[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.10. M的第二人格（完）

擴建工程完成，依家時間11:30，係食飯時間，我地膳食部嘅同學們開始準備第一個亂世之中嘅午餐，大家分開4圍枱。

每檯只有三個餸菜，加上每人手上嘅1碗食一碗少一碗嘅白飯，其實只係平常嘅4分之一碗，因為大家都驚會出現糧食短缺嘅情況，都理解我地幹部嘅心情，大家都好合作。

食完飯，時間12:00，到換更時間，喺外面巡邏完成嘅同學終於返黎，當中包括Alan，佢聞到飯餸嘅香氣就即刻返去據點到狼吞虎嚥，清理檯上食物。

當然，佢有先向我報告外面嘅情況，我同時用記事冊記低咗，之後我就帶住我嘅小隊開始巡邏加上搜索新物資。

「啱啱好夠鐘啦！喂！M出黎啦，要輪更啦！開工開工，我好守承諾架，話咗依家比返個身體控制權你，就一定會準備做到！」我講。



「好啦好啦，算你乖啦，下次獎你玩多陣啦。咁我開工先啦～」M有少少疑惑咁去答覆我。

「係喎，你嗰個幾好喎，要就快啲去追啦！筍盤好快沽出架，唔好令自己後悔！點死都溝佢返黎啦！」我壞笑道。

「你個衰仔，又搞乜嘢黎啊！咪亂黎啊！」

「冇嘢啊，同佢吹過兩句水咁囉，好女仔黎架，我睇人好準。」

「好彩你冇踩過界，好啦走先啦，我去巡邏啊。」



講完之後，我重新進入沉睡狀態。

（M第二人格視角暫完）