[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.7WN初出現

-----------轉場-----------
（WN視角）
時間07:30 地點：3B避難所

「總算到咗你地嘅避難所！」我道。

「點啊，係咪好大好舒服先？」啊餅回答。

「夠曬你係呢度做運動啦！」Alex揶揄道。



「做咩運動先？呵呵。」我用一個輕佻嘅態度同佢講。

「個樣囉，掌上壓啊，你諗咩啊，變態仔！」Alex開始回擊。

「咪一黎到就講埋曬啲咁嘅嘢啦，係人都知你想講咩啦Alex，咪當我白癡啦，有女仔係度架。」M突然彈出，我嚇咗一嚇。

「咩啊，係咪講下笑話都唔得先，『苦中作樂』啊，你教我地嘅！」Alex駁嘴。

「你又好似啱喎，『苦中作樂』，算啦，唔理你，同我細聲啲啊，小心我罰你冇飯食啊！」M竟然用兩句就搞掂咗平時好要強嘅Alex，睇嚟我黎投靠M係冇錯嘅，雖然我嘅主要目的都唔係想換一個新領導人（雖然某程度上我地班嘅領導人係廢廢地）。依家最主要嘅係搵到佢，知道佢安唔安全就得。
我即刻拉住M問佢：「佢係邊度啊，我好擔心佢，想偷偷地望下佢，哪只係一眼都好過冇啊，佢係邊啊啊啊！」我情緒有少許波動，佢嘅身影，佢嘅聲音係我腦海中徘徊，係我心中掀起咗波瀾，呢個就係我黎呢度嘅原因。



「我想看見你，哪怕匆匆一眼就別離。」呢句歌詞真係好貼切我依家嘅心情，真係個一眼，就已經足夠我回憶幾年，你真係唔可以借一秒比我，望我一眼咩，我真係咁差咩？

M好平靜咁同我講：「傻仔，唔使諗咁多喎。嗱，佢咪係個邊囉，唔使驚啊，勇敢啲去面對啦，我地一班同學對你嘅心意真係好支持，我地都睇得出你真係好鐘意佢，會愛惜佢，加油啦。」呢句對話嘅最後一句，加油，真係比咗一個好大嘅力量比我，我呢一個兄弟，M，從來都冇令我失望過，不愧係我最好最信任嘅朋友。但我都係唔明，我頭先聽完都有少少眼濕濕，點解佢可以面無表情咁樣平平淡淡咁講出黎？我對眼前呢一個平時有少少脆弱嘅M，發覺佢身上流露住嘅氣勢同平時截然不同，究竟佢本身就係一個咁樣嘅人，平時只係呃緊我地，定係係因為時勢而令到佢變得越嚟越成熟呢？無論如何都好，接住落嚟就要我自己執生啦（我嘅show time未到），呢個兄弟幫咗我咁多，我咁都唔成功，就真係自己問題啦。

M突然間又回頭：「唔好話我唔教精你，佢就咁見到你一定會當你透明，你最好做返少少準備，先至好去馬。同埋千祈唔好比佢知係我接你黎，如果唔係我同佢冇friend做，之後大羅神仙都保唔住你，幫唔到你。」

我點頭示意，表示自己收到，但係我第一眼見返佢，H小姐，我心裏面個種百感交集嘅感覺統統爆發，我已經冇辦法控制住自己，我係望到佢嘅第一眼，我嘅眼眶已經比淚水填滿，淚水不斷流下，諗起咗之前中一嘅點點滴滴，雖然唔係同佢單獨約會，但每次見到佢，我嘅心思，都會不自禁地飛去佢身上，係佢，令到我愛上咗星期一至五，每日最期待嘅就係返到學校，見到佢最真摯嘅笑容，我就已經好滿足，我自問存在感還要比M更加低，所以我係佢眼前可能就只係一粒唔起眼嘅沙仔，但係從今日開始，我會努力變成超人，努力保護你，努力成為你眼中嘅「the one and the only one」，我知道自己渺小，就算得唔到你嘅一眼，我都會努力做好每一個承諾同埋守住每一個諾言，做你最強最可靠嘅後盾，相信有一日你會對我改觀，將我看在眼內，放進心裏。

雖然H小姐樣貌唔算出眾，眼細細，個鼻高高哋，個嘴係比較細嘅，身高大概160左右，屬於比較嬌小玲瓏嘅女仔，但佢嘅氣質，我只能夠用四個字黎形容，「一，言，難，盡」，我冇辦法準確咁樣講出黎，所謂「各花入各眼」「情人眼裏出西施」，每個人嘅審美觀唔一樣，見到嘅嘢絕對唔一樣，我就唔講太多啦，自己覺得就係啦。



時間07:40，我仲係度想緊當年，但我知道我係時候要比啲心機去做嘢，我再次鼓起勇氣踏出腳步，去到暗處偷偷地望下佢，佢冇穿冇爛，呢一刻食緊早餐，揉住眼睛，一臉睡眼惺忪咁樣，真係特別懵懂，但係我鐘意。我偷望完之後，我就着手造一份末日下別具意義嘅禮物比佢，我一早已經準備好咗材料，萬事俱備，只欠東風，配合住天時地利人和，我決定今晚去馬，向佢表達我最深刻嘅情意，至於表白背景音樂就用小隊長嘅《幾分之幾》啦！本身想用Supper Moment 嘅《是你令我再次找到心跳》或者《P.S I Love You》但諗到呢兩首係對M有好大意義同埋係佢最鍾意嘅歌，我就放棄咗呢個諗法，我都係唔想搶咗佢嘅飲歌黎唱住表白，佢一定會殺咗我（驚驚）。

我行出避難所，去到外面，有厚實外牆包圍住嘅位置，我望上去，望住蔚藍嘅天空，心知，安穩嘅日子好快就不復存在。我要趁住呢個暫時安全嘅時間完成我嘅心願，唔可以比自己帶住遺憾。

我開始練習我要唱嘅歌：「那一天你走進了我的生命，謝謝你成為了我的幾分之幾～如果我要更完整一點，也是因為你～」

呢首歌嘅旋律係幾咁完美，雖然我嘅表演係唔完美嘅，但我希望最少係可以接受嘅。我亦都相信我唱嘅歌係可以走進佢嘅心坎裏面。

（WN視角完）