因為中六就黎走,而且又唔洗點計體育科嘅成績,所以體育堂都唔洗點樣上,只係係操場跑幾個圈就可以自由活動。

我同阿彥由中一開始就一齊打籃球,仲有打過學界添,雖然無乜點贏,但係仍然無阻我地咁鍾意籃球,班上面仲有幾個朋友都成日同我地打波。

同埋我地體育堂之後就係放飯,我地好多時都選擇唔食飯,寧願直接由體育堂打到完左午息,一方面我地唔想停,另一方面我地打緊個陣都唔知去到幾多點。

好快我地一打就打完成個體育堂,只係休息左五分鐘,飲左幾啖水就繼續打,打打下都已經黎到午息。

通常我地周圍都會有好多人望住我地打波,我有時一睇啱邊條女,就會即刻打個眼色比佢地,叫佢地扮唔小心將粒波扔落條女到,我就英雄救美咁拍走粒波。



呢招我用左六年都未試過失敗,宜家打緊波嘅我都想咁做,因為我睇中左一個矮矮地幾得意嘅女仔,佢短頭髮同埋帶住一副銀色圓框眼鏡,令我有想食佢嘅衝動。

佢企左係籃球場出面,同緊啲朋友係到一路睇我地打波一路傾計,我諗佢地係到講緊我地邊個靚仔啲,不過我諗應該都係我。

我打個眼色比阿彥「我要食呢條」,佢好快就明我講咩,打返個眼色過比我聽「下次到你幫我」,然後佢就扮傳閪波,好大力將粒波扔左落個嗰女仔到。

個女仔呆左咁望住粒波飛埋去,郁都唔都,而我梗係第一時間跑過去係佢面前拍走粒波,再用路飛笑容望住佢。

我:「你無受傷呀嘛?Sorry我個friend一時癲左。」



圓框女仔:「我無事...唔該哂你...」

我:「你無事就好啦,最多我一陣請你飲野,當係向你陪罪。」

圓框女仔:「唔洗啦...」

我:「就咁話啦,十分鐘之後你係小食部到等我,我打多陣就去搵你。」跟從我就拎轉身返去打波,仲聽到好多女仔歡呼聲。

呢一招真係萬事萬寧,唔好話我唔教你地點食女啦,不過前提你係一個靚仔先好咁做,唔係嘅話無人會理你,雖然你幫佢拍走粒波個刻佢會好心動,但係一望到你嘅樣就知咩料。



然後我地玩完個三分波大賽之後,我就行去小食部到搵個嗰圓框女仔,佢一個人坐左係到,見到我行過去只係微一微笑。

我:「Hello,咦?你啲朋友呢?咁快就唔見哂嘅?」

圓框女仔:「佢地話...有野做要去搵老師...所以走左...」

我:「原來係咁,咁我去買野飲先,你想飲啲咩?」

圓框女仔:「我想...我想飲朱奶...」

我:「哦?同我一樣喎,估唔到我地口味咁相似。」講完我就行去買左兩包朱奶,然後返埋位比左一包佢。

我:「話時話你係咪真係係事架?啱啱粒波飛得咁快。」

圓框女仔:「我無事呀...只係個陣比粒波嚇親姐,不過多謝你救左我。」



我:「哦呢啲小事啦,見你無事咁我都安心啲,你叫咩名呀?」

Emily:「我叫Emily呀,我想問...你係咪就係個嗰大家所講嘅十年難得一遇嘅中學男神?」

我:「哇有無咁誇張呀?我普通學生呢架姐,咩男神我唔敢當唔敢當。」有時候謙虛扮野係令人對自己加分嘅表現。

Emily:「唔係喎,我聽啲朋友講話呢間學校咁多年只係出現過一位男神,而佢靚仔得黎仲好Nice,我覺得除左你之外,都唔係其他人。」

我:「邊係呢,咁我個人自細就比阿媽教到對住陌生人都要好有禮貌,至於個樣啦喎,大把人靚仔過我啦,你睇下IG就知其他學校幾多靚仔。」

Emily:「好啦好啦,咁你話比我聽你叫咩名呀?」

我:「我?我叫阿燕囉,不過我諗無乜人識我。」



Emily:「我就知係你黎!!!仲係到扮野,你頭先打波個陣呀,我啲朋友就係到講緊你。」

我:「係係係,咁我諗住低調啲呀嘛,你睇下隔離幾多女仔望住我地,我驚你遲啲比人公審。」

Emily:「無諗過男神居然會請我飲野,我好開心呀。」

我:「傻妹,我呢個禮拜六無野做,不過你陪我好唔好?」

Emily:「嗯!!好呀!!」佢開心到即刻飲哂包朱奶,唔知邊到拎左支筆出黎。

Emily:「呢個我電話號碼黎,到時你得閒就打比我啦。」佢係我隻手到寫,有無諗過我感受?

我:「好啦好啦,要唔要宜家同我打個車輪?」我一講完佢塊面就紅哂,好似仲想瞇埋眼等我咀啖佢到。

我:「玩下你咋傻妹,呢到咁多人,星期六先算啦。」



Emily:「記住打電話比我呀。」

呢個圓框妹比我嘅感覺有少少似珮恩,傻傻地幾得意。