[愛情][校園]《你好，我只是你的好朋友》【劇場版：只屬我們的回憶】開始連載: 一五六：初中同學
第一五六章：初中同學
「咁突然約你出嚟真喺唔好意思。」
「唔緊，反正我哋自從升咗上中四之後，就無再約過對方。」
坐在我對面的男生在說著的同時，稍為托一托臉上的眼鏡。
隨後也再問道：「不過我諗你都唔喺無聊先突然約我架啦？」
我只能默默地點頭：「嗯……有啲事想問下你，Haley。」
坐在我對面的男生，是Haley，是我初中時候的同學。
如果以朋友級數來比較的話，當時我與他的關係，應該比起與Dan或Francis來得更友好。
他非常熱愛寫作，不時都會把自己腦海中的故事以網上小說發布。
而曾經的我，又相對是一個愛幻想的人，所以我們二人也很快就一拍即合。
我不時都會向他提供故事靈感，更把我所擁有的設計知識傳授給他，好讓他能更仔細地描述故事中的角色。
正因我們如此友好，所以中三與Mandy交往時，他都是少數的知情者之一。
但直到升上中四後，我們因為進到了不同的班別，交情也逐漸減少。
然而在Martin事件中，Haley都有出手相助，使Martin偷拍我與依玲等人以作威脅的計劃失敗告終。
而今天，我邀約他茶聚除了是敍舊外，也另有原因的……
「有心事但又同唔到人講，所以就搵我講啦。」
Haley隨即便把我找他出來的原因覆述一次。
我也只是點了一下頭以作回應。
「咁多人喺你身邊都講唔出口，咁睇嚟都幾大件事咁。」
他在說道後，便喝了一口桌上的焦糖咖啡。
「你仲喺咁鍾意飲焦糖咖啡啊？」
「嗯，因為夠甜……甜到可以令我暫時忘記所有煩惱。」
「唔怪得你個個故事，主角都咁鍾意飲焦糖咖啡。」
在話後，我不禁冷笑了一聲，而他也放下了咖啡再說：
「唔好扯開話題，到底有咩令你欲言又止，唔肯同身邊啲人講……尤其是喺個兩個女仔。」
「就喺關於佢兩個先同唔到佢兩個講……話說你抽水都抽得幾好嘢。」
我一邊說著，一邊把身子靠到椅背上，隨後也嘆息起來。
「你嘅事全級都知，何鵬侑一王三后……啊，依家喺二后。」
這次換轉是Haley靠到椅背上並冷笑起來。
「吶，Haley，如果你知道自己鍾意嘅人，原來曾經鍾意過一個你好憎嘅人，你會點？」
對於此番問題，Haley先是把雙手放到頭後，並擺出了一個思考中的表情。
「會有啲唔岔氣？不滿？嬲？」
「咁你寫過咁多嘅角色又有無遇上呢個難題？」
「無喎……」他在思考的同時，把手放到下巴上摸著：「我唔鍾意寫到啲角色關係咁複雜。」
「你都覺複雜呢……」我再次冷笑起來。
但是下一瞬間，他卻突然指向我：「不過我都有諗過寫個故事喺啲角色關係複雜到好似一個蜘蛛網咁，用你嚟做角色藍本就fit哂！」
「我家陣關係好亂咩……」我隨即就以一個質疑的眼神瞪著他說。
他卻只是笑笑口地答：「亂架，都幾亂架，貴圈真亂！」
雖然我很想反駁他，但再三思考過後，的確我的現況是……有點複雜。
「就以近期嘅例子嚟講，同你一齊嗰個叫Elaine嘅女仔，同番自己個ex一齊，但依然對你好痴纏……啊！」
他把話說到一半的時候，表情忽然靈機一動似的。
「做咩突然啊一聲，你諗到啲咩？」
「如果套用翻你啱先問我嘅問題，即喺另外嗰個叫Venus嘅女仔，喺鍾意過Elaine個EX！」
