[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: 《我係一個平凡至極嘅中三學生，但從個日開始⋯⋯》Ch.2石澳怪談（3）

我同呢位仁兄相談甚歡，傾咗足足兩個鐘左右，

目測佢年齡30歲左右啦，估唔到我同佢竟然有咁多共同嘅話題，

平時嘅我，講多一個字都嫌多，係我口中道出嘅句子最多不出十個字，

所以係同學嘅眼中我係一個奇怪嘅人，冇人夠膽親近我，班裏面只有幾個人可以同我溝通到，

所以我係班上面嘅邊緣人，不過旁人嘅目光控制唔到我呢種咁奇怪嘅性格同style。



即使受盡白眼同被排擠，我都唔會去改變，因為我就係咁固執！

朋友呢樣嘢，有幾個真正知己就足夠啦，呢個道理真係刻骨銘心，完全冇講錯到！

就係咁樣，我同佢成為咗忘年之交，

我抄低咗佢嘅電話之後，就同佢分道揚鑣，各走各路！

我就同佢行相反方向，我就向石澳深處探索，佢就上返車準備出返市區，



我驚覺佢揸嘅呢一部車正正係我認識嘅其中一個牌子---法拉利！

OMG，我竟然認識咗一個低調嘅富豪，睇黎呢一鋪我行運啦！

我地呢一生人會遇到唔同嘅人，有D人會係你嘅生命中擔當一個重要嘅角色，

有D人則係同你只有一面之緣，甚至只係匆匆行過而同你有雙目交接嘅人。

但係你千祈唔好睇小呢種人嘅威力，往往你會錯過佢地，



但到頭來佢可能會成為你生命中嘅貴人，為你嘅人生錦上添花，

帶起你創出一番事業或者發家致富，甚至成為你之後人生嘅另一半。

緣分呢樣嘢真係話黎就黎架，一定要時刻留意你旁邊嘅一切，

唔好比任何一個機會係你手指間溜走，你要好好把握，

如果唔係你就會耗費咗更多嘅青春，大家要及時行樂，唔好令自己嘅人生充滿住遺憾。

「唉！點解人生咁唔如意啊！」相信呢一句嘢大家心中諗過唔少次啦，係咪先！（笑）

一唔小心就灌咗大家飲心靈雞湯tim，我真係太投入，sorry~

不幸地，我咁樣暈一暈，依家已經係下午4點，本來安排好嘅行程，都被逼取消一部分，我喺石澳內部仔細咁行咗一陣，我嘅相機就滿載住呢到優美嘅景色，我都不禁概嘆，香港呢個石屎森林中，竟然仲有呢一幅世外桃源。


（未完待續）