[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: 《我係一個平凡至極嘅中三學生，但從個一日開始......》CH.2石澳怪談(4）

就喺我打算離開呢片美境之際，

奇怪嘅事突然開始接腫而來。

街上面原本人煙稀少，突然眼前一黑，

好似被鬼遮眼咁，

我當堂嚇咗一跳，然後得啖笑，



好彩好彩，我仲以為我盲鬼咗添，嚇死人咩！

但係呢個都唔係重點，

恐怖嘅嘢一下下咁衝擊住我嘅視覺，

我有一刻以為自己頭先唔係突然盲咗，

而係喺自己唔知情嘅情況下死鬼咗，



眼前突然出現在一大波嘅人群，

佢地看似正常，但係內裏絕非一般。

因為，佢地係我睇唔到嘢嘅15秒內憑空出現，

環顧四周，一架旅遊巴都冇，

絕對冇可能會有咁大批人係我面前出現，



諗到呢一刻，我不禁倒抽一口涼氣，

因為我撞鬼了（呢個係我暫時諗到最合理嘅一個解釋，我身上嘅冷汗一直流一直流，

流到成地都係水tum，你地千祈唔好誤會，

我並冇嚇到瀨尿，只係汗，只係汗，只係汗

（好重要，最重要，
講三次我都覺得唔夠！），

咪用呢樣嘢黎笑我，我會十倍奉還架，哈哈哈……

「很好很好，我一定係真人show裏面，嚇唔到我嘅！」我自欺欺人咁諗，明知眼前係確確實實嘅景物，但係我卻一直用謊言去掩飾自己嘅緊張感，令到自己對眼前嘅事情不以為然，但係紙始終包唔住火啊！



半晌，我仲係度內心深處交戰緊，但同時我冇留意到危機四伏，眼前嘅「人群」已經注意到我，佢地向我投以一個笑容，佢地嘅笑容可掬，但我依家已經冇心情去觀賞，

擺係我面嘅係一個未知嘅新領域，同一件未知危險程度嘅怪事，我覺得我到呢一刻仲企係原地，係一個比狗咬走咗個腦嘅做法，絕非明智之舉，眼前嘅「人」，佢地嘅微笑逐漸變得可怕，係透心涼嘅感覺，估唔到恐怖片嘅情節活生生咁呈現係自己嘅身上。

再望幾眼，我發覺佢地嘅笑容再次扭曲，呢刻我深知不妙，即刻提起左腳，做咗一個起跑姿勢，打算玩命狂奔，但係好可惜，我呢個未見過世面嘅宅男，已經被呢一個景象嚇到癲咗，心理開始不平衡，腳步完全無法踏出，力量已經盡數失去。

我只能夠一直嘗試，為免自己成為一隻待宰的羔羊。我呢一刻急過熱鍋螞蟻，心力交瘁，一直諗住如果出到去一定會學好求生技能，加上練習變得更加大膽，仲有會對身邊人更加好，同埋努力向上，唔會再荒廢我嘅學業。係呢一刻，我將我嘅宏願完全曬冷！我唔會再理任何嘢，總之逃出生天先係最首要嘅問題！我要鼓起飲奶嘅力量同埋一鳴驚人嘅勇氣，啊啊啊！

「係呢個moment我要爆啦！」我怒道。「我得咗啦！媽媽！」我滿心歡喜，真係踏出到我嘅腳步啊！我唔放過任何一秒逃跑嘅時間，立即去到路邊以9秒9嘅速度抵達的士站，並且截低一架的士。剛上車，我嘅心情依然未能平定，面上流住大汗同埋喘住粗氣，司機見我一面驚慌咁樣，都不禁向我問起我嘅狀況：「後生仔，做咩咁大反應啊，見到仇家定係撞鬼？」，「冇嘢啊！」我輕輕帶過，因為呢個時間，我仲未可以冷靜落黎。

直到離開個條街，再見唔到個班人，我先鼓起勇氣向司機提問：「頭先你見唔見到我個邊方向有一大班『人』？」司機答我：「冇啊，做咩？我頭先只係見到你一個人驚驚青青，根本就冇任何人或者任何嘢係你附近喎，你講下，你遇到D咩啊？」我將詳情同佢詳細講出。佢不以為然，覺得我癡咗線咁嘅樣。
（未完待續）