[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: 2020愚人節特別篇

P.S. 以下章節與劇情冇關係，純粹一篇特別篇，信唔信睇你自己。

返到黎現實，今日係2020年4月1，愚人節又到啦，祝大家愚人節快樂！
大家會唔會同自己鐘意嘅人趁機表白呢？又準備咗啲咩去表白呢？
有冇心理準備比人拒絕？

「我愛你啊！」我鼓起勇氣係whatsApp同佢表白咗。
「吓？做咩無端端咁講嘢嘅？你玩緊真心話大冒險咩？」
佢睇落好驚訝咁回答。
「唔係啊，我係真心架！我唔係玩你啊！我啱啱先可以鼓起勇氣同你表白咋，其實我鐘意咗你好耐啦，我唔想再瞞住自己，瞞住你，瞞住其他人啦！我想你同我拍拖！我連表白嘅歌都準備好咗啦，希望你賞面啦！」


我唱起咗歌，呢一首係喺我最低落嘅時候將我從絕望之中拉出嚟嘅歌，熟悉嘅旋律，熟悉嘅心跳，熟悉嘅歌聲，係Supper Moment嘅《是你令我再次找到心跳》：
「當一切也跌到了，是你令我再次找到心跳，
當一切也失去了，沒有預料至少都可擁抱你哭笑。」
「唯獨你在我身邊，拍掌，拍肩，直到了最後的一秒。
心早已屬於你，就算世界把我唾棄，推到絕地。」
「愛要用雙手抱緊，我會不枉這生～」呢一句，係我最鐘意，覺得最有意義嘅歌詞，唔知你願唔願意去比我抱緊呢，我會做個一位，你童話世界中嘅天使。不經不覺，已經去到歌曲嘅最後兩句：
「心早已屬於你
當一切也經過了。」
「我嘅心意，你收到嗎？」
「我嘅第一次自彈自唱，就咁樣獻比你，


你可以比一次機會我，好好地愛你，溫柔咁對待你嗎？」
「好啊，我應承你。」呢句，當然係我自己FF出黎嘅對白啦，我自問個樣又唔好，讀書又差，又唔識打籃球，又要五音不全，又要有雙重人格，我唯一一樣好嘅，就係我嘅性格，無論係主人格M，定係第二人格都好，我一直都係咁好，冇脾氣，又夠暖男，又可以比到安全感你，希望你接受我啦。
佢已讀咗我，但係遲遲都未有回覆，究竟你，係接受，定係拒絕呢？
我呢一刻真係好想知你嘅決定，可唔可以比我知道你嘅選擇？
無論如何，就算你拒絕我，我都會尊重你嘅決定，自此以後，我只會默默守護你，唔會再干擾你本應該平靜嘅生活，你就係你，我就係我，我唔會要求有咩回報，我自知，我未夠班，我未能夠襯起你。你拒絕我係應該嘅。
螢幕顯示，佢在線上嘅狀態，突然變成咗輸入中⋯⋯唔通，佢已經作出咗決定？」
我收到咗回覆，我心情極之低落。
「你係好人嚟架，我當你係我嘅好朋友咋，但係我未有諗到咁長遠啊，對唔住啊，我諗我唔可以接受你！」
我⋯⋯收咗一張⋯⋯好人卡
呢個moment，我爆喊咗出嚟，聲音極之淒慘咁樣，我一向冷靜，估唔到我竟然會唔受控制咁樣爆喊，呢一件事，奉上咗我第一次嘅大喊。


「好⋯⋯啦⋯⋯我唔阻你啦，bye-bye。」
我本來只係想趁愚人節，搞返少少氣氛，點知，我竟然抽唔到身，開始對呢件事咁認真。我真係蠢啊！
「玩你咋！今日愚人節啊！你玩我，我咪玩番你轉頭囉！嘻嘻！」佢突然回覆一句。
吓！咁即係話你⋯⋯


好可惜，我呢個故要停更啦！













講笑咋，祝大家愚人節快樂！

個故當然會繼續努力更新啦，我唔會比我嘅第一份作品爛尾架！

大家繼續期待我嘅作品啦！

講起選擇題，

我嘅新故《人生選擇題Multiple Choice》面世啦！

「人生苦短，及時行樂。」



「塞翁失馬，焉知非福。」

兩句格言，同時係故事宗旨！

大家多多支持！

紙言都有得睇啊！

大家唔好錯過啊！

故事走向可以靠大家去左右！

《中三學生》呢個故，我遲啲會寫手稿，要嘅Dm

(愚人節特別篇完)