番外篇F&S

作者的話:今天實在發生了太多的事情,完全沒有動力更新正篇。因此只好先來一篇極短的番外篇……
----------------------------------------------------------------------------------------------

時間回到第二次班會活動時……
 
「好重啊你!」
Francis一邊踏著單車,一邊向身後正在摟住他的Sherry說道。
 


「重你個死人頭!我45kg咋!」
Sherry鬆開了她摟著Francis的手,然後非常大力一掌拍到Francis的背後。
 
「痛啊!」Francis忍不住叫了出來。
 
「知痛啦!咁仲會唔會話我重啊!」
Sherry說完後,就再次雙手摟緊Francis的腰。
 
「唔講啦……話說你覺得Dan同Elaine有無機啊?」
Francis向Sherry「認罪」後,就直接問道了有關於Dan與Elaine的事情。


 
而Sherry就思考了一會,然後就回答:
「其實我都唔太知Elaine佢到底諗緊啲咩……初初見佢同Alvin好埋,以為佢喺想搵Alvin做水泡,點知之後又多咗個Dan出嚟,貴圈真亂……」
 
Francis聽完Sherry的說話後,回想了先前與Alvin一起討論有關於Elaine的事情時,曾提及Alvin會這麼著緊對方,其實是因為他深度代入了Elaine的感受而導致產生了一個想保護對方的念頭。
但他又很快再回想起了Alvin在初中時的過去,然後就回應Sherry:
「講起Alvin……其實我諗佢只喺習慣咗身邊總有一個同自己幾friend嘅異性朋友……所以先會同Elaine咁埋,而唔喺同Dan一樣鍾意Elaine。」
 
「習慣咗身邊有個異性朋友?」
Sherry頓時感到有點疑惑,因此立即問道。


 
「初中個陣,Alvin因為人幾好,所以唔少女仔都鍾意同佢有來往……咁久而久之,就開始有啲女仔會特別同佢傾得埋、玩得埋。就好似我哋班嘅Rita都喺其中一個,但除咗佢,其實就有一個女仔喺中三個陣就同Alvin行得特別埋。」
Francis問應了Sherry的問題。
 
此時海面突然颳起了一陣風,吹向他們二人。
 
「咁嗰個女仔喺邊個?後來點?」Sherry好奇地問道。
然後再整理一下自己被風吹得有點凌亂的瀏海。
 
「嗰個女仔後來過咗澳洲讀書……其實依家諗落Alvin同Elaine嘅互動,都幾似個陣佢同個女仔嘅互動。」
Francis潑了一潑自己的前髮時,一同思考了一下。
 
「哦……其實分分鐘唔喺Elaine想搵代替品,而調翻轉喺Alvin想搵代替品……咁你有無問過Alvin相關嘅問題?」
Sherry擺出了一個似懂非懂的樣子,然後再問道。
 


「Alvin條友好識收埋自己,咪睇佢平時好開朗咁……其實就喺唔想比人估到佢心裡入面諗緊咩。從而實質知道佢諗緊咩嘅人就得好少。」
Francis回答她。
 
「咁其實佢同Elaine都幾夾啊!一個就咩都同人講,一個就咩都收埋唔講……一凹一凸,fit哂!」
Sherry說完後,自己都笑起來。
 
而Francis就一同笑著回應Sherry:
「又喺,哈哈……咁佢哋之後嘅發展,我哋就要拭目以待啦,可能個結局會令人大跌眼鏡呢!」
 
「或者有可能中途殺隻黑馬出嚟,然後同Alvin或者Elaine一齊咗都唔定架,哈哈!」
Sherry說道,然後兩人就一同再笑了起來。
 
與此同時,他們二人都慢慢地到達了目的地……
 
 


「預料之外的事,往往都是因為沒有把它放在眼內」
已有 0 人追稿