[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.22(4)

「喂？M，做咩。」

「都係一樣，問下情況咁囉，點啊。」

「唉。唔好講啦，我⋯我⋯我地出咗事啊。」

「咩話？？你地搞咩？有冇傷亡？傷者情況點樣？有冇死到人？」

「最衰都係我啊。我做咗個錯誤嘅決定。決定咗，要去一個未知嘅地方探索，搵物資。



踩咗上去人地個陷阱度都唔知道，我真係蠢啊！！

我唔應該搵其他人同我一齊冒險架⋯

人地都有親人朋友，佢地嘅消息一傳出，班裏面嘅氣氛都炸開咗，一啲人就反對我嘅指揮，覺得我本身就唔應該出呢一轉任務。

首先我地又唔夠重武器；然後我地又冇足夠情報得知外區嘅情況，係我判斷錯誤，害咗佢地。

一啲人就覺得只係一場意外，唔怪得任何人。雖然呢個方向比較合理，但係我依然覺得自責到爆炸。



也許一切都係注定，注定佢地要咁樣寂寂無名地逝去。」

「節哀啦，唔係你嘅錯，整定架，佢地係唔係都會被消失。」

「我唔信，明明命運係可以被改變嘅，點解人人都唔願意去踏出一步，去改變所有唔好嘅嘢，或者呢個就係上天比我地嘅考驗。

我覺得我嘅存在，就係為咗改變命運，改變世界，重新光復此地。

係唔係啊，M？你願唔願意同我一齊做呢一件盛事啊，哈哈哈哈哈哈。」



「頂你個掣，咪咁癲住。

雖然我好認同你嘅講法，但係你⋯要點樣實踐。」

「乜嘢實踐啊，M，你講緊乜嘢？我聽唔明你講緊咩？」

「吓？你頭先唔係一腔熱誠咁樣講話，要改變命運，改變世界架。」

「邊有啊，我講都冇講過。」

「吓？咩玩法，我自己癡鬼咗線？」

「我本身都想講，改變命運，改寫返會遭遇不幸，經歷生死嘅人嘅生命，令佢地重新獲得新生。」

「果然我地理念相同。我有嘢做，過兩日再搵你。」



「好，再見。」

？我又比突然之間來襲嘅寒意纏繞。

再⋯再見？搞咩咁古代人。

奇奇怪怪咁。

3C 3D就唔多講，問黎問去都係三幅屁。

令我真正毛骨悚然嘅係，

喺同3C佢地嘅通話中，都有住我同Zenia嘅通話中嘅奇怪語句，



真心係驚，但係又好明顯要去解決呢件事。

最後都係3E，當然要打爆佢電話啦。

阿Long⋯阿Long，快手聽電話。

快快快⋯

「喂，阿Long，AC班好似唔多妥。」我唔轉彎抹角，直指主題。

「邊度唔妥啊，你又知？」佢完全唔明白。

「我頭先call曬佢地咁多班啊！同佢地講電話嗰陣都有少少寒嘅感覺，但係D班又冇咩事。」

啊！死火啦！個腦入咗水，我都未確定對方係咪真係我認識嘅阿Long就爆曬出嚟。



如果佢係同AC兩班一樣情況，咁我地嘅情報就會外漏，雖然唔知對方係咪已經唔係以往嘅朋友，但係呢一刻我都冇空餘時間再去多作整理。

「會唔會係因為AC兩班一齊，然後有啲咩嘢喺佢地嗰邊，影響咗佢地所有人？

或者你嘅電波訊號中途比人截停，跟手用呢條線同你UP啊。

你會唔會冇留意到人地比你嘅隱藏訊息？」

「真係咁樣咩？我硬係覺得件事唔簡單，兩個可能性都未可以排除。」

的確，阿Long講嘅冇錯。我喺聽到佢地咁講嗰陣，係有出現過訊號被干擾嘅感覺。

佢地嗰一下係突然間出現咗沙沙嘅雜音，然後就開始講咗奇怪嘅嘢啦。



究竟係佢地嘅思想被控制而講出呢啲嘢，定係真係訊號干擾，有外面嘅唔知咩人通風報信或者發神經？

呢樣真係不得而知。

「可能啦，比少少時間我地班分析一下。遲啲同你講返個結果。」

「好啦，等你地消息。」

「好啦，byebye ～」

當然，我唔會只係等消息。

作為一個好奇心爆棚嘅人，一定會自己搵答案，而唔係坐喺度等住聽其他人比你嘅答案。

好彩，聽咗咁耐，阿Long嘅情況應該仲係正常，冇出現咩問題，佢地E班應該冇事嘅。

咁嘅話，至少我地某日真係要出手屠殺，都有個幫手，唔會比惡意生命體殺個措手不及。

唔知，會唔會有呢個機會呢。

活下來吧。