[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.41【助人】

「多謝哥哥！」他做着口形，我也不知從他唇中讀出的字是否正確。

再隔一陣，就見到佢喺玻璃門上面作畫。

今次係一個大型笑哈哈。

係對我表示友好？

似乎唔係惡意倖存者。





先着眼一下身前五隻感染者，有「青」，有「咸濕伯父」。仲有一隻於地面爬行，接近滑行嘅夜行者。聽係聽過，打就未試過。

「青」、「咸濕伯父」嘅弱點係頭骨同腹部。

夜行者就依樣畫葫蘆，先擊打頭。

如果唔係弱點就再搵過。

我先解除最接近自己嘅威脅，佢係一隻「青」。





又係身型大一個尺寸嘅敵人。

冇其他多餘嘅思考，佢嘅高度反而係最容易俾我擊殺。

重棍一擊，唔死都殘廢。

所有動向都喺我掌握之中。

「哈喝！」我用力揮棍，向他們的腦門攻去。





「啪—」清脆的聲音，聽得出來是頭骨粉碎性破裂。

「嗥喃嘎—」斷氣。

「嘎哇嗚—」另一隻「青」迎頭而上。

大佬，腦袋係個好東西。

「青」同埋「咸濕伯父」只係一靠近，就俾我變得更加靈活嘅身手擊敗。

只不過要滅咗「夜行者」比較上困難。

佢嘅攻擊都係於地板上進行，我要對佢造成傷害就必須擺出半蹲嘅姿勢。

喺呢一個moment，眼前敵人剩餘2個。





我果斷避開夜行者嘅攻擊，先轉向左邊嘅咸濕伯父，俾佢當頭一擊。

「嗦咴嘎？」0秒出手，成功帶走。

「哇哚喃嘎—」夜行者進入怒火狀態。

我舉起小刀，抄起棒球棍，準備完成二連擊。

天空驟然變黑，不遠處聽到有雷聲。

「轟隆轟隆呯！」雷電似乎並非自然而生，這種閃電連擊的情況，我只能視為大兇的徵兆。

我一棍打落夜行者嘅頭部。只見佢停頓咗一刻，就繼續活躍起嚟。





佢狂熱嘅樣子，透露咗對人肉嘅愛。口水直流，就快成河。

我唔想同佢再廢話，再送一刀俾佢完成佢嘅命途。

「嗥哚嘎—」他的頭部已經被我的小刀牢牢插入，也不改他的目標。

我用棒球棍再次打落去佢嘅胃部，今次佢吐出咗正常顏色嘅血水。

係紅色嘅血水。

「嘎咕-」他變得更為虛弱，但也未完全死去。

命真硬。二百年後再次做人，旁人唔會再不服氣。

實在忍無可忍，我一腳踏爆咗佢嘅頭骨，然後再外加一刀了結佢。





「呯⋯轟隆轟隆⋯」雷聲不斷打轉，明顯是在一公里內。

雖然好想搞清楚雷聲代表嘅事，但係上天留俾我救人嘅時間亦無多。

「多謝你啊哥哥，使唔使喺度休息一下？飲啖水？」我走進了加油站商店，剛剛那男孩便出來迎接。

「唔使，我趕時間。走先，你地注意安全，如果可以就換地方，或者就落埋鋪頭個大閘，咁樣啲感染者就應該唔會再起鬨。」其實我也不太清楚，方法總會有的，只不過要靠一步又一步的嘗試才會得到最好的結果或結論。

「好嘅，我會試下！好彩有你～」這男孩好像也不是很年輕，感覺就比我年少一兩年而已。

「你地仲有冇用電話去同其他人溝通？」