[喪屍][愛情][末日]【第二季同時連載中】我係一個平凡至極嘅中三學生，但從嗰一日開始......》: CH.42【笑哈哈】

「你地仲有冇用電話去同其他人溝通？」

「冇啦，根本就打唔到出去，唔記得係從一日定兩日前已經唔得。加上我地嘅電話都就快冇電，只係有時攞嚟睇下有冇新消息。好多時都係用緊收音機呢種老式物件啦。」他看來非常成熟，認真看過，也是個硬朗且堅強的人。

「好啦，唔該曬，一定要生存落去。我部電話有留住感染者圖鑑，你依家影相，到時自己執生。保護好你嘅同伴、屋企人、愛人，係咁多，走先。」
我也不便說太多，又不是他的父母朋友，只是過客罷了。

「唔該你。」這是誠懇的眼神。

「我都多謝你。如果走難記得向上慈中，或者向下南蓮園池同埋志蓮淨苑。如果上走，同佢地講，係『傻仔』叫你嚟。」我拋下一句，便走了。


來也匆匆，去也匆匆。

我都係唔鍾意太過拖泥帶水。

再次起行，背後又聽到咗頭先個男仔嘅感謝。

然而，我早已走遠。

「呼⋯呼」狀態似乎不佳。



我留意到手部嘅傷口滲緊血，並且有刺痛嘅感覺。

涼風吹過，絲絲入肉。

傷口四周嘅血管都再次變翻做凋零的花。

綠色嘅枝葉，伴隨住火紅嘅花瓣。

「還要走多遠 還要兜多圈



離目標很遠 才驟覺理想也講生存」我哼起了歌兒，並快速趕路。

路途仲有好遠，大家嘅前路，就由我創出！

目標雖然好「不可能的任務」，但我都會撐起！

理想，就定做「生存」。

唔只係我一個人嘅生存，而係一整個團隊。

個人嘅勝利，並唔係一個真正有血有肉嘅人需要追求嘅結局。

踏出凌波微步，往本陣去救駕。

沿途只見有零星感染者出沒，冇難度咁直接經過佢地。



我嘅腳步聲喺變做墮天使之後就已經不復存在。

感染者根本就察覺唔到我喺佢地身邊。

眼觀周圍，牛池灣村中好似有一個團體正喺度對抗感染者。

武器都只係最常見嘅菜刀，但對付感染者應該係綽綽有餘。

見到佢地齊心合力，尋求活路，我都發自心中咁敬佩。

本想上前幫佢地一把，但本陣嘅情況可能會更加嚴重。

我都無謂再喺度用去唔多嘅時間。



再加上，無限嘅殺戮會使人迷失心性。

呢啲限制，我都係到目的地先解封比較好。

喺馬路上左閃右避，越過一架架阻路嘅車。

目標就在眼前，萬事俱備，只欠二百級樓梯！

正當我想一口氣飛速上山，傷口又痛起嚟。

今次連帶嘅，係全身嘅麻痺。

「呼哈⋯嘶—」我深感懊悔，為何不更努力鍛練。

眼前就係本陣，同學們嘅容身之地。



今次任務嘅地方。

而我，停低咗腳步。

依家嘅我，舉步維艱。

「喂！阿M！你翻嚟啦？」Alan突然蹦出來。

「係⋯係啊⋯」我露出極度痛苦中的微笑。

「做⋯做咩啊。你受咗傷？」Alan隨即觀察到我的不妥。

「還好，未死得⋯」這已經快是頂峰，我還沒說出真話。



「你個樣唔得喎。」我的臉色真的那麼差？

「啊⋯嘶嘶嘶嘶嘶—」我忍不住身上的各種問題。

「打⋯打暈我！」我用完了力氣，接下來我的身體將不由我掌控。