流流過我嘅身體。唔通呢啲就係愛？
-
楚翹：「我知你唔敢開口，驚我say no，之後會好尷尬，但我想講嘅就係，我鍾意你。我知道我呢刻唔講，之後會好後悔。浚彥，我真係好鍾意你，你可唔可以做我男朋友吖？」
-
我：「對唔住，我應該主動啲，其實我…我都…」
-
我講都未講完，楚翹撲向我到，直接奪走我嘅初吻。
-
楚翹：「B啊！有時啲嘢呢就唔使講出嚟嘅，做都得㗎！」
-
我：「多謝你，楚翹，我一定會俾到幸福你㗎。」
-
楚翹：「我哋快啲買完嘢，返屋企同阿妹宣佈喜訊啦！」
-
我：「不如今晚加餸煎牛扒？」
-
楚翹：「好吖！陣間去Leon買啲靚牛扒。」
-
我：「買咗阿妹想食嘅嘢先。」
-
楚翹：「係嘅BB。」
--------
阿妹：「嘩！你哋做咩拖住手返嚟？阿哥，你係咪洗咗楚翹腦？」
-
我：「慳啲啦你。」
-
「我哋一齊咗。」
-
我哋兩個異口同聲講咗呢句，講完之後，梗係錫啖先啦。
-
阿妹：「睇嚟我要去買副太陽眼鏡先喇，實閃死人喇！」
-
（待續 To be continued）

IG：chingchingstory