[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: 【我愛你，想見你】5.20番外篇

是咁的，我係十三，今年我17歲，讀緊中六。

本身我算係一個幾擅長交際嘅人，所以身邊嘅朋友特別多。

加上我有住怪獸般嘅力量，同埋鐵壁咁樣嘅軀體，仲有185cm嘅身高，令到我喺學校嘅「仰慕者」非常之多。

有男嘅，有女嘅。

有又高又瘦嘅，有又矮又肥嘅。



基本上唔同種類嘅人都有「心早已屬於我」嘅支持者。

每日我都要面對住唔同嘅狂風浪蝶。係啊，係每日啊！

哇！咁勁？
你係咪咁樣諗？

雖然事實的確如此，但我其實對呢一個現狀，並唔係有太多嘅好感。

最致命嘅事，就係我又識氹女仔，又識打籃球。



頂，原來靚仔就已經係原罪，我係咪應該低調返少少呢？

明明我已經日日自閉喺班房架啦，點解會咁樣架！

唔通我地班嘅人周圍喺度同我宣傳？定係我嘅魅力沒法擋，連老師都忍受唔到我嘅英氣同埋氣場，臣服喺我之下？呢件，似乎唔係一件好事。

因為，我都係鍾意自己一個人。

直到，我遇見咗我生命中注定嘅緣份，令到我深深被迷住嘅一個人。



當然，當你鍾意一個人嗰陣，老天爺就多數會玩到你氹氹轉。

我都唔例外，經常自己幻想可以順利完成呢一大壯舉，登錄世界十大奇觀。

天意總是弄人，FF太多都係冇好結果，又係要喺情場上經歷多次嘅失意，仲要都係出自同一個人，究竟係我問題啊，定係老天爺個系統bug咗啊？

唔係話閂咗到門，會開返個窗咩？講笑定玩嘢先？

幾時先識找數比我啊！！

「十三，你好靚仔啊！可唔可以幫我簽個名啊？」

每日都重覆住相同嘅生活。



但係又有少少覺得開心，同時又有少少傷心。

有時真係特別渴望自己係一個平凡嘅人。


「好啦好啦，你明明已經搵我簽咗好多次啦！做咩都要日日黎搵我，我好攰啊，搵日比我抖下啦。

你千祈唔好同我講，你同唔知邊本書嘅角色一樣，每日搵我簽名，然後攞去賣比我啲fans啊？如果係咁，我成世都唔會簽比你啊！」

我同我嘅青梅竹馬，阿欣講。

「你理得我啫，反正我平時對你咁好，又借notes比你抄，又陪你打機，做埋咁多嘢，你付出少少勞力做代價，都得啩。同埋啊，你知唔知，佢地話，每日都想要一次啊，我幾蚊幾蚊咁賺，唔好咩。

不過我聽到佢地寧願慳錢唔食咁多飯，都要買你嘅簽名，我都覺得真係有少少唔好意思，btw「who knows，who cares？仲有啊，我聽講呢，佢地話可以從每日你嘅簽名得知你嘅心情。



靚字就好心情，醜字就好嬲，潦草就係有嘢煩緊。仲有好多好多種，我都記唔清楚。佢圩好勁，竟然可以咁樣研究到出黎，佢地肯定係你嘅超級fans。不過你呢一排啲字都咁奇怪，係咪有心事？」

「你想知？」

「你想講，我會聽，作為你嘅最好最好朋友，我覺得我有必要知道，你究竟煩緊啲咩。」

「好啦。咁我⋯都係唔講啦。」

「頂你咩，又玩我。快啲講，如果唔係我出去班房外面同全世界講，你係一架A380。」

「嘩，乜你咁惡毒啊！你想我比人杯啊，定係想我比人插呢？」

「兩樣都可以啊，反正都唔關我事嘅。」

識咗佢咁耐，梗係驚啦大佬啊，佢咩事都做得出，如果真係嘅話，我真係水洗都唔清，冇做過都變成有做過，仲要係會被人連續普通拳攻擊。



「算啦，話你知。驚咗你啊！」

「我⋯我有鍾意嘅人。」

「吓！恭喜你，終於中伏，進入愛情呢個陷阱。」

「咪玩啦，我講出黎唔係比你攞黎笑架囉好唔好！」

「得啦得啦，唔玩你啊，你想我點幫你啊，大佬。」

「我自己都唔知，其實我話係話男神，但係我仲係A0小寶寶。咩經驗都冇，之前啲狂風浪蝶就自己飛埋黎，依家想接近嘅嗰一位，我又冇辦法去好好地同佢來往一下。佢就連對我一啲興趣都冇囉，果然係個天玩嘢。」

「哇，你明明係最耀眼嘅嗰粒明日之星啦喎，邊個咁冇眼光，唔要你啊，你迷到萬千少女少男，喺街上面人地見到你，佢地都會神魂顛倒，暈暈舵舵喎。竟然有人係你吸引唔到嘅，真係天大嘅鬧劇。你真係唔好彩，又咁啱鍾意一個對你冇興趣嘅女仔。



見你咁慘慘，我幫下你手啦，佢係邊個啊，我問下我啲frd睇下可唔可以知道佢嘅愛好同習慣啦，有咩想我幫嘅，你就講啦。我會幫你保密，你都知，一但你封盤，大把嘅迷妹或者你嘅師姐會傷心欲絕，佢地傷心，你就肯定出事，分分鐘比人杯，用黎發洩佢地嘅情緒。」

「多謝你，我諗諗下都係幫你簽名啦！我淨係可以咁架咋，唔好諗住我會用肉體報答你啊。」

冇錯，眼前呢個女仔，係我嘅青梅竹馬，亦都係我最大嘅迷妹。

雖然我咁樣同佢講，好似好衰咁，不過佢始終係我最好嘅朋友，冇理由唔同佢講架，一陣我秘密出pool，可能朋友都冇得做啊，我先唔想同佢絕交啊。有個咁幫得手嘅朋友，邊個都唔想失去啦。