[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch13(2)

好似睇咗一個半鐘？現在時間18：30。

「夠鐘煮飯啦！成六點半啦，下面個班人應該就快餓死。」佢同我講。

「吓！咁快就六點半？我仲以為先五點半咋喎。頂，又快樂不知時日過，陪多我一陣啦好冇。下面個班人應該唔會咁快咁肚餓嘅~」

「唔好啦，我地都睇咗咁耐囉，下次再睇啦一係，我驚下面個班人又講呢樣又講個樣啊。」

「話知下面個班人啊！呢個moment我淨係想你陪我咋，依家同你一齊，就係我最放心嘅時候，亦都係我唯一可以停低嘅時候，唔知下次會唔會有機會再咁樣啊，你知依家幾咁危險架啦，不過我會保護你，一定！



🎵我想留住你，何事我會妒忌我會擔心魔鬼搶走你。」我又隨口唱出咗一句歌詞，貼切呢個氣氛。

佢又再次怕醜起黎，塊面又紅咗。睇黎我講嘅嘢太過肉麻，始終我同佢嘅關係暫時未去到嗰一個程度，但係我都已經一早認定咗佢，非她不愛。

「咦～唔好咁啦，我地都仲未係個種關係架，依家你要搞清楚，我地仲係朋友啊，過界嘅嘢就冇謂做太多啦，可能我地已經超越咗朋友關係，但係戀人肯定未滿架～不過我地兩個嘅關係真係天打雷劈都唔會甩架啦，呢樣我可以同你保證！」佢有少少激動咁講。

「我都可以同你保證我地關係唔會打得甩，我亦都唔會比你逃出我嘅五指山架～嘻嘻嘻嘻～你呢一世都賣唔甩我架啦，除非我死咗啦～同埋我地都未算過界啊，你咪當我地係青梅竹馬，兩小無猜嘅好朋友囉，係唔係先，我有冇講錯？😏」我又用挑逗嘅語氣同佢講嘢，呢次我感覺到佢比起之前冇咁抗拒，我地嘅關係可能慢慢昇華緊，以迅雷不及掩耳嘅速度進化中。

去到呢度我突然想作一隻歌，特別為我地兩個之間嘅關係而去作，歌名就叫《進化論》啦，幾好聽啊～唔係講笑，我真係想試下作詞，雖然我嘅音樂造詣可以話係一塌糊塗，但我係歌詞方面都有些少心得嘅，曲係唔一定作到架啦，但區區歌詞，都係幻覺黎嘅啫，嚇我唔到嘅！



「我，慢慢地進化，由這分鐘開始，我便會進化～woohoo～

我已 纏上你，你沒法 躲過，

由得我慢慢進化，你 覺得 好 嗎？

就算 天 塌下來，我 亦會 保-護-你。

原來這過程 當中，我也在 進- 化。



你知 道 嗎～（爆高音）

誰也 沒法 控制着 我，唯有你 可 壓-抑-我～」

「到最後，方才 發現，唯我 自己 仍在 -進化。」

【植入式廣告】
有冇少少感覺？如果好奇嘅話唔該大家認真睇下歌詞，會下意，雖然都係表面意思，但明嘅自然會明架啦，都係個句，自行get，想睇多啲就上IG啦！嘗試作詞ing⋯

我又諗起小學個陣嘅事，話說我個間小學呢每年都會有填詞嘅比賽，要求我地聽完一段音樂之後進行改編，雖然係一件好普通同好簡單嘅事，但對個陣時嘅我黎講，未免太過高難度，所以個陣冇一次係用心去做，因為我係做咩都唔會認真，太麻煩啦。

依家諗返起都覺得自己好蠢，明明有呢個機會比自己，但我從來都冇一次抓緊過，到依家先至開始後悔。

唉，真係太遲啦，只怪自己太過hea啦，真係好對唔住自己，明明有呢一個天份，但卻比咁多年前嘅自己收埋咗，真係白癡啊！



所以我依家先至要叫大家把握一切，把握機會，把握身邊人同你嘅關係，仲要珍惜，珍惜，珍惜眼前人啊，能夠成為你一生中嘅指路明燈，我相信只有僅僅嘅幾個人，不過都夠曬啦，朋友，知心好友，唔一定要多，但至緊要係夠真，夠純，呢段友情先值得你去一直經營。


唔好意思，我又行錯廠，tune錯埋channel 添，對唔住大佬們。一個唔覺意就飛咗去大西洋，返黎啦返黎啦。

旁白君：「抵你仲咁得閒溝女，夠曬個性，雖然好白癡，但係我鐘意。」

？：「頂唔順佢地啊，神之子，你真係神。」