Haley擺出了一副偵探的樣子，指著我的同時露出了一個得逞的笑容。
對於他的腦筋轉得這麼快，我都不禁有點震驚起來。
「唔怪得你真喺搵唔到人傾呢件事啦……」他隨即也一邊點頭一邊說道。
「你明呢！同兩個女仔講一定喺無可能，但同同班講，佢哋又未必體會到。」
「咁點解你又會覺得我體會到呢？」
Haley馬上擺出了個「黑人問號」的樣子。
「純粹覺得你寫得多感情故，應該會易啲上手掛？」
「你……」他忍不住單手掩面起來，並深呼吸了一口氣。
「不過我都明嘅，你話嗰個EX唔再存在就話即，但依家仲要同翻其中一個女仔一齊，換轉我都會好頭痛。」
我點了數下頭以作認同，隨後就喝了一口桌上的果汁。
而Haley在我喝著飲料的同時，也繼續說：「不過，成件事都其實只喺睇你介唔介意同釋唔釋懷。」
「介唔介意同釋唔釋懷？」
「嗯，其實我都知唔少你同Mandy啲嘢，利申喺Laura同我講嘅……Mandy就喺一個好好嘅介意同釋懷例子。」
「點解咁講？」
「Mandy翻嚟知道你同另外兩個女仔關係親密，佢都選擇唔介意咁翻嚟你身邊，最後佢亦都選擇釋懷退出，好來好去。」
聽著他這樣說道，我與Mandy的回憶也陸續浮現到腦海中。
「即喺你嘅意思喺……我要放棄？」
「反正人哋都復合翻，點解仲要搞住人哋呢？」他拿起咖啡喝了一口。
「你又啱嘅……」
「但你個樣同我講緊，你兩邊都唔想放棄，想話佢哋都喺你嘅翅膀。」
我馬上搖頭：「無話唔想放棄，因為反正依玲本來都唔關我事……」
「真喺唔關咩？」Haley放下了咖啡，並單手托頭：「你一同Mandy分手、同Mandy一走，佢就同自己個EX復合，唔會太巧合啦嘛？」
「的確有啲人話佢喺想向我報復……」
「但有樣嘢我諗唔明，就喺點解個女仔仲要對你咁痴纏，要令你內疚？」
對於這個問題，就連我自己都摸不清頭緒，只能搖搖頭。
於是Haley隨即就舉高了一隻手指：「咁呢個喺你第一件要做嘅事。」
「我要做嘅事？」
「既然你比嗰個EX搞到煩惱嘅，點解唔自己親自主動去查明真相？第一件事就喺去問Elaine，點解要復合？點解仲要纏住你？」
在他話後，我打算開口再發問，但他又再發言起來，並舉高第二隻手指。
「第二件事，既然你知Venus鍾意過嗰個EX，咁你就直接去問佢，點解之後會鍾意你？」
「其實佢已經講過點解……」
「如果喺講過，咁你就唔會依家都仲喺一頭霧水咁！？講到尾你都只喺唔抵得個EX比Venus鍾意過！咁你咪去問清楚Venus點解又會揀上你！」
Haley越說越激動，但同時他的多番說話，也令我產生了一點新想法。
可能正如他所說，我先看見依玲再次與Raymond走在一起，然後又得知Venus喜歡過Raymond。
雖然兩件事情發生的時間點截然不同，但我卻自自然然地把一切連貫至Raymond身上，一下子就認為自己不及他，我真的是在自找麻煩……
「睇你個樣好似諗通咗啲咁，記得做我啱先講個兩件事……仲有做多樣！」
「仲有做多樣咩事？」我馬上疑惑地望向他問。
但他只是奸笑著地指向我說：「幫我諗下嚟緊個新故事嘅名！」
「新故事？唔會喺啱先話想用我做藍本嗰個下話？」
「唔知呢，哈哈！」
「一切的煩惱，可能都是由自己而起」