第十五章:聖誕聯歡會
 
「大家爽手啲!今日就喺我哋Drama Club呢個年度第一個performance!」
呂老師一邊拍手一邊催促正在後台準備著的所有人。
 
今天已經是聖誕聯歡會當天。
我還是第一次以後台工作者的身份演出一場話劇。
而且能夠感覺得到這一刻大家都非常認真。
 
主要演員都在其他人幫忙穿上戲服時,不斷背著台詞。


其他演員就在排練他們的排位。
後台工作者就為一陣子會用上的道具作最後檢查。
但唯獨有一個人還在鬼混著……那個人就是Raymond。
 
其他人都在作最後準備,但他就仍然不斷找人聊天,一直在打擾其他人。
就連那個「小三」Jennifer都在努力排練著,沒有空理會他。
看見他那個模樣就想走去揍他兩拳了……
 
「Alvin啊,你可唔可幫我拉一拉後面條拉鏈啊?佢好似卡住咗……」
突然有一班聲音從我後方傳來……是Venus。


她穿著一條粉藍色的洋裙,上面還有一些雪花圖案。
負責化妝的老師為她畫上眼線及打上紫藍色的眼影、臉頰塗上了淡淡的胭脂及嘴唇塗上了淺紫色的口紅。
她現在的模樣完全與我小時候看《胡桃夾子》裡的白雪女王一模一樣……非常漂亮。
 
「其他女同學幫唔到你咩?由男仔嚟拉好似有啲……」
我回過神來,發現如果由我男生來幫她拉上背後洋裙的拉鏈好像有點不好意思。
 
「佢哋其他人都唔得閒!拉一嘢好快,你快啲啦,我仲要掛Mic啊。」
她開始變得有點著急起來,直接轉身後向著我。
 


雖然真的有點不好意思,但她這樣著急,我只好幫她把洋裙的拉鏈拉上。
「冒犯啦……」我提醒了一聲後,就把她背後的拉鏈拉上……
 
但拉上的過程非常順利,沒有半點卡住的感覺。
我拉上的同都忍不住說:「咁順嘅?」
 
「唔該你啊Alvin……話說你覺得紫色嘴唇會唔會好怪啊?」
拉上拉鏈後,Venus立即轉身面向著我問道。
 
「唔怪!點會怪啊!咁樣反而突顯咗你個角色啊!」我立即回應她。
她聽到後想了一想,就向我微笑著並說:「好啦,我去掛咪啦,唔阻你啦。」
然後她就很開心地走回了後台裡面。
 
此時依玲走到了我身旁並說:「啱啱Venus做咩啊?」
我被她突然的出現嚇一嚇。


 
「又話其他人好忙嘅?」
我立即回想起剛剛Venus的「其他人沒有空」的說話。
 
「唔忙啊,啱啱已經點算好哂啲道具啦,依家喺等開始咋嘛……你見我都周圍走啦。」依玲有點摸不著頭緒地說。
 
但這刻其實我更摸不著頭緒……
----------------------------------------------------------------------------------------------------------------------------- 
 
「啱先套話劇正啊!」
「今次淨喺靠服裝就可以做到咁嘅效果!」
「啱先轉場我有見到Alvin你行出嚟執道具啊,有模有樣喎。」
「你過獎啦,我都喺出嚟執翻個花籃咋嘛……」
話劇完結後,我們幾個男生在課室拿著食物及飲料圍圈討論著。
 


剛剛話劇演出非常成功,我在謝幕時更看到有觀眾站了起來鼓掌。
這都是一次挺不錯的經驗,看來話劇學會相當有趣的。
 
「喂,你有無試Leo啲菠蘿腸仔?」我身旁的Felix問道。
「未喎,我淨喺攞咗盒嘢飲。」我看著手上的檸檬茶說。
「你快啲試啦,你睇啱啱Dan食完即刻跪喺到就知咩料。」Harriet把我拉到食物桌前。
 
既然他們這樣極力推薦,那我都拿起了一串「菠蘿腸仔」並吃下……
「咁好味!同以前食開個啲完全喺兩個世界!竟然預先將啲腸仔炒一次,之後界痕,然後再搽咗啲蜜糖芥末醬喺上面,令到個調味昇華。而且菠蘿喺用新鮮菠蘿,唔喺罐頭貨,簡直喺神級!」
 
怪不得剛剛Dan吃完後都會跪在地上懷疑人生……
因為真的是太過美味,美味到懷疑人生!
 
「你哋喺咪太誇張啦?」在一旁的Leo無奈地看著我們說。
 


在我正在沉醉於Leo的佳餚時,突然Devin走到了我身旁拍一下我肩膀並說:
「喂,門口有人搵你喎。」
 
「有人搵我?」
我好奇地說後,再拿多了一串「菠蘿腸仔」放到口中就望向課室門口。
 
原來是Venus。
她在門口拿著一盤蛋糕,旁邊還站著我們班的女生—Charlotte。
 
「搵我做咩啦?」我立即走到門口接應。
「無啊,我整咗啲蛋糕,派緊比以前同我同班嘅人食,Devin同Charlotte都食咗,然後我見有多就諗住比埋你同Elaine食。」
Venus邊說同時,我留意到她的眼影及眼線還沒有卸下。
 
「啲蛋糕好食啊,你快啲試啦。」旁邊的Charlotte不斷在推薦著。
「好啊,咁我揀邊舊好啊?」


我看著Venus手上的托盤,上面有數件迷你蛋糕,上面都有不同顏色的叉子插著。
 
「你只要唔好揀紅色叉嗰個就得,個舊我口咗一啖,嘻嘻。」
Venus看了數眼托盤上的蛋糕後不好意思地笑著說。
 
「邊有人咬完一口就擺翻低。」Charlotte在一旁吐糟著Venus。
「無人揀中呢舊未得囉……Alvin你都快啲揀舊啦。」
Venus反駁了Charlotte一下後就示意我快點選一件蛋糕拿來吃。
 
「咁我攞啦……」
正當我伸手到Venus手上的托盤時……
 
「啊!!!」
突然課室裡傳來了慘叫。
 
「邊個chok完支汽水啊!」
「倒潟哂啦!」
「快啲搵人抹啊!」
大概是不知道那個白痴把汽水搖完後,導致下一手打開汽水的人遭殃了。
 
「搞咩啦……」
我轉頭看了一眼,就立即從Venus的盤子上拿起了一件蛋糕並吃了一口,之後就迅速放到我的盤子上後說:
「都幾好味!多謝款待啦Venus!我翻去幫一幫佢哋手先。」
說完後我就回到了課室幫助他們清理一下現場。
 
此時,在門口的Charlotte留意到Venus在我拿了蛋糕後就沒有再說話。
「做咩突然成舊化石咁啊你?」
Charlotte在Venus臉前揮了兩下手。
 
「佢攞咗紅色叉個舊……」Venus小聲地說。
「哦……佢攞咗紅色叉個舊……紅色叉?佢未即喺攞咗你咬咗啖個舊?!」
Charlotte非常驚訝地立即看了Venus一眼,她整塊臉紅了起來。
然後再看一看課室中的我並說:「真喺有人揀中!」
 
這刻我還在幫手用紙巾抹著桌上的汽水。
完全沒有留意到,我放在一旁的盤子上的蛋糕……
是插著一隻紅色叉子。
 
 
「猜想不到的結局,才是叫意外」
已有 0 人追稿