[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.24(5)

我仔細睇睇，男方已經泣不成聲。

「嗚⋯嗚⋯老婆，唔好啊！係我唔好，冇保護好你。唔好走啊！」眼前高大嘅男人講。

「老⋯老公，我⋯我就嚟唔得架啦。

唔好留低，快啲跟佢地走啦。

我唔想走咗之後都要害埋你啊。



之前我冇盡好做老婆嘅責任，冇打理家頭細務，對唔住啊。」

「唔會啊，你係一個好老婆，我知道你付出咗好多，夠曬啦，我會陪你走過最後嘅一段路，我唔會走。」

「唔好啊！快啲走！

我頂唔住啦，我會一世記住你，我嘅老公。希望你可以聽我講埋最後一次。」

「我打死都唔會走架啦，乜都可以聽你講，呢一樣，我真係聽唔落！



後生仔，你走先啦，同我地個女講，我地好愛佢，叫佢好好生存落去，記住自己嘅身份，自己個名。」

此時，婦人講多咗一句說話。

「黃子聰，聽唔聽我講！

我唔想喺生命嘅最後一刻，要憎你一次！快走！」

我聽出婦人嘅心聲。



「走啦，你個女仲需要你。

聽你老婆講啦，好嗎？」

「一邊老婆，一邊個女。

唉，後生仔，人係矛盾嘅，你明唔明？」

「但係依家係你老婆叫你走啊！佢嘅說話你係咪真係唔聽？」

「係啊！唔聽啊！

我想陪我呢一個最愛嘅人，行完生命嘅最後一程！

我唔想講第三次。」



見勸告唔得，冇辦法啦，唯有用絕招。

「你真係咁偉大？真係咁勁？

真係可以唔驚死？

真係可以唔怕比人同化？

真係想以後都用感染者嘅身份活喺呢個世界？

就算呢個世界有幾咁扭曲，都要堅強咁做人。

明白嗎？



做人啊！」

「我⋯我⋯我一啲都唔偉大啊，我一啲都唔勁啊！

我好驚死，好驚比感染者同化啊！我係唔想做感染者啊！

但係，我好愛我老婆啊！

你係咪唔明白啊！

我對佢嘅愛就好似滔滔嘅江水，不滅嘅青火咁樣啊！

我做咗咁耐嘅人，我點解可以唔去忘記我嘅初心？

你知唔知？



就係你眼前嘅呢一個女仔啊！

佢改變咗我。

正確嚟講，佢係直接改變咗我嘅世界。

你呢種凡人豈會明白我對佢嘅感覺？

你或者未試過戀愛嘅感覺，我依家就話比你聽！

雖然係老土到癲！

但係你要知，因為你嘅另一半喺呢一個世道，可能下一秒就唔會存在。



聽實啦，愛是恆久忍耐。

愛，一但陷入就不能自拔，愛得死去就沒有活來。我只係講一次，後生仔，唔好忘記。

好好保護喺你身邊嘅人，特別喺為你一直以來少少地少少地付出嘅女仔！

可能你唔知道佢喺邊個，亦都有可能唔知點解佢會鍾意你。倘若你遇到咗，請你唔好放手。

快啲走啦，我睇得出你喺一個有能力，有擔當嘅人，我個女，就交比你啦。麻煩你照顧好佢。」

佢臉上嘅神情冇改變，亦都冇起伏，應該係睇開咗啦。

我再多留一刻，都係冇任何意思。