[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.11 【WN視角】

（WN視角）
依家M唔喺呢度，暫時就由我同K去維持秩序，M有交代低，要大家去聯絡自己各自嘅屋企人，然後去進行營救行動。

我鄭重咁向大家宣佈：

「大家停低手頭上嘅工作先，唔該大家合作一下。

剛才M交低咗一件事要我同大家先去表決！

就係大家嘅親人，相信大家都好掛住佢地啦，而M喺冇親人嘅，



正確黎講應該係佢親人一直冇喺佢身邊，一直喺國外，所以佢唔需要擔心自己嘅屋企人如何，亦都冇辦法去擔心。

但相信大家都唔同佢啦，一定會有愛錫你地嘅親人嘅，

所以我地一眾人決定安排行動救返屋企人，依家麻煩大家先聯絡一下，

但唔該留意，打電話嘅同時只可以有兩人，send message 就唔限嘅，

因為大家同時使用個服務，會有互搶訊號嘅情況出現，所以希望大家見諒，同埋唔該大家只需要問兩個問題，



第一就係你地家人身處嘅地點，第二就係佢地是否安全，使唔使要我地去營救！

我數3聲，打電話嘅黎我面前排隊！

Send message 就唔該去K前面，多謝大家合作，我要快嘅！唔該曬大家！

要求大家30分鐘內完成所有嘢！3～2～1開始，遲咗嘅有獎！同埋搵到人嘅去同啊餅講，佢會進行記錄！」

說罷，大家就好似刑滿出獄嘅囚犯般，衝撞而出。



每完成一個人，啊餅都需要奮筆疾書，記錄各同學家人嘅位置同埋是否安全，附近一帶嘅情況。

基本上大家都可以聯絡到各自嘅家人，佢地嘅分布基本上都喺黃大仙區同埋觀塘區，最近嘅就喺同一條村，仲有彩X邨，佢地目前情況都好安全，暫時都未需要救援，但為安全起見，我都聯絡咗喺個邊嘅3D班，要求佢地幫忙護送一下喺彩X邨嘅家長們，我地會以少量物資作為報酬。

比較遠少少嘅就有喺九龍灣方向嘅家長，最遠嘅就有一位住豪宅區嘅，離我地嘅地方有超過30分鐘車程，需要勉強地偷車過去，但現階段，個兩位家長都能夠支撐喺屋企3個月，所以都未係一個大嘅問題。

所以我地只需要先將離我地據點有20分鐘路程嘅人接返黎，亦可以順便搵一輪新嘅物資，就咁樣，30分鐘過去，只有三位同學還未能尋找到佢地嘅家長，我比較傾向佢地已經遇害，但我又唔忍心見到佢地唔開心嘅樣，所以只好比一個希望佢地先。

但我同時都會比一個心理準備大家：

「因為我地能力有限，所以未必可以完全救援成功，希望大家可以預備一下，唔好諗住我地一定可以完成使命！始終都係搵命搏！大家都有各自嘅家人，就算係我地救援隊都一樣！」

我講完呢一句，大家都討論起黎，佢地都有唔同嘅意見。



大家都希望要我地救援隊先救佢地嘅家人，無奈嘅係，我地只能夠從近嘅地方慢慢去進行營救，沿途去搵新嘅安全地點，方便之後進行據點轉移，然後優先攞物資，逐漸去進行儲存同探索。

由近到遠開始，我地去救咗同一條邨嘅人先，雖然只係少數，同埋離據點非常接近，但係我地需要抓緊時間，為免見到感染者喺我地附近游走，嚇親大家。

說罷，啊餅已經完成記錄，整理好各家長嘅位置，總共有25位同學搵到自己嘅家長，有兩對家長喺同一條村。我地決定派出3位leader，去進行營救活動，順便喺附近嘅百街同wat神士搜索新一批物資，由於我地嘅據點仲未有任何感染者嘅行蹤出現，所以我地只可以依靠新聞上每小時更新嘅感染者數據去評估我地出去行動嘅安全性，同埋需要用到嘅武器。

旁白君：「呵呵，我又出黎啦。你地班友仔係咪覺得好順利呢，多謝我啦～不過唔好咁快滿足住，之後有排你地受啊～到時唔好喊啊，畢竟條路⋯⋯



係你地自己揀架～」