[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.13(8)你班死仔包！

K:「你好似得罪人喎，出返句聲緩和下啦M。冇其他嘢，我同啊餅去安排聽日嘅分組先，你地兩個慢慢。」

啊餅：「Okay，我跟你，走先。」

Alan:「唔關我事，私人嘢自己處理。我返去同隊友講返聲改變咗計劃先，係咁先。」

Alex:「我都去安排下先，聽日多數都係我出隊架啦，準備咗先好，早抖。」

K突然折返：「係喎，討論區個邊有少少料到，我聯絡咗佢地一陣，發覺冇咩問題，約咗聽朝9點左右，彩虹站外面嘅停車場等，個邊安全少少冇咩人，可以帶2個人過去就夠，我地遲幾日要去war game鋪攞啲用品，依家火力都係唔太夠，再去埋遠少少新蒲崗個邊嘅攀石體驗館，睇下有冇多少少攻擊性武器咁樣，大聲公冇用架，記住啦，唔好蠢到走去攞，佢冇任何攻擊性，用一用就可能招來殺身之禍。



不過我諗應該都有唔少嘅安全繩，同埋鐵扣，幾好用下嘅。又可以幫手爬高高，又可以用黎打感染者個類嘢，去個邊嘅話又可以去會合3D班個班人，睇下有冇嘢可以幫到大家，或者比少少防守技巧佢地，保佢地大家周全。必要時可以幫佢地分批撤離，黎我地呢一邊仲好，帶埋物資，一齊付出，一齊生活，我地仲可以快速擴大領土，領土喺呢個末世之中係非常可貴，多佔領一寸地方，就多一寸活動空間，亦多一寸土地冇感染者出現。」

我：「你嘅計劃，幾周全，到時靠你實行啦，我會事先聯絡佢地個邊，拉攏佢地一齊。之後我會再睇睇佢地其他班嘅未來方針，再決定招攬與否。」

K:「好，你聯絡。我走先。」

瞬間，呢度就得番我同WN兩個人，氣氛，好似緊張咗。

啊！呢班死仔，成日都喺重要關頭走佬？



M：「Sorry，頭先我輕佻咗，原諒我，但你都唔好太唔開心，狀態唔好，好易出事，依家呢個情況，我冇藥比你食架，你要自己頂住。」

WN:「冇嘢，講下姐，嚇親你啊？我根本冇嬲，講下笑姐！你去做嘢啦。」

M：「好，咁就好，我去做埋聯絡先再傾。」

說罷，我先行離去，去聯絡其他班別嘅領導。