《夾出一個她》: 第十八集-邊爐家族（中）
阿妹：「你講真㗎？」
-
希逸：「珍珠都冇咁真，我幾鍾意你呢種性格嘅女仔。」
-
阿妹塊面紅到同關公差唔多，個樣含春到呢…
-
阿妹：「咁你鍾意啲女仔咩性格？」
-
希逸：「um…我鍾意啲斯斯文文嘅女仔。你問咗我咁耐，咁你又鍾意啲咩類型嘅男仔呢？」
-
阿妹：「我鍾意啲黑黑實實嘅男仔，又要man、仲要大隻嘅，最緊要識照顧人。吖！講嘢搞笑都係我心中一個加分位嚟。」
-
希逸：「你啲條件，咁似講緊我嘅？」
-
阿妹：「你諗多咗喇！唔好太自大啦！」
-
空氣瞬間凝結咗，佢哋都唔知大家其實係鍾意對方，點解唔知？因為我冇講囉！
-
阿妹：「講笑咋！你其實唔錯吖！做你女朋友應該會好幸福。」
-
希逸：「梗係啦！對女朋友好係我嘅責任嚟㗎嘛。」
-
我：「點吖兩位，呢度唔係speed dating吖！拿拿淋幫手整食材啦！」
-
希逸：「係嘅！大佬。」
-
我：「我同希逸入廚房搞啲食材先，你哋兩位唞唞先。」
-
阿妹：「係嘅阿哥，你哋兩個唔好執番梘吖！」
-
我：「你都黐線嘅，我唔搞gay㗎！」
-
希逸：「我直㗎！我鍾意女㗎！」
-
阿妹：「鍾意還鍾意，但都可以搞嘅！」
-
我：「咪戇鳩啦你。」
-
希逸：「你真係好可愛，夠膽喺最鹹濕嘅我面前開黃腔。」
-
阿妹：「咁你係咪想試下我嘅黃腔，肯定嚇親你。」
-
希逸：「你竟然夠膽同我鬥？我同你阿哥係培喬兩淫嚟㗎嘛。」
-
我：「喂！你女仔嚟㗎，俾啲矜持啦！」
-
阿妹：「矜持？矜持食得㗎？我就係寧做真小人，莫做偽君子。」
-
希逸：「大家咁熟，使乜講矜持吖！你咁樣咪幾好，做自己。你有咁好嘅性格同咁靚，肯定大把人鍾意你。」
-
阿妹：「係咩？」
-
阿妹個樣越嚟越含春，就好似餓咗好耐嘅餓狼咁樣。
-
我：「再唔整嘢食，真係2046都冇得食。」
-
希逸：「嚟喇！大佬。」
-
我：「幫我洗菜，切啲丸啦！」
-
希逸：「收到喇，大佬。」
-
我：「想入嚟就要付出㗎喇！」
-
希逸：「梗係知啦！你有咩辦法幫我追到阿妹吖？」
-
我：「使唔使教埋你點樣做人吖？溝女都要教。」
-
希逸：「好喎！教我哋做人，有冇真人示範先？」
-
我：「示你老母，自己領略啦！嗱！咪話我唔塞錢落你袋到喇，阿妹就最鍾意啲男仔風趣幽默嘅，你啲笑話就ok嘅，食飯就講兩句啦！森林大會真係幾搞笑，戇鳩得嚟又幾有睇頭嘅。」
-
希逸：「又係招牌經典連續IQ題，你聽唔厭咩？」
-
我：「雖然我真係聽咗起碼10次，不過阿妹冇聽過呀嘛！你講俾我聽定講俾阿妹聽先？」
-
希逸：「你又啱喎！」
-
我：「咁你識做啦！」
-
希逸：「話時話，佢哋兩個做咩入房閂埋門嘅？」
-
我：「換衫啩？你係咪想入去睇人哋換衫吖？」
-
希逸：「冇嘢，我八卦下啫！」
-
我：「放心啦！阿妹應該對你幾有好感。」
-
希逸：「希望啦！」
-
我：「唔使驚，放膽去馬啦！」
-
希逸：「咁你之前係點溝阿嫂㗎？你都冇講過，咁佢點解會喺度住嘅？」
-
我：「呢件事就一匹布咁長嚕。」
-
希逸：「講啦！我想知吖！」
-
我：「件事就係咁嘅。嗰日幫阿妹去天悅攞嘢。攞完嘢之後就發現有一間夾公仔鋪係夾女朋友嘅，咁我就入錢玩，最後夾咗楚翹返嚟喇！跟住楚翹就跟咗我返屋企…」
-
我就從喺夾公仔鋪夾咗楚翹返嚟，到表白中間嘅事情都一五一十都講晒俾希逸知。
-
希逸：「你真係同楚翹好有緣份。我反而想知夾公仔機入面係咪全部都係楚翹。」
-
我：「咁就梗係啦！佢租個夾公仔機㗎嘛！」
-
希逸：「你哋兩個好sweet，好羨慕。」
-
我：「唔使羨慕，之後就會到你同阿妹㗎喇。」
-
希逸：「我鍾意佢，唔知佢有冇鍾意嘅人㗎嘛。萬一表白咗，點知佢有仔，咪好尷尬囉！」
-
我：「點會呢！我問咗佢喇，佢真係冇仔。至於佢鍾意邊個呢？我就唔方便透露喇！自己咀嚼下啱先阿妹講過嘅嘢啦！」
-
希逸：「佢啱先咪講鍾意啲黑黑實實、又man仲要大隻嘅男仔囉！咪住，佢係咪講緊我呢？」
-
我：「我講咗出嚟就冇意思㗎喇。」
-
希逸：「我諗我明白你嘅意思喇！多謝你，浚彥。」
-
我：「仲叫我浚彥？」
-
希逸：「叫你大哥先啱。」
-
我：「咁就識做喇！妹夫。」
-
（待續 To be continued）
IG：chingchingstory