[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.25

「永別啦。我會記住你地架。」

「可唔可以幫我地，影低最後一張嘅合照？」男人問我。

「好⋯好啦⋯」

「咔嚓—」

相片已經影好，記錄低佢地最後嘅時光。



我都不必再阻住佢地嘅時間，踏起憂愁嘅腳步行出呢間充滿愛嘅M記。

任務失敗。

呢次嘅經歷，刷新咗我對愛情嘅感覺。

我一直以嚟嘅信念，喺冇錯嘅。

但係實踐落嚟嘅行動，我係咪可以依照計劃行事？



返到上車，我沒精打采嘅精神狀態，就引起咗十三嘅疑惑。

「人呢？救唔到？做咩冇離神氣咁？發生咗啲咩事？」

「我，失敗咗。佢地兩公婆，其中一個比感染者咬到，救唔到。

佢地兩個人嘅愛，係冇人理解到，至少唔係我地可以理解嘅程度。

另一個冇感染到嘅人，主動留低，陪佢嘅伴侶行完生命最後嘅一程路。



真係令人感動，縱使前路有幾咁難行，身邊嘅人大概就係你最大嘅生存支柱。

當你失去咗嘅時候，你就會唔理一切後果，都要挽留大家生命中最後可以共處嘅時間。

呢個就係至死不渝嘅愛情，比愛情電影，同埋愛情小說，更加浪漫，更加超出你嘅認知啊！」

「咁夢幻嘅情節，真係難得。

呢個時勢，其實潛規則就已經同你講咗，『為自己而戰』，一切嘅事以自己為出發點，唔理咩原因，咩情況都好。

當自己都顧唔掂，仲邊有人會有餘力去拯救所愛嘅人，拯救全個悲慘絕倫嘅世界呢？」

「的確。我要寫個服字。

不過你咁講就錯錯錯啦，唔係冇人可以拯救，只係自己肯唔肯去拯救。



我呢，係唔會選擇後退，一世作為一個loser苟且偷生。」

「勇士真係勇士。我跟！」

「咦，咁就定落嚟啦，我知你都有自己嘅一套方法。」

「咁當然啦。」

「兄弟爬山。」

「各自努力，係咪啊？」

我地兩個相視而笑，呢一刻我地清楚對方心中嘅諗法。



都係同一個方向，同一個目標。

兩句說話嘅功夫，我地就已經驅車返到本陣。