男神呢個稱號令我食左唔少女(有甜）: 陸運會(一)
終於黎到陸運會嘅日子，我再唔講陸運會嘅話又唔知會拖到幾時。
大家都知陸運會正常就分兩日，初賽日同決賽日。
我一黎到運動場門口就已經見到好多人係入面，正確黎講係好多男仔圍住一個人。
我慢慢行到過去，出於好奇心下都想睇下個嗰到底邊個黎，原來係地位同我差唔多嘅雯雯，如果我係成間學校嘅女仔都崇拜嘅男神，而佢就係成間學校嘅男仔都崇拜嘅女神。
某男1：「佢個樣真係好靚呀，好似天使落左黎凡間咁。」
某男2：「佢過多幾個月就走啦，好唔捨得佢，今日一定要同佢表白！！」
某男1：「唔好發夢啦，想女神同你一齊？你至少都要有個嗰咩阿燕咁靚仔啦。」
某男2：「其實佢兩個會唔會一齊左呢？男神加女神呢個組合，簡直係天生一對。」
佢地講嘅野都幾好笑，搞到我都諗緊如果男神同女神拍拖又會點？雖然應該無乜特別，但係其他人眼中會覺得係好神聖嘅一對。
不過我就對個嗰雯雯無乜興趣，我只係知佢其實同我差唔多，我係用男神黎食女，佢係用女神黎收兵。
佢係咁多男仔入面都見到我，對住我揮揮手，仲行埋過黎。
雯雯：「阿燕~」
佢上前攬住我，我見到好多男仔都呆左望住我地，但我知道佢只係扮下野，玩下呢班傻仔。
我：「最近點呀？雯雯~」我摸一摸佢個頭再講，配合佢華麗嘅演出。
雯雯：「無呀，有少少掛住你係上面嘅日子囉。」佢係我耳邊細細聲講。
Sorry唔記得講，我連呢個雯雯都食過，所以我相信我已經無女係食唔到，不過我知道我要開始為珮恩而改變。
我：「係咩？但係我唔記得哂啦喎。」
雯雯：「搞錯呀，人地仲好掛住佢...」佢想伸手摸我下面，但比我捉住佢。
我：「或者係放飯先啦，放飯個陣你打電話比我。」
雯雯：「一於咁話。」然後佢就走左，後面仲有好多男仔跟住佢。
仆街，我啱啱仲話要改變，下一秒又準備搞多條女，到底我想點...？
跟住就夠鐘集隊聽宣佈，直到上去看台坐個刻我都無見過珮恩，我係紫社而佢係黃社，我諗應該係太多人先見佢唔到。
阿彥：「聽人講雯雯攬你喎，係咪有咁嘅事姐？」
我：「係呀，佢玩下姐。」
阿彥：「女神都主動埋你身，你幾時先教我點樣食女姐？」
我：「屌你上次咪有女搵你囉，仲邊洗我姐，話事話條女點姐，好似係叫樂怡？」
阿彥：「唉算啦，其實我地兩個一齊左。」
我：「哇叻仔喎，有無同佢大戰三百回合先？」
阿彥：「癡線啦我邊似你，我同佢係認真咁拍一場拖。」
我：「你講到我好似無認真拍過拖喎，我宜家咪拍緊囉。」
阿彥：「得啦威啦知你勁啦，甲組60m好似召集咁，我地落去啦。」
然後我同佢落到去更衣室到換褲，Sorry係我睇住佢換，唔係我搞gay，而係因為我覺得唔洗搞喧多野。
好快我同阿彥拉完筋，點完名就係條跑道上準備開始。
某男1：「哇你睇下個嗰on9仔，又唔換短褲褸又唔除，以為自己好勁咁。」佢指住我聽講。
某男2：「正一傻仔，佢輸左比我嘅話，我實笑柒佢，仲要令到佢同我講對唔住添。」
某男1：「點解要講對唔住？」
某男2：「向浪費我體力而道歉，同咁嘅人跑簡直侮辱左我。」然後佢地兩個係到笑。
「呯！」
我用最快嘅速度跑到去終點，係呢個Group到攞左第一名，好似跑左八秒幾，全場啲人睇到呆左，包括啱啱笑我嘅兩條友。
我：「你唔係好撚勁架咩？我著住褸同長褲都快撚過你地，邊個侮辱邊個呀？」
佢兩個無聲出，死死氣咁行返上看台，然後就有條女行左過黎我到。
女仔：「過黎比我睇下你個number呀。」把聲咁熟口面嘅？
我望一望個女仔，原來係珮恩黎，嚇到我心都離一離。
我：「點解你係到嘅？」
珮恩：「估唔到呢？我報左工作人員呀嘛，唔係點睇到我男朋友咁勁~」
我：「傻妹，你男朋友一直都咁勁。」
珮恩：「你快啲上返去啦，再唔走就會比訓導鬧架啦。」
我：「咀返啖先啦。」
佢比左個飛吻我，我已經好享受咁上返看台，好多女仔坐左係我同阿彥隔離啲空位到，可以話係四面楚歌。
佢地見我返黎就即刻望住我，而我就用路飛招牌笑容回應佢地，一話頸渴就有人比支水我，一話熱就有人比風扇我吹，其他男仔只可以一面葡萄咁望住我。
跟住過多陣我就跑埋400m，我聽人講好似話咩400m唔多過十個人報名，所以甲組400m會直接進入決賽，我就無咩所謂，反正贏梗。
400m對我黎講就無咩難道，雖然計埋阿彥嘅話有多三個人參加，但我相信我同阿彥應該攞梗第一同第二。
黎到最後100m我仲有好多氣可以爆埋佢，但係係我後面嘅阿彥已經跑到死死下，應該只可以勉強撐埋落去，我記得佢話想攞金牌，但我又唔想放水，可以點呢...？
於是我放慢速度，而佢亦都追上黎，同我並排。
阿彥：「唔好讓我...咁樣我攞第一都無意義...」
我：「我同你講一樣野呀，其實我一早屌左樂怡。」
阿彥：「你講咩呀！！」佢嬲到即刻衝過黎想打我，而我亦都加速向前跑。
最後我扮kick親仆左係地下，阿彥佢就衝左終點先，我再起返身慢慢行到終點，我一行到去佢就捉住我。
阿彥：「係咪真架！！你唔係連好朋友條女都搞呀嘛？！」
我：「你冷靜啲先，我講下笑咋，唔係嘅話你邊到仲有氣跑贏我？」
阿彥：「係喎...點解我突然又有咁多氣...明明我啱啱已經跑到就黎死...」
我：「中二啲講，我將你嘅潛力全部逼哂出黎。」
阿彥：「我明啦...你為左比我攞第一，所以先講啲咁嘅野刺激我...．」
佢攬住我，黎個兄弟之間嘅擁抱，佢中學六年都無攞過第一，唔多唔少都係因為我，然後我地兩個搭住膊頭上返看台。
(聽日會有返甜，今日大家忍一忍先。)