[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.3日常驚魂（5）

果然，係大家食完呢餐可能係21世紀頭嘅「最後的晚餐」，現場嘅氣氛好咗唔少，大部分同學都打開咗自己嘅心靈，同同學仔一齊講出自己嘅心底話，好彩打破咗大家嘅隔閡，即係證明咗我嘅第一步成功咗，雖然表面上我地分為4組，但係我地咁多年同學嘅感情係呢一個moment完全表露出嚟，呢種感覺，真係好幸福，好幸福，好耐冇出現過呢個情況，真係久違啦⋯⋯

不過呢個情況我相信好快會消失殆盡，始終都係末日審判啊，並唔係玩下泥沙吹下水咁就過去，我只能夠默默咁祈求上天唔好咁殘忍。諗諗吓，其實世界末日早就應該係2012年發生，屈指一算，原來已經8年，雖然當時冇事，我相信只係黎遲咗，我其實都可以算係賺多咗8年命仔啊，都抵曬啦。我雖然有咁嘅諗法，但係我嘅求生意欲同樣都燃燒緊，所以冇太大影響同埋壓力。（好似有少少離題Tim XD）

返到去班中同學表白嘅時間，我當然就一直坐係旁邊等食花生啦（雖然好唔道德，但係睇人衰咗最開心：）），係旁邊觀察嘅同時我知道係唔可以比大家起到衝突，所以我一路都唔夠膽眨眼，我驚下一秒就會出現一幕幕驚心動魄嘅情節（即係某人打打下交比人分屍啊，或者比人直攻要害等等。）

雖然係多年黎嘅同班同學，但我係學校個段日子，我都有提過，我只係一個無名小卒，冇幾個人肯同我溝通同埋交流，對於班上同學嘅性格，愛好等等一概0認知度，仲有其實我係一個容易相信其他人嘅男仔，所以要了解其他同學仔嘅心理，我都只能夠默默咁企埋一邊，比其他比較專業嘅同學慢慢去了解，我只係做分析嘅個一個人，順便講下，我嘅分析同埋推理能力可以話係一流，仲有我嘅暖男特質，呢啲原因都係我能夠成功擔任3B班最高大上嘅權力者，我呢份人就冇機心嘅，天真無邪，純真得黎又不失霸氣嘅樣，其實都幾吸睛下，我第一次用到我隱藏咗係體內多年嘅潛力，潛意識話比我知，呢一樣嘢由我小一開始已經陪伴住我嘅左右，但係我喺中學前嘅生活一直都可以話係順風順水，所以呢項潛能都比我埋沒咗差唔多8年。

(未完待續）