[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.35【不能倒下】

「嗯，無謂再諗。」阿樂阿Long同聲同氣。

十三都喺我地忙住念舊時嗰陣，解除咗火鳳凰狀態。

「十三，你個狂暴狀態解除咗。」阿樂留意到十三。

「係，我係可以喺脫戰後一段時間解除武裝狀態。依家咁快回復係因為我未完全進入魔化狀態。組織有同我講過，【勿入魔道】。完全魔化狀態會使到宿主失去自我操控能力。如果我冇推測錯嘅話，依家係第二級。我成個火鳥形態有三層。

唔好問我點解會知，其實我都係喺不知情嘅情況下得到呢種能力，今次只係第一次用。我個腦同我講，呢個狀態唔持久，用得太多會變虧佬。」十三對自己的能力有初步的認知，但可惜不知道肉體在得到這能力的時候受過的痛苦，不像我。



「初步了解。初步了解。」我對他的形容起了笑意。

「一切，都係組織做嘅事。從特別能力，到失去記憶都係組織謀劃嘅。」記憶不會說謊吧？

「何解你會咁講。」十三把頭抓破也想不通。

「我只係將記憶裏面嘅內容講你知，其他嘢，我唔知。」剛剛的記憶，真是我的記憶嗎。

頭又痛了。



我地並冇停低腳步，一邊思考住問題，一邊去會合Zenia佢地。

腳程並唔遠，由我地遇見「青」，放走「陳道」，再到慈中，只不過係三分鐘。

「到。」商場座立在面前。

「入去啦。」阿樂提醒當機的我。

「叩叩—」阿樂順手敲門。



「我係胖虎啊！」十三總愛在沉鬱的氣氛說笑。

「我係小夫！」阿Long不甘示弱，表示自己的搞笑功夫也不差。

「轟隆—」雷聲大作，沒有偷懶。

係咪佢地啲gag太正，所以雷公都要出下聲支持？

「咁即係點啊？」這把聲音，是Zenia 嗎？

「冇點啊⋯我依家咪翻嚟囉～My friend～」我也想給她一個驚喜。

一把聲音傳出。

唔係從呢個環境傳出，而係腦中突然爆出。



頭部傳來劇痛。

「啊—我個腦⋯」旁人都聽到我的叫聲。

「佢係咪要變嗰啲嘢啦？好恐怖啊！」他們這群人，邊說邊走進了台港fusion茶餐廳，並把大門關上。

佢地真係好怕引狼入室，導致佢地嘅死亡。

又有邊個會諗到咁天方夜譚嘅答案？

其實係我個腦俾人hack咗入去咁。

我個腦好似接受唔到咁多訊息量咁，唔想直接頭痛到死。



諗諗都覺得白癡，白癡過100種死法。

又一把聲出現，似乎只係同我講緊嘢。

霎眼間，就有一份虛化嘅力量發出怪力，然後就憑空捉起我。

頂，真係好辛苦下。

「你唔應該存在。有你嘅存在，你就必須付出更多。你喺本陣嘅一班同學，係你最重要嘅人呢？係咪啊，哈哈。」我無力掙扎。

半天吊嘅感覺真係好有心無力。

又唔可以發出任何力氣，又唔可以正常抖氣。

比死更難受。



有冇人可以幫到我？

呸，我仲要去幫人，唔可以喺呢一刻休止。

「喂，唔好放棄。我係嚟幫你架，後生仔，你唔可以死。」

一把熟悉嘅聲音。