《夾出一個她》: 外傳-楚翹真情自白
溫馨提示：《沒有你，我甚麼都不是》為本文的背景音樂，大家可以先去播放音樂，然後繼續閱讀。
------
獻給我最愛嘅浚彥：
-
好感恩，你喺我最一生中最徬徨嘅時候伸出援手，協助我渡過難關，當時嘅你就好似黑暗中嘅明燈，照亮我嘅人生。
-
［引擎是你，向前是我，時間似煙捉不到已飛墮。若是命運沒有你的火，我人生擁有甚麼？］
-
或許喺呢個婚禮入面，好多人都想知究竟一個富家女點樣識一個普普通通嘅男仔。當時嘅我好唔滿意屋企嘅情況，於是離家出走，決定自己一個生活，唔再依靠父母。
-
［沒有你最普通的我，制度裡盲目去蹉跎。榮幸有你放任伴我傻，頑固地喝采，續頑固的高歌。］
-
但作為一個女仔，但始終都想有個靠得住嘅人照顧我，於是就決定自己租一間夾公仔鋪頭，自己整返啲扭蛋入去，而扭蛋入面就係印住我嘅聯絡方法。門口招牌就當然寫「夾出一個她」，顧名思義就係可以夾一個女朋友走。
-
［如果一個等，如何有這種犯錯的勇敢。唯有你企得很近，向夢想出發的忠粉，你或許比我信任。］
-
我嗰陣時嘅工作就係開鋪，坐喺員工休息室，睇住出面閉路電視，睇下有冇有心人夾走我，當然都會篩選下啲人選，轉頭跟咗個樣衰嘅就無謂啦！而放工之後就係返去附近嘅賓館休息，但嗰度始終龍蛇混雜，令到我更加想有個好依靠，於是我每日都落去開鋪，等有心人夾走我。
-
［做我的我便吸引，高高低低翻滾有你用光陰鑲嵌。你人生的齒輪，開啓我摩打發奮。］
-
而喺夾公仔鋪呆坐，等人夾走嘅時候，我見到一個既靚仔又文質彬彬嘅學生哥，而呢個學生哥正正就係浚彥。第一眼望佢，就已經覺得佢係一個好男仔，值得奉獻自己嘅未來俾佢，所以我即刻喺夾公仔機嘅後台程式修改夾公仔嘅難易度，等佢可以順利夾到我。
-
［有時自滿，有時內疚，從你眼中欣賞到我荒謬。自問路上沒有你星斗，靠甚麼光照著走？］
-
如果佢咁簡單都夾唔到就大鑊，錯失咗一段良緣，冇咗一個好女朋友、好老婆。不過好彩，最後佢都成功夾走我，如果唔係，我而家都唔會企喺度同大家講嘢啦！嘻！
-
［遇上你我變得罕有，我踏上奇遇裡漂流。無論結尾眼淚做報酬，評語或拍手，旅程難過都豐收。］
-
之後一齊同居嘅生活入面，平時嬌生慣養嘅我，突然變咗凡事都要親力親為，無論煮飯定返工，明明以前有錢人嘅生活，都係叫其他人做就搞掂。即使我好唔習慣，但我好滿意而家嘅生活，唔再受監管又有人錫。
-
［如果一個等，如何有這種犯錯的勇敢。唯有你企得很近，向夢想出發的忠粉，你或許比我信任。］
-
或許你會唔明，點解喺一個富裕嘅地方逃走，淪落到一個唔算富有嘅地方，原因無他，就係「自由」，即使你身處嘅地方幾咁富裕，但你嘅自由一點一點咁俾人剝削，你生活根本一啲都唔開心。嚟到呢度，簡直係我嘅烏托邦，再冇人二十四小時全天候監視我，認真舒服。當你享受過「自由」嘅風味之後，就唔想再返去一個極權嘅地方。
-
［做我的我便吸引，高高低低翻滾有你用光陰鑲嵌。你人生的齒輪，開啓我摩打發奮。］
-
生活還生活，但都係要錢，好慶幸，有澄叔同茵妍嘅幫手，等我都可以落場幫佢哋手，即使我哋都係藉住喺「燒夜店」返工嘅時間放閃，但佢哋兩公婆都唔介意，因為佢哋兩公婆都放緊閃。
-
［與你遇上的一秒何其重要，足可更改我宇宙有多少。］
-
除咗澄叔同茵妍要多謝之外，梗係仲有最可愛嘅阿妹啦！成日要你食閃光彈真係好唔好意思，不過唔緊要，你而家都有希逸可以同你一齊放，你哋一定要長長久久，我要見證住你哋嘅婚禮㗎。
-
［下半生改寫了，令記憶精彩了。如失去你顯得我弱小。］
-
當然仲有兩個人要多謝，嗰兩個人就係我父母，即使當初佢哋點對待我，但呢一切已成過去，而家嘅佢哋都學識尊重我嘅意見，唔再監視我，任由我同浚彥兩個自己發揮。
-
［如果一個等，如何有這種犯錯的勇敢。唯有你企得很近，向夢想出發的忠粉，你或許比我信任。］
-
背景音樂嘅呢首歌，係陳柏宇嘅《沒有你，我甚麼都不是》。之前浚彥曾經喺「霹啪文壇頒獎典禮」親自獻唱俾我，今日，我亦都喺台上，將我嘅心底話講俾浚彥聽，因為冇佢，而家嘅我都唔知係點。
-
［做我的我便吸引，彎彎曲曲翻滾我缺乏身邊的你，我甚麼都不是，只不過小小配襯。］
-
最後多謝各位撥冗參加我哋嘅婚禮，見證住我哋兩個一生人最重要嗰一刻，當然最緊要嘅就係多謝我老公-歐陽浚彥先生啦！
-
［奇妙的生命，多得你跨出腳印。］
-
沒有你，我甚麼都不是！
------
今日係《夾出一個她》連載一週年，特登揀呢日發佈外傳嘅。
-
《夾出一個她》去到呢度係第六十七集，或者呢個故事唔係你最鍾意嘅，但都多謝你睇到呢度，六十七集、十一萬字，五十二個禮拜連載時間，呢啲數字話長唔長，話短唔短，但都好衷心多謝你哋嘅支持。呢個故事，陪伴咗大家一年，亦都係澄澄故事台嘅成名之作，令到更加多人認識故事台，唔知你又係唔係透過呢個故事認識澄澄故事台呢，不妨留言分享呀！
-
［當你仍然信我，愛情沒有輓歌，別相信情懷輸給世道，仍在亂世中開花結果。］
-
《夾出一個她》外傳完
IG：chingchingstory