[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.8A Alan視角

（Alan視角）

時間07：40
啊！唔知頭先M同埋WN講緊咩呢，點解佢頭先情緒咁大起伏嘅，咩事呢？

頭先佢又突然間開心返，究竟搞邊科？

「喂，你聽唔聽到頭先M講咗啲咩？」我問啊餅同埋Ken。

「唔知啊」「點知姐」佢地兩個同時回答。我都係第一次見到佢地嘅回答係咁整齊，都唔知係唔係聽到唔同我講，算數，費事心思思。



「我記得啦！頭先啊WN走咗出去喎，佢好似練緊歌？」啊餅恍然大悟。

「係啊係啊！我見到啊，佢好似唱緊個隻《幾分之幾》啊，唔通佢想表白？」Ken話。

「咁爆？又有人想表白？我地又有好戲睇啦，食住花生等啦！」我半信半疑。

我隨即走出去，果然見到WN攞住一份歌詞，唱緊歌，睇落準備緊之後嘅行動。

我冇打擾佢，因為佢係前所未有咁認真，我係呢個時候打擾佢好似好衰仔咁。



我係度諗緊，點解係末日之下，我連呢個小小嘅願望都做唔到呢？我係咪應該要有返少少年少氣盛嘅感覺呢？我係唔係應該都搵返個女朋友仔，比自己心靈都有返少少嘅安慰呢？呢啲嘢係我之前諗到冇諗過嘅，我一向係一個比較保守嘅宅男，所以都係第一次，未有經驗。我好後悔喺之前我一直掛住打機，冇為到自己嘅下半生着想。

（Alan視角完）