[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.36【喘一口氣】

「你乜水啊？做咩喺我個腦度出現？」我裝作不知道他的來臨。

「吓？我乜水？你係咪食懵咗？」那人忍不住的挖苦。

「唔係呢，我老友呢？點會喺你架？你搞咗我老友去邊？」我再次裝無知。

「唔好玩嘢啦你，就快斷氣都夠膽死玩呢啲。我話多一次我係嚟幫你嘅，你要再扮唔知，咁我都唔知啦。」他一舉反制。

「好囉咁，你都講得出嚟啦，我都冇理由唔驚唔信。司機大佬，我就知你會嚟。但會唔會遲咗少少啊？」我吐槽。



「唔好玩啦，咁容易咩，點鬼知你喺邊啫。成個香港話大唔大話細唔細，咁多腦電波訊息，我都冇可能咁快detect到。好彩我留意到你呢度特別強烈，唔似正常人會發出嘅腦電波，我就嚟咗搵你囉。」司機大叔還想狡辯。

「咪玩啦，由第一日見到你開始，就知道你咩料啦。我連你會出嚟都知啊。更何況你唔係喺我度裝咗嘢咩？應該好快知道啦。」我把他的一切計劃拆穿。
「估你唔到，咁醒都有嘅。」他見瞞不住，也不遮遮掩掩了。

「頂你，仲講咩啊，幫我通知我地本陣啦。」我要求他。

「唔可以。組織規條唔可以，我只可以偷偷地幫你。對唔住，我都好想咁做。」他似乎是有點無奈。

「咁你快啲幫我鬆開啦，我要死啦！我仲要去救我班兄弟，仲有我...我唔可以俾佢死！我要快啲去幫佢地！」我紅筋爆發，快要喘不了氣。



「唔得住。你捱多陣，之後你會知點解要咁。」他拒絕。

「啊⋯啊⋯啊啊啊啊啊啊啊！」我忍受不住了。

啱啱感染者對我嘅攻擊都未完全散去痛楚，依家又嚟幫我箍頸，真係要爆啦！

我連離開原地都做唔到。

希望唔好傷害到大家。



「係咁啦！係咁啦！」司機異常興奮。

「做咩⋯啊⋯」我已經把最後一口氣也爆發了出來。

「你睇下自己。」從他的語氣當中，司機好像雙眼發亮。

「你出現嘅，唔淨止係腦海中資料嘅變化，仲有你身體質素加上細胞結構嘅改變。你成功咗啦。阿M仔。」他鼓勵我。

「咁樣啊。真係唔敢講，唔敢講。」我還未發覺身體有何變化。

「旁邊嘅人知道，你問佢地。」他也不浪費時間。

「旁邊嘅人？」我困惑。



頭先我大叫嗰陣，明明大家都有咁遠走咁遠。仲邊會有人？

「係啊，旁邊嘅人啊！我地點會俾你嚇一嚇就走佬先得架，又唔係泛泛之輩！你知道我地鍾意呢種刺激嘅嘢架。」

十三、阿樂、阿Long先後出現在我視線範圍，想不到的是連Zenia和他的疑似男伴也在。

「冇事啦你？咁實在太好啦！」Zenia大喜。

「恭喜你⋯大步躐過！」那男同學也祝福我，從他語氣得知，我的樣子應該不太討好，還帶點恐怖片的成份。

「冇事啊，不過我依家個樣應該幾嚇人？同埋你唔好行太埋我，我唔知自己依家咩狀態。」我也不想害到身邊人。

「唔會啊，幾型仔，仲有幾分高冷feel添，簡直男神？係咪可以咁講？」我聽到了甚麼？我以為自己成為了那些妖魔鬼怪。

「咁你點解好似驚驚地咁。」我直接詢問。



「其實係因為你個人變化得太多，成個人都轉咗另一個形態咁，身體又多咗對翼，咁我驚都應該好正常？」

「咁正常嘅，我自己都驚。」我又想起了急事。

「你好似急急地？有緊要嘢可以走先，我地搞得掂。」

「你叫咩名？」我問那男生。

「阿男，田力男。唔係陳浩南，係林啟男。」阿男用搞笑的方法介紹自己。

「好。阿男，後會有期。好好照顧我阿姐。」我又一次交代身後事般。

「阿姐？」他一臉莫名。



「我行啦，阿Long你，一係留喺度，一係帶隊翻你地陣營。

阿樂十三，你地決定留喺到定係跟阿Long，法拉利佢地睇你地頭。有啲事，我一定要翻去處理。你地好好地做人，唔好令我後悔。我唔想俾你地去冒險。」有些事，男人大丈夫是不能夠坐視不理的，一人做事一人當。

「唔接受反對，因為我反對你嘅反對。」橫蠻模式開啟。

兄弟啊，希望你地明白我。

好啦，時間都唔早，早啲準備點都好。