[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.3日常驚魂（3）

我叫同學們立即離開學校，盡快返到屋企搵所需要嘅物資，然後45分鐘後去到彩虹X鐵站集合，尋找最好嘅避難中心。臨走之前，我通知每一個同學，如果遇到任何問題，電話聯絡，之後我就離開咗，跟手同其他班嘅同學們講清楚，通知佢地盡快返屋企搵物資同樣有事電聯，班上有幾位同學住得比較遠，所以同我講，問我可唔可以係我嘅屋企尋找物資，由於我深知我屋企嘅情況，我只係帶咗零星幾個同埋我嘅best friend上我屋企準備準備。

好彩我屋企嘅裝備都唔少，足夠我地幾個人進行分配，基本上每人都可以被分配到1-2把菜刀，1個鐵水樽，1把遮（當然我會攞住兩把，以應對嚴峻嘅考驗。），仲有數唔完嘅罐頭，我地同時都帶咗幾本書出去，唔係用黎睇，而係用黎助燃。

物資搜索完畢，我地就趕到去集合地點，去到個到，發覺原來已經有唔少同學係個度聚集，我極之擔心佢地嘅安危，只係等多5分鐘人已經到齊，我地即係轉移陣地（其他班別嘅同學有各自嘅leader所以我地唔方便去干涉，只可以係有需要嘅時候互相求助），第一個目標就係附近一個大公園嘅後山。

我地一班人唔理有幾咁攰，都堅持要行到個個地方，因為個個地方係一個易守難攻嘅位置附近地形對我地十分有利，但無奈冇辦法容納咁多人，只好屈就係呢個遊樂場嘅洗手間裏面，點算好人數後，我地私自鎖埋廁所嘅大門，談論大家收到嘅訊息，務求制定一套方法保護大家，好彩呢一個廁所有更衣室，地方空間足夠大，可以作為我地嘅第一個據點。

係談論嘅同時，我地搵咗4位武器比較精良嘅同學守住呢一個鐵閘，隨時留意住外面嘅形勢，方便隨時進行報告（唔記得咗，我地嘅物資裏面係有對講機嘅。唔知邊個咁鬼醒目，帶咗咁多對講機，可以比4隊人馬分配。）



我同我另外3個外賣團團友加上我隔離班嘅一個朋友分別作為兩支小隊嘅leaders，我同學霸K一組仲有我個best friend 啊Ken，另外一組就係啊餅同Alan做leaders，帶領我地隊伍其他11個人踏上征途。除咗我地之外，班上仲有一兩位同學係有住比較高嘅戰鬥力，佢地隊伍都分別跟咗一個軍師，為佢地出謀獻策。

我拉走Alan佢地，向佢地表示咗我嘅推測，同埋我係星期六嘅經歷，我一字不漏咁講曬出黎，因為我意識到呢個危機，好有可能就係我帶黎嘅。
（未完待續）