[愛情][校園]《你好，我只是你的好朋友》【劇場版：只屬我們的回憶】開始連載: 十四：聯歡會預備
第十四章：聯歡會預備
時間過得很快，轉眼間就已經十二月了。
我躺在床上按著手機與依玲正在聊天著。
「今日我婆婆又唔記得煲湯睇火啦>_<」
「吓？」
「咁大鑊！咁最後點啊?_?」
「好彩媽媽啱啱翻到幫手熄火咋」
「唔喺我屋企就火燭啦XoX」
「好彩，好彩」
現在依玲與我的對話除了學校的事及她的心事外，她有時都會分享她與家人的大小事物。
大至她爸媽吵架，小至她爸爸睡覺打鼻鼾。
與她相識了已經三個多月，回想起剛剛認識時，我們可能數天才私下發送訊息聊天一兩次。
但現在近乎每天都會互相發送訊息聊天，甚至有時會聊到對方睡覺為止。
「叮鈴—」
突然又有訊息傳來。
「好夜啦，我要瞓啦Z_Z」
「你都早啲瞓啦>_0」
原來已經深夜一時多了。
她發送訊息說要睡覺了，我想我都是時候要睡了。
「我都瞓啦，晚安啦zzz」
我回覆了她，但沒有等待她的回覆，我就直接把手機放到了床旁邊的櫃子上。
安置好手機後，我轉身躺著，臉向著旁邊一隻擺放在我枕頭邊的熊玩偶。
看著它，又想起剛剛我與依玲說「晚安」，我慢慢地回想起一些記憶……
----------------------------------------------------------------------------------------------------------------------
「呢隻公仔送比你！情人節快樂！」有一個女生把一隻熊玩偶遞給了我。
「弊啦，我都無特別準備咩禮物……」我有點不好意思地說。
「唔緊要啦，你依家陪我行街食飯已經喺最好嘅情人節禮物。」那個女生拿著熊玩偶甜蜜蜜地笑著。
「傻瓜……但點解送隻熊比我嘅？」我伸手把熊玩偶接過來，並問道。
「因為隻熊似你囉！」她繼續笑著說。
「似咩……？」我把熊玩偶放到我的臉旁邊，並看著旁邊商店的玻璃牆倒影作對比。
「我話似就似啦……By the way，你尋晚做咩唔read我個晚安，留到今朝先read啊！」她突然有點小生氣地噘起嘴來。
「咁琴晚我太眼瞓昏迷咗啊嘛……嗱，咁以後無論我幾眼瞓都好，都一定read咗你個晚安先瞓好無？」我看著她說。
她沒有立即回答，於是我再繼續說：
「嚟！我哋勾手指尾。」我左手拿著玩偶，右手伸出了小指向著她。
她想了一想，便一樣伸出小指勾著我的手說：「你話架！唔準違約啊！」
「知啦……Mandy。」我笑著回答。
----------------------------------------------------------------------------------------------------------------------
第二天早上。
一如往常，當我回到了課室，依玲已經比我更早回到來了。
看來Dan叫她起床上學已經成為了日常……
但今天不同的事，男班長Harriet一大清早就在課室的白板上寫著字。
「你寫咩啊？」我好奇地問道Harriet。
「無啊，琴晚劉Sir WhatsApp我，話佢今朝要遲少少先會翻到班房，所以叫我同Daisy可以同大家傾定下星期聖誕聯歡會大家一齊帶啲咩食物。」
他說完的同時，亦終於把白板上的字寫好了。
上面寫著「Christmas Party分工」。
我點了一下頭並拍一拍他的肩膀說了聲「加油」，然後就回到我的座位上。
