[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.23(2)

新物種，又要記低重點同埋改名。

「肥西瓜」。就咁叫佢啦。

「哇嗚⋯」遠處又出現咗幾隻唔同嘅感染者。

妖，梗係頭先嘅「肥西瓜」叫咗幾聲引曬啲嘢出黎。

黑暗嘅環境，隱約可以見到三，四隻嘅感染者襲來。



又係低LV怪，唔驚。

練下手感都幾好，免費嘅靶，唔打就走寶。

第一隻，我二話不說，就向前推進，直截了當，斬落佢條頸到。

第二隻，哎呀，好鬼煩啊！一棍毆落去。

感染者應聲倒地。



第三隻，一棍落去。

咦，仲未瞓低？

補多一刀，直插心臟。

第四隻睇唔過眼，佢趁我攻擊緊第三隻嘅時候，就已經衝埋黎。

點算？我又冇手打佢。



眼見佢已經用佢嘅五指山向我抓來，我一個華麗轉身，完美避開攻擊。

Perfect miss！

我即時向後退，攞起氣槍，向佢發射。

「呯—」中槍。

感染者有一刻嘅暈厥狀態，我借此機會，一棍，打中佢個頭蓋骨。


倒地。

我從第三隻感染者身上攞返染滿鮮血嘅小刀。



猛然發現，係紫色仲有混合住白色嘅血液。

與其話係血，咁不如話係有人刻意調出黎嘅顏色。

呢種顏色，正正係⋯嗰種顏色。

我，日日都會見到嘅顏色。

思考一陣過後，我繼續去搵目標人物。

「嗚⋯嗚⋯」我聽到好低嘅涰泣聲。

好似，係一個女仔發出嘅聲音，就係我附近嘅10米範圍。

我立即通知十三，聽到非目標人物聲音嘅事。



「睇你啦，快手，時間唔等人。」

我決定救人。

「喂～係咪有人喺度？」我低聲詢問。

「係啊係啊！快啲黎救我啦，我好驚啊！」

個女仔似乎聽到救星嘅呼喚，異常嘅興奮。

「殊！唔好咁大聲。你係咪唔想走啦。」

幸好，佢嘅興奮，亦都冇帶黎太高分貝嘅聲音，未有引黎感染者。



「哇！」我被眼前嘅一幕嚇呆咗。