[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.12(2)

當時嘅我，就咁被選中為——風紀隊員。

一開始我對呢一個職位係求之不得，但係喺我做嘅過程中，我並冇感覺到有任何動力推動我繼續去擔下呢個任務，每日都只係重複住同樣嘅工作，我逐漸覺得冇咗個份樂趣，開始覺得枯燥乏味。

呢個職務冇比到一個成功感比我，咁我當然唔會再浪費時間啦，勉強冇幸福啊！

由於我地每個風紀都有一張印仔紙，每次當值個陣，風紀大小隊長都會有呢一個義務去幫我呢種風紀隊員dum印，以記錄低我地個日有冇去當值，我個陣經常唔去當值。

但我仲好記得有個大隊長師兄，每次喺我出現個陣，佢就會好識做咁樣幫我dum多幾個印，順便幫我dum埋之前冇去到嘅日子，但係好快，呢個情況就比訓導組嘅老師發現，並且向嗰位大隊長進行警告，從此之後，佢就減少咗咁做嘅次數，但偶爾都會照做。



多謝你，雖然你唔一定會睇到我呢一篇故，但我都好想多謝你。

點解會比老師發現？
因為我地每年都會有幾次嘅風紀日營，強迫性參加個種，係日營中，我地個本印仔紙係會比老師收番黎睇，由於我經常唔當值嘅習慣已經比我嗰班嘅「三好同學」傳到街知巷聞，加上其他嘅大隊長都有黎捉我去當值，我呢個陋習當然比佢地通報到老師口中，我嘅一舉一動都被監視住，最後件事就通曬天，個位大隊長好似都因為呢一個原因被革職（雖然我聽講過佢係做錯其他事而被革職，但我相信呢件事都係其中一個原因。）

雖然我唔知道點解佢會冒呢一個險去幫我，但係呢件事，我會銘記於心，祝你之後好運啦。

就係咁，呢件事令到我非常內疚，明明係自己嘅過錯，點解要連累人地呢？

我真係好衰。



同時，我亦都開始討厭當值這回事。

時間14:30
講返正題，我已經開始有少少唔耐煩，說好的4個鐘，依家竟然仲有成1個半鐘，以我嘅性格，我真係冇可能頂到咁耐，但始終係我自己訂立嘅制度，自己搞出黎嘅，點都要做曬全套啊⋯⋯

呢個moment我只好趁附近clear，攞起手機搵佢同我傾計，咁當然唔會係打電話啦，我用IG同佢chat嘅。

我開啟我嘅private account，開始同佢閒談。



「做緊咩啊～」
打完呢一句，我就快快手收埋手機，費時比其他人見到我偷偷地玩，過黎趁熱鬧，到時就尷尬了。

5分鐘過後，失蹤人口終於上水，我嘅手機有些微嘅震動。

「冇啊，睇緊Netflix 囉，訓下覺咁囉😂咪住先，你唔係當緊值咩？」佢回覆。

咁我當然係秒回佢啦，反正我咁得閒。

「咁正啊，我都想睇，等陣一齊睇好唔好？我係當緊值啊，但係附近完全冇任何嘅動靜，我咪偷下懶搵你傾下計囉。😋」秒回嘅我。

呢次佢即刻進入咗輸入中嘅狀態。

「你都係專心啲啦，我嘅安全靠你架，你失守咁我地據點點算？咁我點算？我仲要搵個蠢過我嘅人比我笑on9架(｡ì _ í｡)」佢可愛嘅回覆。



「好啦好啦！咁我返去繼續巡邏啦，等我返黎一齊睇戲，唔好咁快用曬啲電啊！🤓」我回答佢。

「加油啦你🤡」

我like咗佢呢條訊息。

呢一句加油比咗我唔少嘅力量。

嗯，我會架啦。

就係咁，我再次得到力量，

繼續完成呢一次可惡嘅當值時間。