《夾出一個她》: 《夾出一個她》再始動
《夾出一個她》再始動
敲碗咗勁耐嘅《夾出一個她》終於都迎來Season 2，當然唔會係續寫個故事啦！唔會係續寫歐陽浚彥同顔楚翹嘅愛情故事，話晒個故事已經圓滿落幕，有情人終成眷屬。
-
作為澄澄故事台最受歡迎嘅故事，點可以俾佢停！
-
適逢最近執緊《夾出一個她》小說格式版 嘅PDF，突然想加返一啲back of scene嘅劇情，故事嘅番外篇將會加插早前《霹啪文壇頒獎典禮》嘅頒獎片段，同埋加埋最後嘅作者感想，希望可以係一個完整嘅網絡連載小說。
-
頒獎典禮嘅情節會進行輕微嘅修葺，並會成為《夾出一個她》再始動嘅情節，因為頒獎典禮嘅時間線將會係《夾出一個她》之後嘅情節，為咗大家可以有個完整嘅版本，所以都一併納入，如果大家急不及待，可以重溫《霹啪文壇頒獎典禮》先㗎！
-
趁著未開始更新之前，大家不如再睇一次澄澄故事台第一篇長篇小說，搵下文章入面有冇啲咩彩蛋，話唔定搵到有禮物呢？
-
我知道好多讀者都係因為呢個故事而認識澄澄故事台，認識我嘅作品，所以都藉住故事台三週年嘅活動之一，好好答謝各位讀者，希望大家可以支持支持一下！
IG：chingchingstory