[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch13

時間17:00

時間不饒人，喺我嘅一輪分析之後，已經去到17:00，大家都再次各做各嘅嘢，該睇書嘅睇書，該睇戲嘅睇戲，吹水嘅依然吹緊水。

佢走過黎我呢一邊，

開口道：「頭先咪話嘅，一齊睇戲囉。」

「好啊，咁我地搵個地方坐下啦！」我連忙答應。



「不如我地上頂樓？個邊氣氛好似好啲，望下個天，又望下啲電影情節，仲要冇人打擾，行啦。」佢同我講。

「好啊，估唔到你都鍾意呢度喎，我都勁鍾意啊，我地真係幾夾喎，嘻嘻。Let’s go ～」

說罷，我地就偷偷地動身去頂樓。

上到去，果然又有另一番嘅景色，之前灰暗落黎嘅天空，又再次變得蔚藍。

我地開啟咗一套戲《the greatest showman》，呢套戲咁啱我同佢之前都冇睇過，同埋呢一套戲，喺我地心目中都排得幾前，仲要攞到咁多個獎，唔睇下都對唔住自己啦！係咪先！



睇住呢一套戲真係格外放鬆，當中嘅情節係幾咁勵志，個個人嘅感覺唔同啦，你地唔鍾意還唔鍾意啦，反正我係接受得到嘅，雖然佢係一套電影，但係唔好意思都要講句啦，我將呢齣電影嘅重點放咗喺佢嘅歌曲個度，情節個度只係喺我眼中一瞬即逝，真正令我記住嘅只有一首首動聽嘅歌曲，優秀嘅歌詞，同埋美妙嘅旋律。

其中我最鍾意嘅歌曲就係《rewrite the stars》，一男一女嘅歌手，佢地嘅音調係配合到接近完美，我都喺度諗緊，我會唔會有呢一個機會同佢一齊合唱一曲，暫時忘卻身後嘅煩惱？

呢隻歌嘅女歌手Zendaya，如果我冇認錯人嘅話，佢就係Spider-man唔知幾多部曲，總之就係最新個套戲嘅女主角。

每次，我睇Spider-Man 嘅戲個陣時，都會注意一個平常人唔會注意到嘅點，當大家專心思考劇情嘅時候，我嘅心思就一直去咗今集Spider-man嘅女朋友身上，令我猜測佢嘅新女朋友究竟係咩人。至於點解要注意呢度？

就係因為我從第一次睇呢一個系列嘅電影，主角Peter Parker嘅女朋友，即係女主角就一直一直咁樣換人，每次女主個名都一定唔同，我真係唔明，佢既然係一個Life winner，點解感情路上都會同我呢一種宅男一樣咁崎嶇？



然而，每集完之前，佢一唔係就比女飛，一唔係就條女死鬼咗，我思考到呢度，好似開始明白佢嘅心情。

我終於明白點解啦⋯⋯

果然係Superhero ，身邊嘅人一係就承受唔到壓力，一係就因為係佢嘅身邊，而遭到多人嘅針對，到最後仲要比人隊冧埋添，真係陰公。

咁又唔怪得佢每集都要換女朋友啦，體諒佢一下都唔係話唔得嘅⋯⋯

有少少離題唔好意思，講返首歌啦，呢隻歌係套戲嘅其中一隻插曲，好可惜唔係主題曲，如果唔係一定會更加紅。呢隻歌勉勵唔少人嘅心情，鼓勵我地去改寫自己嘅命運，唔好故步自封，最終一定會成功。

仲有最緊要嘅係，比咗更加大嘅衝擊比我，令我敢去放手一搏，盡地一鋪。

愛情這件事，係要靠雙方去爭取，唔需要，亦都唔會有第三方嘅人介入。

首歌裏面嘅一段歌詞，亦都教大家用自己嘅一雙手，去把握機會，把握眼前嘅個一位。


「What if we rewrite the stars ,
say you were made to be mine.
Nothing could keep us apart ,
you’d be the one I was meant to find.
It’s up to you ,
and it’s up to me.
No one can say what we get to be ,
so why don’t we rewrite the stars?
Maybe the world could be ours tonight.」

呢段歌詞大概意思就係：「如果我地可以改變命運，令到你成為我命中注定嘅人，就唔會有任何事可以阻擋到我地兩個人嘅關係，分隔開我地，你就係我個位生命中嘅真諦，呢段關係掌握於我地手中。

冇人會知道遙遠嘅未來，所以點解我地唔嘗試自己改寫命運？

可能下一刻，呢個世界就係只屬於我地嘅世外桃源。」