[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.4惡夢的開端

06：00

鬧鐘響起，我首當其衝起咗身。見到旁邊嘅同學一啲仲瞓得好舒服，一啲就一早左搖右擺咁行黎行去，十足十一堆企鵝，哈哈，有一啲就仲半合眼坐係地下，仲未回過神，而佢就依然熟睡，佢嘅睡姿同我差唔多，但係佢個懶瞓樣真係特別得意，同埋清純，令人忍唔住望多兩眼，我為免旁邊嘅人留意到我，我又使用我嘅邊緣人特質。我隨即去到鏡面前照一照我呢副俊朗嘅面容，加上我完美嘅身體線條同埋老鼠仔。

呢個時候，我聞到一陣陣嘅食物香味，我比呢個味道吸引住，數起上黎我對上個餐已經係琴日中午嘅事，怪唔得之咁鬼肚餓，但係呢個熟悉嘅味道，我永遠忘記唔到，因為係我上家政堂嘅時候，佢煮出黎嘅食物嘅個種香氣，同呢陣氣味係一模一樣，我心感疑惑，但下一刻我就諗到了，佢其實，一早醒咗......我坐係佢嘅附近，佢嘅眼光對上咗我，佢留意到我了......我嘅心靈突然受到衝擊，嚇到我死下死下，本以為佢會講其他嘢，但估唔到，佢竟然轉向第二個話題：「瞓咗一晚有冇好返啲啊，唔好要我地一班人咁擔心你啊。」

突然之間嘅關心，令我喘唔切氣，心跳加速，聲音顫抖。我回復道：「我瞓咗一晚好返好多！唔使擔心我啦！快啲去食嘢先啦~」可能佢係我嘅眼中睇到咗一絲嘅疲態，無可否認，佢嘅觀察能力真係夠曬入微，每一個細節位佢都可以睇得到，真係一個細心嘅女仔，唔怪得咁受大家嘅歡迎。對比起我，我差咗十萬八千里，有一種完全被比下去嘅感覺。同時佢呢個細心嘅性格，都係我其中一個鐘意佢嘅原因，加上佢非常平易近人，唔會擺架子，唔似得個啲自恃外貌出眾，同埋屋企有錢擺出一副副娘娘同埋大佬嘅腔調，呢種人十分之討厭，但佢完全唔會咁樣。

雖然每個人都會有兩面，光明面同埋陰暗面，但係我相信，佢嘅光明面，已經足夠為佢呢個人加上唔少分數，每個人都有唔想比人知道嘅另一面，就算佢嘅另一面有幾咁不堪入目，我覺得都係要好好咁包容佢嘅。我嘅陰暗面，係真正嘅深不可測，大概冇人會接受到，我唔奢望有人會明白我，但我最需要嘅，只係一個可以係我身邊陪伴我嘅人，接唔接受到我，都係個個人自己嘅諗法，我唔會去強迫佢，我亦都唔會比自己有機會傷害到個一個人。



我嘅心底收埋唔少常人不能及嘅心事，所以我嘅心理質素係真係會比其他人強大幾十倍甚至幾百倍，我崩潰嘅底線，就係我身邊嘅人因我而離去同埋消逝，以我嘅能力一定可以幫到同埋保護到佢地，無法保護呢一句話我係唔會講出黎，呢個只係一個懦弱嘅人需要嘅一個藉口，。

「NEVER GIVE UP」係我嘅格言，永不言棄，就算面對幾大嘅逆境，都唔會退縮。從我叫大家集合起黎，我心裏面就暗自做咗一個決定，要保護呢一班相信我嘅同學，直至世界回復正常，就算世界會一直亂落去，我會保護大家直到我犧牲嘅一刻，一切都係為咗報答大家對我嘅信任，信任喺末世之中係最重要嘅基本要求，所有事情都係建基於信任之上，一但信任破裂，整個團隊會開始分崩離析，難以再次互相依靠，生存落去。
（未完待續）