見完家長之後,我就自己返左屋企結束左呢一日,直到搭緊車個陣先覺得,我係咪做左一個錯誤嘅決定?

不過都無辦法啦,每個人都有感性嘅一面,有心軟嘅一刻,有失常嘅狀態,我都係比梓恩食住左呢一點而令到我愛上左佢。

就算三年之間我對佢一啲感覺都無,就算我身經百戰,就算我係一個食家,要我愛上一個女仔其實好容易。

平時我食女個陣我唔會鍾意佢地,係因為我識得分佢地係一個獵物,我知道我嘅目標只係食左佢地黎解決飢餓度,而唔係用黎談情。

但係若然個嗰獵物可以混淆我嘅思想,咁樣我就會分唔清佢對我黎講係啲咩,係獵物定係伴侶。



當我分得清個陣,我已經返唔到轉頭,因為我已經將佢嘅角色定為伴侶。

然後第二朝返到學校之後,係門口見到嘅唔係仆街訓導,而係我最愛嘅珮恩。

佢無表情咁望住我,用隻手示意我跟住佢行去一個地方,我唔知宜家嘅佢係嬲我琴日無理佢,定其實係想搵個地方殺左我。

我跟住係佢後面,佢一直行一直行,行到七樓嘅教員室就停左,望到無老師之後就即刻跑上去。

因為七樓上面係八樓同天台,據我所知八樓係有課室,只係無枱同埋櫈,而天台咪天台,望落去可以見到地下,仲可以跳落去添,不過只可以跳一次。



正常就係唔比學生入去,所以我見珮恩跑上去個陣諗住叫停佢,但係慢左一步,我見無老師就即刻跟埋上去。

我一衝就衝左上去天台到,我諗佢唔應該會想去八樓,因為太污糟,長期都無人去清理。

上到去之後,佢係到望緊啲農作物,啲老師之前話過用黎種下野,我淨係知用黎種菜。

我:「做咩上黎呢到嘅?不如我地落返去啦,比人捉到嘅話實記小過架。」

佢無答我,而係慢慢咁行近一個梯級到,如果爬左上去嘅話,一唔小心就好似我所講咁,可以做一生得一次機會嘅空中飛人。



我:「冷靜啲!!唔好亂黎!!!」我見到佢好似想爬上去,我即刻跑過去捉住佢,好彩夠快推左佢落地下。

佢個表情話比我聽佢好痛,隻手仲擦損左,咁都無計,唔通我望住佢想爬上去都唔理佢咩?

我:「你係咪傻左呀?你死左嘅話咁我點算呀?」我好瀲動咁攬住佢個人同佢講。

珮恩:「咁你有無諗過我...?點解琴日搵極都搵到你...?你又有無諗過我點算...?」

我真係無聲出,因為的而且確係我唔啱,自己唔想理就無理到佢地,我相信除左珮恩之外,另外兩個應該都好擔心我。

珮恩:「吓?唔出聲就得架啦咩?我問你有無諗過我點算呀!!衰人!!!」

佢不斷用隻手去打我,而我只係攬得佢愈黎愈大力,直到佢攰到無力再打我。

珮恩:「我唔可以...唔可以無左你...點解...點解要令到我咁擔心...?」佢喊哂咁講。



我:「對唔住...對唔住...我唔會再離開你架啦...」我鬆開佢咀左佢一啖。

珮恩:「咁你同我講...你琴日放左學之後...去左邊...?」佢用兩隻紅哂嘅眼望住我。

我:「我琴日...去左阿彥屋企到打機...因為打得太刺激...所以先無聽到你電話。」做咩又講大話呀?

珮恩:「你都可以同我講聲架姐...洗唔洗我裝一個GPS係你電話到?或者裝個CCTV係你件衫到?」

我:「咁又唔洗,我應承你,我出街之前一定會同你講聲先,好無?」

珮恩:「你講架!!唔好再呃我!!講得出做得到!!聽到未?!!」

我:「嗯知啦知啦,我地要落返去啦,再唔返去就會比人鬧。」



然後我地就鬼鬼祟祟咁行返落去,我真係無諗過佢想用自殺黎威脅我,我好撚驚,一方面我唔想佢死,另一方面我可能會比人當係殺人兇手。

我只係諗緊今日都夠哂恐怖,我仲有Tracy同埋桐桐,如果佢地黎埋嘅話我都唔知點算,雖然佢地兩個加埋都無一個珮恩咁癲。

至於我一返到去就要同阿彥講,一個大話需要另一個人嘅配合,先會令個大話成為事實或者真相。

而佢只係笑我on99,拍拖拍到要講大話呃自己嘅另一半。

至於坐我隔離嘅梓恩見我返黎就甜絲絲咁望住我,仲買左好多野食比我,但係一諗到只可以地下發展,個心情即刻又down左。

不過唔緊要啦,我相信宜家嘅我係開心嘅,雖然仲未面對Tracy同埋桐桐,我諗我今日應該會比人接放學架啦。

(今日遲左出文,唔好意思呀各位。)