楚翹:「呢個gag真心唔掂,都冇笑點嘅。」
-
希逸:「肥哥嘅心靈嚴重受傷。」
-
我:「我的心真的受傷了。」
-
楚翹:「小浚彥玻璃心碎。」
-
阿妹:「大浚彥乜心都碎。」
-


我:「咁蕊心係咪都碎埋?」
-
希逸:「哎!你都係唔好搞爛gag喇!搞到我而家好凍吖!」
-
我:「你哋三隻嘢吖!都唔俾面大佬嘅。」
-
楚翹:「下次下次。」
-
阿妹:「下次大概可以。」
-


希逸:「我諗到一首歌緊適合形容肥哥。」
-
阿妹:「咩?」
-
希逸:「別講笑,小鳥爆開了!」
-
我:「我頂……我真係火花正燃燒。」
-
搞完呢個爛到核爆嘅gag之後,早餐(正式嚟講,係下午茶先啱)都食完喇!我同楚翹梗係承受返尋晚大富翁輸咗嘅懲罰-洗碗,洗完碗就執行李,準備轉場,過去希逸屋企,實行「game到死之夜」。
-


希逸住喺嘉亨灣,距離我哋屋企10分鐘嘅路程都冇。去佢屋企途中,我哋買咗大量嘅薯片同汽水,我哋要邊打機邊食薯片。唔沙聲,唔收隊。
-
阿妹:「嘩!好大吖!個廳仲大過我哋屋企。」
-
希逸:「點會呢!我屋企算細㗎喇!楚翹屋企肯定大過呢度好多啦!」
-
楚翹:「但呢度同浚彥屋企俾我嗰度溫馨好多呀嘛!屋企大但大家嘅關係唔好,再大嘅屋企又有咩意思呢?」
-
希逸:「咁又係嘅……啊!大家隨便用啲嘢,當自己屋企就得喇!」
-
我:「嗱!你講㗎!拿拿淋攞部switch出嚟啦!」
-
阿妹:「我哋又決一死戰啦!」
-
我:「唔好啦!我哋想輕鬆打機啫。」


-
楚翹:「唔鬥唔好玩㗎!」
-
希逸:「女人真係鍾意乜都鬥一餐。」
-
楚翹:「挑!你班男仔唔係咩?平時又鬥快、又鬥短。」
-
我:「喂喂喂!我哋幾時又鬥快、又鬥短吖!」
-
希逸:「快同短唔好㗎!」
-
楚翹:「你班鹹濕佬又諗咗去邊呢?我講跑步吖!跑得快同時間短吖!」
-
希逸:「講清楚啲吖嘛!」
-


楚翹:「係你哋啲鹹濕佬諗歪咗啫。」
-
我:「嗱!我割席先,我冇諗歪㗎!」
-
楚翹:「十個男人九個鹹濕。」
-
我:「第十個就係我,我唔鹹濕。」
-
楚翹:「第十個最鹹濕,即係你,你自己認你係第十個㗎!」
-
我:「大人冤枉吖!」
-
希逸:「你就叫鹹濕彥啦!」
-
楚翹:「呢個名正喎!鹹濕彥。」


-
我:「你老闆吖!你都唔係好得我去邊,你叫淫蟲逸啦!」
-
希逸:「我認我係鹹濕吖!不過我淨係對蕊心BB鹹濕。」
-
我:「我拎返阿妹走先。嗱!阿妹,都話希逸係淫蟲嚟㗎啦!」
-
阿妹:「淫蟲又點啫,我鍾意吖!係咪吖!希逸BB?」
-
希逸:「梗係啦!」
-
我:「你哋兩個茂利吖!早知當初唔叫希逸上嚟,要你食晒啲閃光彈。」
-
阿妹:「我對你哋啲閃光彈已經免疫咗。」
-


楚翹:「浚彥豬,我哋要行動升級。」
-
我:「收到,進行 Operation A。」
-
希逸:「咩係 Operation A。」
-
楚翹:「講係冇用,做啦!」
-
我:「楚翹,我入嚟喇!」
-
阿妹:「呢度兒童節目嚟㗎喎。」
-
我:「你又諗咩呢?」
-
「mua~」
-
希逸:「chur,我以為係咩大茶飯,原來係錫錫啫。」
-
阿妹:「我哋唔可以輸俾佢哋,我哋要 Operation B。」
-
希逸:「咩係 Operation B?」
-
阿妹:「匿埋眼吖!」
-
希逸:「吓!」
-
阿妹嘅 Operation B就係攬住希逸打茄輪。
-
希逸:「Operation A就係錫啦!Operation B就係打茄輪呢,咁 Operation C 係咩呢?係咪更加刺激啲㗎?」
-
我:「你個鹹濕佬,想愴你個心啦!Operation C就係……」
-
希逸:「肥哥唔好吊我癮啦!」
-
我:「就係……就係玩switch 喇!你條淫蟲又諗咩呢?」
-
希逸:「咁咋?」
-
我:「咁你想點吖?我唔想咁快做人舅父喎。」
-
楚翹:「我都未準備做人舅母喎。」
-
我:「點解你會係舅母呢?」
-
楚翹:「你嘅屋企人即係我嘅屋企人啦!」
-
我:「我有話要娶你做我老婆咩?」
-
楚翹:「有吖!如果你唔娶我,你咁嘅樣都冇人要啦!」
-
我:「我有講過咩?」
-
楚翹:「你話咩事都唔會離棄我㗎嘛!你而家係咪想唔要我先?」
-
我:「死!我有啲後悔收留咗你㖭!我帶你返天悅吖!」
-
楚翹:「貨物出門,恕不退還吖!我入咗嚟你屋企,以後都唔離開你㗎喇!」
-
希逸:「肥哥,你唔係咁唔負責任呀嘛?你咁樣做,我對你好失望㗎!」
-
我:「講下笑啫!我有乜可能唔要楚翹公主呢?」
-
楚翹:「咁咪乖囉!」
-
我:「你眼睛彷彿一扇窗,抬頭望到我最大方向。」
-
楚翹:「口花花啦你!」
-
(待續 To be continued)

IG:chingchingstory
已有 0 人追稿