[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.23【音頻】

究竟點解會促成咗感染者總攻佢地嘅陣營？

佢地嘅隊伍唔應該咁早出現。

我離遠見到佢地，心酸。

「已到，天橋等。」05:40，我發出了訊息。

我地已經用緊賽車嘅速度過嚟。



平常需時25分鐘嘅路程，依家10分鐘左右就趕到。

如果唔係障礙物，我地可以更加快。

雙剔已出現，只待那藍色冒出。

「冇問題。」Zenia—05:40

好彩佢依然秒回。



「兄弟，行動。」我發號施令。

「啲車點樣？」一言驚醒夢中人。

「係喎⋯唔緊要啦，我地停喺一個眼見嘅位，隨時留意。」我想不到其他辦法。由正門出入，根本沒有可能。

「睇運氣啦，唯有係咁。」

我率領全部人員，向住天橋嘅出入口行近。



數量唔太多，我地二十人可以過到。

三人打一隻嘅話，輕而易舉。

打頭陣嘅，當然唔會係我，係十三。

自己作為不俗嘅戰鬥力，卻冇勇氣進行殺戮，只能夠企喺靠後位置。

制服或者擊倒能力，我都係有信心嘅。

「衝啊，為3年級而奮鬥！」十三大聲對空氣吆喝。

「衝啊！」大家士氣高昂。

「噼噼啪啪—唰唰—」刀和棍的聲音此起彼落。



感染者喺我嘅武力統治下，完全不得翻身。

一隻又一隻感染者俾我打到七彩，又未至於再次死亡。

我始終落唔到手。

【難道你不知道，這比殺人更殘忍嗎？】

「喂，M仔，唔好再係咁啦，你要擔大旗架，遲早有一日感染者會踩到你上心口，到時你都係要殺，唔到你唔信邪。」十三說。

「得啦得啦。」說得我好像沒有試過殺戮的感覺。

我就係唔鍾意，先至會抗拒。



【當殺戮，只是為了自保。】

我以為，殺戮只係屬於豬肉佬，牛肉佬嘅專利。

點知，依家呢個權利，竟然唾手可得。

「入嚟啦。」殺戮完畢。

地面嘅血水，竟非血液正常嘅鮮紅。

而係白如水嘅顏色。

我趕快影相留證。

證明我見到嘅，唔係幻覺。



「佢地係由幾點開始聚集喺你地呢度？」我問。

「大概5點正，我地嗰陣係俾巡邏嘅同學所通知，開始有感染者喺我地門口徘徊。初頭都係幾隻咁樣，所以我打算睇定啲先，希望佢地會慢慢散開。但係佢地唔走，而且仲要越嚟越多，一度逼近大概80隻，我怕佢地打破防線，然後我就通知大家嚟營救。」她把一切說出來。

「仲有一件事，佢地喺我地成個地方嘅大門前發呆。正確嚟講唔係發呆，而係好似瀝機咁樣，全部logout咗。」我深知感染者們並非logout。

「其實，佢地係發出緊一種低於正常人類感知範圍內嘅音波。大概係佢地溝通嘅方法，又或者有其他唔好嘅事令到佢地喺呢個地方停留同埋發出呢種音波。我覺得呢個地方好快會俾更多嘅感染者包圍，尤其夜晚。此地不宜久留，盡早撤離吧啦。」我和盤托出。

「咩音？我冇聽到。」隊員們都不明就里。

「我聽到。」阿Long插話。我覺得不驚訝。

「Me2。」十三竟然也能聽到？



「預我一個，Me3。」阿樂也同樣聽到，這真是匪夷所思。

「我地冇人聽到。」Zenia接話。

「可能我地特別少少，或者你地都有人會聽到。」我想起了自己會聽到這種音頻的原因。

在我的認知中，阿Long是能夠做到的。可是我不清楚為何他們兩位也可以。