「阿侑你諗住帶咩嘢食啊？」依玲看見我坐下後就轉身問道。
「個朝我哋仲要早啲翻嚟準備話劇，一早就要將啲食物放上班房，所以唔可以帶啲唔擺得耐嘅食物……我諗求其菠蘿腸仔算啦。」我回應她。
「菠蘿腸仔唔得喎！」坐在我旁邊的Kelly突然插嘴說。
「點解啊？」依玲好奇問道。
「菠蘿腸仔要留翻比Leo，佢整嘅菠蘿腸仔喺神級！」
Kelly說完後，她的樣子如同在回味著那個「神級的菠蘿腸仔」般。
「菠蘿加腸仔，然後搵支牙籤穿住，又可以點去到神級啊？」
我與依玲一同懷疑地看著她……
不久後，課室也逐漸齊人起來，連經常最遲回來的Jack也回到了課室。
他一踏進課室，校鐘就響了。
「Jack，恭喜你無遲到。」Harriet拿著麥克筆在白板前說。
「咁大家翻齊人，我哋就傾一傾下星期聖誕聯歡會大家分工準備啲咩嘢啦。」
Harriet身旁的女班長—Daisy拍了一下手吸引大家的注意。
「我要整菠蘿腸仔！」此時坐在前排的Dan舉手說。
又是「菠蘿腸仔」，到底大家有多愛它……
「無啊！菠蘿腸仔一定喺Leo整架！」Harriet立即反駁了Dan的要求。
「點解一定喺Leo整啊？」Dan不示弱，立即提出了質問。
「因為佢整嘅菠蘿腸仔喺神級。」坐在右方的Felix立即說了與剛剛Kelly一樣的說話。
「我哋以前1至3F班，都一定喺揀Leo整菠蘿腸仔。」接著到坐在中間比較小個子的Eve說。
「你食過都一定會淨喺想食佢整嘅菠蘿腸仔。」連我右前方的Hedy都加入了讚賞。
看來他們這群「3F」班的，都極力支持由Leo來準備。
但反而Leo本人只是感到非常尷尬，並用一隻手掩住自己隻眼，如同不想再理會他們這群「菠蘿腸仔粉絲」。
「咁可能我整嘅會仲好味呢！你哋唔信可以問下我以前3E班啲人！」
但可見Dan仍然不肯放棄這個「菠蘿腸仔」準備權。
「你鬼有整過菠蘿腸仔咩！年年叫你整嘢食就推三推四，今年又無啦啦咁積極，都唔知喺咪鬼上身。」
以前與我及Dan同班的Francis都忍不住大聲反駁他。
這說話更令全班開始大笑起來了。
「好啦好啦，唔好停留喺菠蘿腸仔啦，我哋傾咗喺其他嘢先啦。」
Daisy發現場面有點失控，於是立即把大家的注意拉回來。
完全展現出了一個女班長應有的領導才能。
但相反她旁邊的Harriet還在與Felix討論著Leo的「菠蘿腸仔」……
「我有嘢想講啊！」此時我舉起了手。
「Alvin你講啦。」Daisy示意我繼續說。
「因為個朝我同Elaine都要好早翻嚟準備話劇，所以唔帶得唔可以擺放長時間嘅食物，如果喺零食嘅話呢啲就可以。」
我把剛剛與依玲討論的事都說了出來。
「咁Alvin你同Elaine就負責買零食啦！大家有無異議？」Daisy望向大家說。
其他人沒有反對，於是Daisy就在白板寫上了我與依玲的名字，並在我們的名字下方寫下「零食」二字。
但正時前排的Dan就轉身用著一個奇怪的眼神看著不知道是我還是伊玲……
「小情侶一齊去買零食，呵呵。」在我身旁的Kelly小聲地說。
「乜嘢小情侶啦，作故仔都唔好作咁誇先啦。」我忍不住吐糟了一下她。
「啱啊！我哋喺好朋友，所以更正翻應該喺好朋友一齊去買零食。」依玲一同加入了吐糟Kelly的對話中。
聽完依玲的說話後，我都立即想再補充「啱啊！應該喺好朋友齊買零食……」
好朋友？
「友情與感情很相似，自己有時搞亂了都不知道」