第一三六章:畢業營(結)
 
「Chill Bro!我都喺講事實咋嘛。」
Toby在剛剛那句話後便一改態度,轉而在「安慰」我。
但他的一派胡言,卻使我感到越來越怏怏不服。
對於Mandy及依玲的事情,心情已經差到一個極點。
現在這傢伙又走來煽風點火,是身癢了嗎?
 
「你講完就好快啲消失啦。」我作出了最後的警告。
不過臉皮比北極還厚的他,當然不會我的一句話就被打發離開了。


所以他隨即都一面笑笑口地走到了我身旁的欄杆上,並雙手靠著。
「本來以你應該好好恰,但估唔到你喺個無底洞。」
「你到底想表達啲咩?」
我轉過身望向靠在欄杆上的他,巴不得想把他扔到河裡去。
 
「見你同我喺同一類人先同你講。」
他又提起「同類人」這句了,都說了不要把我跟你這種人相提並論。
而我選擇不回應他,並打算轉身離開。
 
「你知唔知我初初幾想追走Elaine架!」


這突如其來的一句,使我停下了腳步。
「嗱,一提Elaine你就有反應啦。」
我忍不住立即轉過身來並喊道:「你唔好再喺到搞事啊。」
但他接著也轉身背靠著欄杆,露出一個得意的笑容。
「講真,第一眼見到Elaine都覺得佢唔錯。唔怪得Raymond會狗衝追走佢。」
「你識Raymond?」我疑惑起來。
「緊喺識啦,我哋都喺屬於學校上流嘅人。」
對於他的這一句,我沒有任何回應。
只是在心裡覺得,他竟然會自大到把自己稱作「上流之人」……
 


而Toby見我沒有說話,因此就繼續開口說:
「不過喺我知道你嘅事跡之後,我就知道要對Elaine卻步啦。」
「咩意思?」
「首先你為咗令Elaine可以喺自己身邊,就搞走Raymond呢個前度,但同時間就搭上埋我班嘅Venus。見你同時搞兩個女仔咁勁,於是我就搵人查一查你,點知發現原來你仲有個EX喺班。」
「你搵人查我?」我頓時瞪眼起來。
但他只是擺出了一個若無其事的表情:「都唔算搵嘅,只喺咁啱識咗你以前一個初中朋友,咁咪叫佢幫我攞下料即。」
「初中朋友」,聽到這四字,我的腦中瞬間預想到了一個人。
然而,他繼續說:「不過估唔到佢條友會做多咗,聽聞佢好似喺都鍾意Elaine,所以就設法搞你,諗住同全校爆你啲秘密出嚟,藉此獲得美人歸……不過,佢都已經比你搞掂咗啦,喺咪先。」
「Martin……」我第一時間說出那個人的名字。
「原來喺你指示Martin嚟搞我!?」隨即也語氣帶點怒火地質問他。
 
不過,Toby卻是立即揮動雙手:「鬼得閒叫佢搞你咩!同埋做埋啲小手腳一啲都唔符合我嘅作風。」
「你嘅作風……?」
「睇中嘅嘢,緊喺要光明正大咁將佢得到手,咁先會感受個份愉悅!」
他在說道後,便向天張開雙手,同時臉露一副滿足的表情。


果然,我打從心底裡討厭這個人。
 
「你呢份人真喺……」
「咪咁啦,其實你咪又同我一樣……」
在Toby打斷我的說話,並打算再次提起「同一類人」時。
我卻走上前一手捉住了他的衣領:「你講夠啦。」
此刻的舉動真的不像平時的我……
 
但似乎這一舉動並沒有因此使他收起那得意的笑容。
「Chill Bro!你就算咁樣搵我發洩都改變唔到自己同三個女仔有關係嘅事實。就好似我咁,我同時同唔同女仔秘密拍拖都喺我一個與生俱來嘅事實。」
他說得沒有錯,的確我與依玲、Venus及Mandy三人的事情,是一個事實。
但不至於會像他一樣,亂與其他人搞……關係。
 
「你猶疑啦,即喺默認我啦。」
Toby在我猶疑的一瞬間,甩開了我捉住他衣領的手。


隨即也一邊說道:「我唔會再搞Elaine架啦!因為我真喺好期待你之後嘅發展,Bye啦!」然後就從我身旁離去。
而這時看著他的背影慢慢離去,也不禁從心裡說出了這句說話:
「我都與生俱來就覺得你好討厭,而且我都好期待你嘅下場。」
接著我便從褲袋裡拿出了手機,螢幕上更顯示著「錄音中」……
 
片刻後,我便返回了宿舍。
並在打開房門時,發現大家都聚在了客廳觀看著電視。
於是在脫著鞋子的同時,便好奇地問道:「做咩聚哂喺到睇電視?」
而Felix也隨即回答:「今晚套劇大結局啊。」
「呢套劇我無睇……Zack呢?」
「佢啱啱沖完涼喺房啊。」Nick馬上指向了房間。
因此我接著便走進了房間內,並發現正在用毛巾擦著頭的Zack。
「終於翻嚟啦你。」他很快也留意到了我的出現,並停止了動作。
但我只是點一點頭,並在手機上了按一按。
 


「叮—」
與此同時,Zack的手機也傳來了響聲。
於是他便拿起了手機一看:「音訊?」
我繼續沒有說話,只是示意他聆聽一下我所傳送的音訊。
他只好一臉疑惑地按下了那段音訊並放到耳邊播放著。
 
而在錄音播放了大約數分鐘後,Zack也隨即瞪眼望向了我。
但我只是神氣自若地說:「咁樣就可以確定條友真喺搞三搞四啦。」
「我知,但喺你……?」
「我啲事,你當聽完就算啦。」
在說道後,我便躺到Devin的床上,希望他不會介意了。
但是Zack隨後都再問:「咁你之後點?」
而我只是繼續躺在床上,看一看手機上的日期。
 
「距離佢走仲有個半月,睇嚟我都要做一次自私之人。」


 
 
「當你極力反對時,只代表你默認了」
已有 0 人追稿