[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: Ch.14 同學？

當前時間21:20

我先打去3A，接聽嘅係佢地嘅領袖，Zenia，佢雖然係一個女仔，但其領導才能非常勁，方法又多，技能強項又廣泛，簡直就係完美嘅一個人，缺點都冇個，難得一見嘅奇才。

Zenia：「喂？阿M，你個邊點啊，情況好嗎，物資夠唔夠？」

M：「Zenia，我個邊還好啊，喺彩虹公園個度幾悠閒，又唔使憂水電，物資個邊都要持續搵啊，唔可以一味食老本，好快就會食曬啲嘢，加上人多啊，分配又比較多。

你個邊，學校又點樣啊，同3C班佢地還好嗎，物資又有幾多存貨？



我建議你地最好儲存7～14日左右嘅貨，為免你地外出食白果，然後等食手指。

你地慈雲山個邊應該都幾夠食嘅，有咁多食肆，個種地方一定多嘢食，又可以攞多啲嘢飲，比大家每日都過下happy hour，做嘢時做嘢，認真時認真，要兩者取得平衡。」


Zenia：「你個提議，掂啊，我都試行一下，食物存貨都有10日左右，飲嘢之前未諗過，但係依家諗諗下都幾重要，大家每日都習慣飲嘢，冇理由有能力幫佢地爭取而唔去做架！

依家附近鋪頭應該冇點樣被人搜掠過，我地會趁早去試下，趁依家大家都未需要出外搵物資嘅時候。聽日我地會加派人手去試下。

仲有除咗飲食方面，住同埋清潔個度我地都仲可以應付，我地呢度有咁多班房，又咁大地方，又可以鎖起度門，都算幾安全，清潔個度，我地又有地下更衣室個類，又有我地外面搵到嘅水盤同同學自帶嘅清潔用品，每個人各自都有辦法去解決問題，我地嘅水資源又算比較充足，所以冇咩特別問題。你地都應該處理好啦，係咪啊。」



M：「冇錯，一切已經安排妥當，我知道大家如果唔做清潔，細菌就會滋生，到時病曬就唔得啦。」

Z:「你啱，我差啲唔記得，等佢地過多幾日正常生活啦，之後唔知有冇架啦，雖然咁講唔太好，但我相信係事實，呢種感覺，只有我地領導層先至會領悟到，其他人都只係活於自己世界裏面，大家都仲未接受到，但同時間我地已經承受住新一輪嘅痛苦，忍多陣啦，唔理為邊個都好，生存落去。

你都要，我地大家都好靠你，雖然我係領導，但我睇得出，其實你喺佢地心目中已經快要接近神，佢地本身都唔信你，但之後嘅一幕幕同埋佢地睇到嘅一則則新聞，佢地先至回歸現實，不過依然選擇逃避，唔知算係佢地過份樂觀定點啦吓，世人一直唔願意接受眼前嘅景象，無論幾殘酷都好，都會想方設法去忘記，忘卻，卻又冇一次諗過真係靠自己去活出一片天。

冇計啦，世界就是這樣殘酷，接受方是長遠之局。

放心啦，阿M我會一直相信你，從我第一日識你，我就知你一定唔簡單，到依家，我終於為我對你嘅信任牢牢咁加固咗，你真係做到野，我冇信錯人。」



最後個幾句咁熟面口嘅，同我會講嘅嘢差唔多，是但啦，反正都係一句，明意思就得啦！

M：「唔好咁悲觀，你話信我架，咁即係唔使驚啦，有咩就即刻或者提早搵我，隨傳隨到。絕對唔會令你失望，飛都飛上黎啊！」

Z：「好啊好啊，你話架，我地兩班靠你啦！」

M：「你地個邊停車場照計都幾多車架喎，有冇數過啊？同埋你要製多幾條車匙喎，當然唔係原裝車匙啦，I mean鐵線個種啊，試過架啦，用到架，你地都要準備好，隨時就會有下一波危險來襲，話曬你地個度正常都算多人，應該附近唔少感染者架，小心為上，唔好一日到黑坐喺學校裏面，要搵人去巡邏下，費時比班感染者偷走到你地據點。」

Z；「好嘅好嘅。我會叫人去做，安排一下。同你講聲，我會喺3A3C搵物資隊伍其中嘅一個人。所以我唔一定係最安全架，你知我性格嘅，我唔會比其他人去做送人頭嗰個嘅。」

M：「知道啦，注意安全啦。唔好要你下面一班同學擔心你就得，你知啦，你係好多人心目中嘅......咳，我唔講啦都係。」Z：「好啦咁，我收線先，仲有嘢做，聽日再電聯。」

Z：「我知你想講咩嘅衰仔，唔好講笑啦你。好啦咁，我收線先，仲有嘢做，聽日再電聯。」



M：「Good night.」

Z:「Good night.」

時間21:30
跟住到3C，雖然知道3A同3C兩班都喺學校村，但為確保情況良好，都係打多一次電話比較穩陣，順便都將每日生活要用到嘅技能同埋物資都同佢地講，教精佢地。

嘟～嘟聲響起了，我撥出了下一個電話。