[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.24

呢⋯呢個女仔，喘住虛氣，唔使多問。

佢個樣已經同我講咗，佢受到極高階級嘅驚嚇。

披頭散髮嘅佢，瑟縮一角。

身體不自覺咁顫抖。

佢第一眼見到我，眼神依然非常之警戒。



「你⋯你係咪人⋯」

我打量咗佢一眼，成熟嘅外表，標準嘅身形。

目測大約16～18歲左右。

「唔好驚，我係好人，頭先幾隻感染者都係我殺嘅，依家你好安全。」

「你⋯你殺咗嗰啲『人』？」



「係啊，做咩。」

「你竟然⋯落得到手。」

「我都唔想，我係黎救生還者架，有感染者擋路，我係冇辦法先殺咗佢地。」

善意嘅謊言。

其實邊有得唔殺感染者？唔殺嘅話，要點處理？



可能真係有辦法嘅，但係擊殺係最方便快捷嘅方法。

我有時都會去問自己嘅良心，會唔會因為殺「人」而覺得內疚。

答案交出黎，每次都一樣。

【會】。

因為，佢地曾經活過。

曾經都係一個生命。

每每親手摧毀一個感染者嘅生命。

就等於剝削咗一個人生存嘅權利。



咁自己，同現時unun腳食住人血饅頭，試途削減我地與生俱來就會有嘅某種人權嘅【人】有咩分別？

佢地滿手鮮血，我都一樣。

突如其來嘅自行懺悔，令我諗起，香港嘅改變。

自己都慢慢受到影響，受到思想嘅束縛，被潛移默化。

「還能忍受嗎？」我問自己。

思緒混亂。