我:「諗咗去你幾時求婚囉!我要慶祝呢個暴力狂阿妹終於有人要啊!」
-
阿妹:「你就暴力狂,我不知幾溫柔,仲要咁可愛。不過希逸求婚呢,要著晒西裝,gel晒頭,好靚仔先可以嚟見我㗎!」
-
希逸:「唉!都係中秋你注定一人。」
-
楚翹:「冇嘢食又冇氣氛。」
-
阿妹:「唔得吖!我注定咗一人好耐,我唔要中秋再注定一人啊!」
-


阿妹講完呢句,冇啦啦喊咗出嚟,希逸瞬間呆咗,完全唔知點算好。
-
希逸:「講笑咋,我有乜可能唔要你呢?」
-
阿妹:「你呃我!你根本都唔係認真嘅。」
-
希逸:「點會呢!我對你係真心㗎。」
-
阿妹:「你有冇嘢可以證明吖?」
-


希逸:「我真係對你係專一㗎。我唔會周圍去溝女,亦都唔會受其他女仔溝。」
-
阿妹:「你係咪應承我先。」
-
希逸:「我講嘢牙齒當金使。」
-
阿妹:「如果你夠膽唔要我,我實切咗小希逸佢。你同我小心啲吖!」
-
希逸:「係!遵命。」
-


啊!我唔記得講,阿妹啲情緒係可以變得好快,上一秒係好傷心,之後下一秒係可以變到好開心,就好似當之前嘅事冇發生咁。
-
笑嘅笑完,喊嘅都喊完之後,希逸同阿妹就洗碗(梗係啦!唔通我煮完之後又係我洗咩),而我同楚翹就喺坐喺梳化度休息,睇埋啱先未睇晒嘅電影。
-
洗完碗,大家都食埋糖水之後,呢對難捨難離嘅情侶終於要分開。
-
阿妹:「你要走喇!留多一陣先啦!」
-
希逸:「我要返屋企沖涼執嘢㗎!」
-
阿妹:「不如喺度瞓,聽朝先返去?我會好唔捨得你啊!」
-
希逸:「我仲有啲功課未做,今晚睇嚟都要開夜車做。」
-
阿妹:「你沖完涼,執埋嘢,拎定聽日返學要用嘅嘢過嚟瞓啦!」


-
希逸:「今晚要好專心咁做功課,我仲有好多功課未做,唔做啲老師會殺咗我㗎。最多我一路做功課,一路同你傾電話喇!」
-
阿妹:「咁樣同你過嚟瞓有咩分別,都係同我傾計。」
-
希逸:「反正聽日放學都會上嚟食飯,聽日都會見。」
-
阿妹:「我要聽到你把聲先瞓得著。」
-
希逸:「不如我錄定啲童話故事,你瞓唔著就播啦!」
-
阿妹:「乜你唔想第二朝一起身就見到我咩?」
-
希逸:「想!當然想!但係屋企人今晚返香港,要同佢哋傾下先。」
-


阿妹:「差啲唔記得你屋企人今晚返嚟。咪住!咁你之後咪冇得同我哋食飯?」
-
希逸:「我屋企人返夜㗎!我不溜都係自己一個人食晚飯。」
-
阿妹:「咁就好!夜晚都可以同你食飯。」
-
希逸:「我真係要走喇!我要執下屋,費事佢哋返到屋企見到個屋企咁亂。」
-
阿妹:「咁好啦!你返到屋企第一時間沖涼,沖完涼先好執嘢。啊!記得沖完涼之後即刻打俾我。」
-
希逸:「你放心,我沖完涼即刻打俾你。」
-
阿妹:「你記住啊!唔好唔打俾我,唔係我會去你屋企拍門㗎。」
-
希逸:「你放心,我實記得。咁我走喇!」


-
我:「好行唔送喇!妹夫。」
-
楚翹:「快啲返屋企,唔好要你女朋友擔心。」
-
阿妹:「記唔記得返到屋企要做咩㗎?」
-
希逸:「我倒返轉背都識,首先返到屋企第一時間沖涼,之外打俾你先,再執屋。」
-
阿妹:「冇錯喇!你要記住啊!知唔知道吖!好啦!Bye Bye。」
-
希逸:「知道喇!我已經將呢個data植入咗落個腦入面喇!」
-
阿妹:「錫啖先啦!」
-


「啜」
-
希逸:「Bye Bye!」
-
呢對癡纏情侶用咗十分鐘先可以道別,第時希逸日日上嚟食飯,都唔知佢哋兩個第時每日道別之前要癡纏幾耐先得。
-
阿妹同希逸一齊之後,第一次同希逸分居,阿妹同希逸煲電話粥係大聲到我同楚翹喺房入面。隔住道房門都聽到。我同楚翹講……
-
我:「佢哋兩個真係好癡纏,反正聽日都見啦!」
-
楚翹:「挑!其實我同你咪一樣,只不過我同你一齊住,唔會分居咋嘛。」
-
我:「咦!你又啱喎。」
-
楚翹:「我幾時講嘢唔啱先。」
-
楚翹呢句話簡直係一言驚醒夢中人。
-
楚翹:「咁我黐住你,你會唔會嫌我煩㗎?」
-
我:「點會嫌你煩呢!你咁好。」
-
楚翹:「咁你鍾意我啲咩?」
-
[大鑊,楚翹問咗個答咩都死嘅問題,點算好呢?]
-
我:「我鍾意你好人囉。」
-
楚翹:「咁如果出面啲女女好人過我,咁你咪會唔再鍾意我囉。」
-
我:「點會呢?我鍾意嗰個係你呀嘛。」
-
楚翹:「咁點解你鍾意我呢?」
-
我:「我亦都鍾意你靚女囉。」
-
楚翹:「出面啲女女既好人,又靚女,你咪去溝佢而唔要我囉。」
-
我:「就算出面啲女再靚、再好人都好,我都係最鍾意你。」
-
楚翹:「哦!即係你而家話我唔靚、人品都唔好啦!」
-
我:「咁呢個世界冇人係完美㗎嘛。」
-
楚翹:「你講。我嘅缺點係咩?你試下亂答,我包保你今晚冇覺好瞓。」
-
我:「你嘅缺點就係冇缺點。你任何嘢對我嚟講都係優點嚟。」
-
楚翹:「口花花啦你!」
-
我:「唔係點溝你啫。」
-
楚翹:「瞓啦柒頭。」
-
我:「你都係,瞓啦柒頭。」
-
楚翹:「乜你唔覺得同鍾意嘅人講『瞓啦柒頭』好sweet㗎咩?」
-
我:「係咩?我唔係好覺。」
-
楚翹:「要喺耳邊細細聲,sweet sweet哋講先得㗎。」
-
楚翹咁樣做,擺明放暗示啦!而我,梗係識做啦,我即係靠近楚翹耳邊,細細聲講:
-
我:「瞓啦柒頭。」
-
(待續 To be continued)

IG:chingchingstory
已有 0 人追稿