[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: 《我係一個平凡至極嘅中三學生，但從個一日開始⋯⋯》Ch.2石澳怪談（續）

兩個鐘頭後，我終於醒返，而個個武漢人係我嘅旁邊好擔心咁樣，於是我一起身就同佢講返，不得不提，我到依家呢一刻都心有餘悸，心情起伏不斷，頂啊！真心好驚啊！好好彩，呢個武漢人係一個善男信女，都算有責任心嘅，我幾驚佢係一個變態佬，但我醒返發覺我冇穿冇爛，都驚覺佢係一個正常人。

見此，我就同佢吹返兩句水，先發覺佢係一個落咗黎香港好多年嘅武漢人，身份證都攞咗差唔多4,5年。傾完一輪落黎，我終於醒起要問下呢個人嘅名。

我道：「頭先真係好多謝你冇就咁直接走咗去，唔知先生你叫咩名呢？」

佢回答：「我叫ben啊，事先聲明我唔係姓周，你可以叫我做B先生。」

我笑道：「你都幾跟得上香港嘅步伐wor,連呢D惡趣味嘅嘢你都識。我仲未自介，我係M。」



佢嘅疑問頓時浮上水面，我從佢嘅表情睇得出佢呢刻有千萬個問題想去問我。

佢一面無奈，只好轉移話題，緩解呢個尷尬嘅氣氛。

佢用半生不熟嘅廣東話問我：「點解會自己一個人出到黎石澳咁遠？係唔開心比女飛定係比朋友撬牆腳？」

好可惜佢呢兩個猜測都係錯嘅，但係又正正觸碰到我心中一D唔想出街嘅秘密，見佢同我有一面之緣。

一、面、之、緣，我就真係預計唔會再見到佢，咁我就佢講下啦。



我回答：「你！估！錯！曬！啦！哈哈哈！其實我只不過係閉關多年，今日偶然出山，女朋友呢樣嘢（喊出黎），隨緣啦！

反正都單身咁多年啦，唔差在做多幾年單身狗囉！」

去到呢一刻，我差少少就喊咗出黎，因為「嘴上說着沒所謂，心裏卻DRY得很啊！」

不過好可惜，哥只是個傳說，睇完呢篇故，大家千祈唔好迷戀我呢個才子。

（植入式廣告）接下來嘅好戲會更加精彩，唔好行開，記得追到底啊！我腦裏面嘅情節已經出緊黎，過多一陣日常，就會去到戲肉，到時你地一定會嚇到飛起，嘻嘻嘻，唔係我自誇，自問我真係可以做出一個驚人嘅戲劇效果。



（Ch.2未完待續）