(轉場)
時間15:00
又要救人,呢個時勢,真係越黎越難啦。
今次任務比較上遠少少,由於未知情況,我都只係允許一名隊友跟住我去出任務,好驚再發生其他意外,我嘅心藏,承受唔到。
「嗡⋯嗡⋯」汽車引擎聲響起。

「上車啦,今次目標遠少少,至少都比之前嘅遠好多,大家注意,千祈唔好走失,唔好做大動作,唔好出聲,我唔想同伴有事,我想大家齊齊整整咁樣返到黎。最重點嘅一樣嘢係,我地係冇重要嘅嘢,就係情報。我唔會比呢件事發生。一但輕率,我地好容易一齊—死。大家係咪做好死亡嘅覺悟?」
話係話大家,咪又係得一個隊友。

「你講到咁做咩啫,救人好小事咋喎。」



「之前就係嘅,不過世界變啦,日日都多咁多感染者,我地幾勁都冇可能以一敵百,所以我地都係要小心為上。特別係今次任務得我同你兩條友,只可以互相照應啦。」

「收到啦,大佬。」

雖然我唔係太相信眼前新黎嘅同伴,佢之後會唔會過我一道,睇嚟只有聽天由命啦。我又必須要搵佢同我執行任務,如果唔係都唔知搵邊個好,個個都已經出過曬,淨低嘅就得番一堆驚到瀨尿嘅同學,我一推佢地出去,咪即係等於帶多幾舊木出去,都係無謂啦。

正好佢又咁雀躍,想同我出去,show下cally,咁就唔好走雞啦。

十三,呢個人嘅戰意高昂,果然係打開格鬥,仔細睇下,應該都操咗唔少年,籃球都打得唔少下,身高係驚人嘅185,即係高過我呢個宅男成個頭有多啊。虎背熊腰咁樣,大隻到冇得再大隻,令我好自然諗起WWE嗰班人,一個二個都係巨無霸,仲要鬼死咁大力。



M:「我可唔可以問下,點解你戰意會咁強勁?係咪見到自己唔能夠接受嘅嘢?定係純粹係想打下交?」

十三:「Both啦,其實都有唔少傷心史架。我諗我都要慢慢講啦,你揸車啦,我講你聽,當故仔就得架啦,聽完就算,唔好同人講。」

M:「okay。」
已有 0 人追稿