《夾出一個她》: 第十七集-邊爐家族（上）
我：「你都黐黐哋線嘅，出咩家啫，咁佢哋平時唔多見呀嘛，咁我咪助佢哋一臂之力囉。」
-
楚翹：「希望佢哋幸福啦！」
-
我：「佢哋兩個都dry咗咁耐啦，係時候要享受喇。不過其實我之前都係咁dry。」
-
楚翹：「你而家有我呀嘛！」
-
我：「梗係啦，而家有我最心愛嘅楚翹BB，梗係幸福啦。」
-
楚翹：「口花花啦你！」
-
我：「對住你，梗係口花花啦。」
-
楚翹：「衰鬼！」
-
我：「係呢！你攬夠我未，我要洗碗吖！」
-
楚翹：「我驚我而家唔攬實你，之後你會離開我。」
-
我：「無論點都好，我都係唔會離開你。」
-
楚翹：「係咪㗎？」
-
我：「我應承你，我呢世都唔會離開你。」
--------
經過尋晚甜蜜洗碗之後，楚翹就好似我嘅影子咁，做咩都一齊（原本尋晚我諗住叫楚翹入我房一齊瞓，點知阿妹話要同楚翹ladies talk傾通宵），除咗而家之外…
-
楚翹：「不如我同你一齊去買餸吖？」
-
我：「唔得吖！你有啲更重要嘅任務要做吖！」
-
楚翹：「唔好啦！我想陪你啊！」
-
我：「你唔幫阿妹化妝，冇人幫到佢㗎！你都唔想佢冇拖拍而阻住我哋㗎嘛！」
-
阿妹：「咪係囉！你都唔想我孤伶伶一個啦！」
-
楚翹：「咁算啦！BB你得閒就打俾我喇喎。」
-
我：「我都係落一落樓下街市啫。」
-
楚翹：「你一定要打俾我吖！我會掛住你㗎！」
-
我：「嗯！」
---------
希逸：「喂！肥哥，好耐冇見。」
-
我：「真係好耐冇見喇！」
-
希逸：「梗係啦！你掛住溝女，都冇覆我啲WhatsApp。」
-
我：「乜有啲咁嘅事咩？」
-
希逸：「你條友吖！咁嘅說話都講得出口嘅，你自己睇下啲對話記錄。」
-
我：「係喎！原來我從聖誕節開始就冇覆你㖭！」
-
希逸：「你仲咁好意思大聲講㖭！」
-
我：「嘻嘻！唔好講喇，諗下食咩好先？」
-
希逸：「是但啦，反正今晚個重點都唔係食嘢。」
-
我：「阿妹夫，咁個重點係咩呢？」
-
希逸：「今晚個重點咪就係做你嘅妹夫囉，大哥。」
-
我：「算你識講啦。」
-
希逸：「咁阿妹鍾意食咩呢？」
-
我：「佢最鍾意食你。」
-
希逸：「屌你，你咪玩鳩我啦！」
-
我：「佢最鍾意食雞子，有雞子嘅餸佢都鍾意食。」
-
希逸：「我最憎食雞子，即係食雞嗰啲「兄弟」囉！」
-
我：「我都係咁話，但兩位千金好鍾意食。」
-
希逸：「咁就去買啦！」
-
我：「陣間買啲肥牛、海鮮同埋菜就得，丸同烏冬我之前自己買咗。」
-
希逸：「嘢飲呢？」
-
我：「吖！係喎我都唔記得咗㖭。不如買啲酒？」
-
希逸：「兩位千金飲唔飲得㗎？」
-
我：「佢哋酒量分分鐘好過你㖭！」
-
希逸：「咁就要試下先知喇！」
-
我：「唔準酒後亂性吖！」
-
希逸：「放心，我唔會亂搞嘢嘅。」
-
我：「係就好喇！我真係唔想咁快做人舅父。」
-
希逸：「得喇，得喇！長氣大哥。」
-
「BB聽電話！BB聽電話！BB聽電話！」
-
我：「我去聽一聽電話先。」
-
希逸：「得喇！BB聽電話，不知幾鬼死肉麻。」
-
我：「唔好嘈吖 ！」
-
楚翹：「做咩啱先唔打俾我？」
-
我：「我啱先搭lift呀嘛！」
-
楚翹：「我咪叫咗你落到樓下要打俾我囉！」
-
我：「陣間都見啦！」
-
楚翹：「你啱先應承咗我㗎嘛，你都冇口齒嘅。」
-
我：「而家咪同你傾緊計囉！」
-
楚翹：「你咁嘅態度，係咪唔要我喇！」
-
我：「梗係唔會唔要啦，你點都係我嘅BB嚟㗎嘛。」
-
希逸：「兩位放完閃未？隔著電話都覺得閃。阿嫂，我哋要買餸喇。再唔收線今晚真係食西北風。」
-
希逸突然打插我同楚翹嘅通話，打救咗我，亦都打救咗今晚嘅晚餐。
-
楚翹：「咁好啦，我會喺屋企等你㗎喇！」
-
我：「咁好啦，Bye Bye。」
-
楚翹：「我要goodbye kiss 吖！」
-
我：「mua~」
-
楚翹：「錫晒你！」
--------
希逸：「隔住電話都可以放閃，你話你係咪賤吖！」
-
我：「我敢寫包單，你第時都會係咁。」
-
希逸：「我鍾意你阿妹，唔代表阿妹都鍾意我㗎嘛。」
-
我：「呵呵！唔知呢！呢個世界有啲嘢就係咁巧合㗎喇！」
-
希逸：「大哥，你係咪暗示咗啲咩吖！不妨開門見山喎。」
-
我：「費事講咁多，自己咀嚼下我所講嘅文字啦！」
-
希逸：「嚟啦！俾少少tips啦！」
-
我：「再問就唔講。」
-
希逸：「算！我自己發掘，去買餸先。」
-
我：「你知就好！」
-------
希逸：「打攪晒喇！」
-
阿妹：「唔打攪，你嚟我哋屋企打邊爐不知幾好，又可以熱鬧啲喎，而且唔使我一個人食閃光彈，佢哋好閃㗎。」
-
希逸：「可能第時你都係咁放閃呢？」
-
阿妹：「冇人肯同我放閃呢？」
-
希逸：「點會呢，你咁可愛，實有人鍾意你㗎？」
-
阿妹：「真係嘅？」
-
希逸：「梗係啦！你咁靚，係人望見你都流晒口水啦！」
-
阿妹：「有冇講得咁誇張吖！咁你鍾意啲咩女仔？」
-
希逸：「好似你咁可愛嘅女仔。」
-
（待續 To be continued）
IG：chingchingstory