[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.24【組織】

「阿Long，出任務嗰陣有冇見過佢兩個？」我低聲細語地向阿Long提出此問。

「冇。不過你睇，佢兩個都有印記喺身。」

「呢兩個印記，唔係自己人。佢地一個係心臟淌血，一個係眼睛帶淚嘅。」我分析道。

「唔清楚，可能係分支？又有可能係敵對。」阿Long顯然對印記波有頭緒。

「我幾年嚟嘅生涯都冇查到有分支出現。應該可能或者係敵對幫派。」



「佢地組織叫咩名？」阿Long充當了此刻的問題兒童。

「一個叫殤，一個叫痕。」我是一本移動的百科全書。

「個名好型，佢地個印記都好型。」我們都是這樣覺得的。

「不過，佢地應該都係雜牌兵仔，唔係大粒嘢，唔會知咁多。」我告訴阿Long自己的推測。

「係，我都覺，睇佢地仲有咁清楚嘅印記就知咩事。」



「我印象中，殤同痕兩個組織都係印記制。」我從知識庫中尋到資料。

「呢層我唔知，冇你咁高級同埋好奇。」

「你連我係高層都可以知，仲有咩唔知。」我調侃他。

「你又知我知。」他邪笑。

「唔好理啦，總之我知。



最後一句，殤係敵對，痕係自己友，雖然同行但唔同路，我地一撞上就唔會有安穩日子，就好比火星撞地球咁樣。執生。」我鄭重地說，讓他努力隱藏。

「你地唔好再密密針啦，有咩唔講得啫。」阿樂出來說。

「冇嘢，諗緊方法點樣可以搞掂門外嘅感染者。」我為剛才的行為打圓場。

「你地有咩裝備？」阿Long也問。

「刀，棒球棍，所有運動用品，花盤，花樽，摺檯摺椅，玻璃樽，飛鏢。仲有汽油彈同埋改咗嘅氣槍。」Zenia如數家珍。

「聽落得一樣可以大範圍用。仲有用得嘅都係近戰。你地有冇弓同箭？」我覺得他們需要更遠程的武器。

「有，話到明係所有運動用具，咁當然包咗。」我怕他們沒有這種最有用的物品。

「好彩。咁就得啦。」我會盡力的了。



「有乜好計劃。我地有啲咩可以做？」她彷彿看到了真的救世主。

【我並沒有留意到，她的身上也有着組織的印記。】

「你地執好包袱，開定啲車嘅引擎，其他我地嚟。」

它們的數量越來越多了，要速戰速決。

「度門就快頂唔順！要快啲做嘢！」法拉利留意到了感染者的數量使鐵門的負荷越來越大，快要被整道推倒下來。

「收到！阿Long，你指揮你team人，一半去學校睇水保護，另一半就負責幫手撻着啲車準備着草。

我地3B team，唔該大家做好一切嘅覺悟，我地要做死士。我行先。」我要豁出去了。望見門外的一隻隻面目猙獰感染者，我不禁反胃。



「法拉利你跑得快，行前少少，唔好過我。你攞一把槍，一把短刀都俾你，我估你身手都靈活，呢兩樣嘢方便你七進七出。」

「冇問題。」他面無惧色。

「阿樂，你負責同十三，Alex，阿火守好天橋出口，唔好俾感染者偷雞。」我囑咐阿樂。

「好。仲有阿駿，企去一個啱你嘅位，用箭同槍去狙擊目標。其他人，汽油彈準備。」完成陣容。

「必勝！」大家高叫。

一聲高叫，令門外嘅感染者有更狂躁嘅動作。

想必係我地引到佢地胃口大開，食指大動。

「火星人準備！」大門頂不住了。我剛想把另一道門打開，打算來個請君入甕，把他們燒個腳朝天，下一步大門便被撞開了。



來得突然的襲擊，我沒有因而受驚，反之的是更加興奮。