[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.4惡夢的開端(2)

離開想像世界，返到現實，早餐已經煮好，係辛辣味嘅公仔麵再加配一杯暖到入心嘅麥精豆奶，呢種味道好窩心，係以前我細個嗰陣啊媽經常煮嘅早餐配搭，仲未交代清楚，我嘅爸爸同媽媽兩公婆去咗外國做生意賺錢錢，平日我嘅生活費都係寄比我嘅，數目都唔少架，大概每個月兩三萬左右啦（佢地平均月入過20萬），香港嘅生活洗費雖然係高，但對於我一個中三學生黎講，呢個生活費都已經可以無憂無慮，每個月可以有大概7000蚊嘅存款（最少），講返佢地嘅工作，佢地其實係做室內設計嘅，我嘅爸爸負責畫圖則，做設計，媽媽就係負責市場部，專門負責管理公司嘅材料買賣。

佢地嘅公司算係中小型企業，連埋兩公婆，大概10人係喺佢地公司工作，佢地員工每月收着同我生活費差唔多嘅人工，但我嘅父母出名係行內嘅好老闆，職員嘅年終獎金係三個月嘅人工，生意好個時更加有四個月，或多或少公司賺得到嘅錢，都全靠一眾員工幫忙，係佢地應得嘅。

依家如無意外，佢地應該進行緊計劃已久嘅環遊世界之旅，根據佢地比我嘅行程表，佢地依家應該喺New York City度享受緊只屬於佢地嘅假期，當然順便都會傾埋生意啦，佢地嘅旅遊地點基本上係根據工作需要而定，雖然唔能夠盡興，但無法否認呢個寓工作於娛樂嘅生活非常之舒服，正好可以緩解巨大嘅工作壓力。

唔知，佢地身在遠方安唔安全呢，我地相隔咁遠，我能夠做得到嘅只有為佢地祈求上天嘅保佑。

回憶嘅時間總係過得特別快，依家時間06:30。



「Oh my god, look in the mirror,I was young, nothing to fear once, what if I done, how did I get here? What if I done?」我嘅手機鈴聲響起，

係Alec Benjamin 嘅「Oh my god」，真係oh my god ，佢嘅歌聲非常動聽，不愧為療癒系嘅歌唱新星。電話螢幕顯示住來電者嘅名稱——WN，我對佢嘅突然來電感到疑惑，此時此刻佢應該身處安全而且物資充足嘅3D陣地，唔應該突然間打過嚟，唔通佢地遇上咗襲擊？我頓時感到些少嘅慌張，明明昨日佢地先成功固防，建立避難所，照道理講應該唔會咁快出事啦，同埋外面嘅情況唔應該咁嚴重架，同時因為我地需要依靠佢地黎幫手遞補我地部分嘅糧食，佢地嘅存在係十分重要，我真心希望佢打過黎並唔係告知我佢地已經失守同埋轉移陣地。我戰戰兢兢咁樣接聽電話，佢即刻好激動咁問咗一連串嘅問題，

「你地B班琴日過成點啊，物資夠唔夠啊！唔夠嘅話黎我地呢邊攞啦！」

「我地夠貨啊！暫時可以用到一個月啊，唔使驚，同埋我地會定時派人出去搵物資架啦，同你地大隊長講返啦，唔使擔心我哋！」

「頂你咩，我打黎唔係淨係關心你啊，仲有係問佢點樣啊，咁你都唔向左走向右走明，係咪傻向左走向右走咗啊！」



*為咗唔出現粗口，我會使用其他字句去代替原本嘅字。

「你條友仔啊，我都估向左走向右走到你架啦，重色輕友，正廢柴！你唔使驚啊，我地呢度安全過你想像之中啊，受到襲擊嘅機率低過你打機機比人發現啊！」

「喂，我都係放心唔落喎大佬，你嗰個就話係喺你個邊姐，但係我嗰個唔係啊嘛，都係咪啦，我過嚟搵你地，我親自偷偷地照顧佢。」

「你條友仔一過嚟又多雙筷，正一駐米大蟲，記得過嚟之前攞啲物資先好走，如果唔係我打向左走向右走死你個死仔包。」

「得啦得啦，長氣到死，麻鬼煩煩，我自己識做啦！」



「呵呵，最好係咁啦，頂你！等陣07:10係彩虹A出口等啦，我會帶人嚟接你走。」

「多謝曬先，果然夠曬兄弟，遲啲完咗呢單野之後我請返你食飯。」

「哇！話曬我同我嘅兄弟都係搵命搏架，請食飯，正一死仔，係咪敷衍我啊！不過都係算啦，費事揸乾曬你個窮書生，就咁話啦，一言為定，過到嚟我地勾手指尾，約定先，多謝你！」

「好啦，唔講住啦，部手機我驚太快冇電，留返啲電遲吓要用啊。充電位得個幾個，班死港女仲係到luk IG，都唔知係唔係CXS嘅，仲要霸住曬個幾個充電位，好彩我仲有幾個尿袋，幾條線，應該都可以用到好耐下，1舊電可以充150%電，100%電可以係正常唔打機嘅情況下頂到兩日，我手上面有5舊尿袋（便攜式充電器）可以用到2個禮拜，多嘅可以用到3個禮拜。」

「好啦，bye bye你條尾。」

「Bye，等陣準時見！」

「ok！」

對話已結束。


(未完待續）