[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.12 （3）記者會

時間16:00

「呼～終於收工。」我講。

無驚無險，又到四點，又係林太嘅個人show time，我醒起呢件事，於是通知大家攞起手機去收睇佢嘅直播。

唔講唔嬲，佢一開口，我腦裏面嘅星星太陽月亮，士多啤梨蘋果橙，全部走曬出黎，毫無意外，佢又背好咗份稿，準備喺眾目睽睽之下富有感情地，朗讀出佢嘅演講辭。

不過呢件事我一早預計咗，所以我都仲接受到。



反而佢唔背稿嘅話，佢連嗰僅餘嘅認真都會冇埋，我嘅感覺會更加憤怒（應該），不過當佢唔背稿個日，你就會知道，事情係有幾咁緊急，同埋誇張。

「大家好，我係林太。

現時最新疫情嘅事態開始越發嚴重，

我謹代表香港政府，請大家留係屋企，

或者室內場所，千祈唔好再出街，



外面嘅疫情嚴重到係幾何級數咁樣上升，

所以希望大家唔好出外作死，

乖乖地留喺屋企，儲存物資，度過呢一個難關，等待政府嘅救援。

根據數字統計，截至今日下午15:00，

全港嘅確診人數已經突破咗5萬宗嘅關口，累計達到5萬3千宗個案，社區個案推測為26萬5千宗。



我再次呼籲大家唔好作無謂嘅犧牲，留喺屋企等待救援！」

下刪廢話5000字，直播持續10分鐘就完結，

我亦都開始冷靜落黎分析出面嘅情況，根據計算，呢一次嘅上升幅度為每分鐘120位感染者，

咁樣計法，即係每秒就會出現兩個新嘅感染者。

呢個情況並不樂觀，好彩大家應該都會留喺屋企，唔出街作死。

相信呢個數字可以慢慢回落，咁樣仲有挽回嘅局面，我話比大家知呢個情況，佢地都有各自嘅意見，但大多都願意聽我嘅分析。

我將呢一個趨勢畫係一面牆上面，將佢當成我嘅畫版，並推測之後嘅走向。

我唔係一個專業嘅會計師，計出黎嘅數據當然唔會咁準確，話唔定之後嘅情況仲會越黎越嚴重。



果然，我嘅推測冇錯到，事情正向意想不到嘅方向發展，可能係最壞嘅方向啊。