「呢個係邊位?」有幾位同學提出了問題。

「別問。」我回答說。這是個頗為中二的答案。

究竟我呢個算係名稱,定係叫人地唔好問呢?

「不過好似熟口熟面咁,好似我識咁。」Karl道出了癥結。

「邊會啊,你係咪太掛住M咋。」Alan挑逗性地說出了這句話作試探。



「還好,唔會話係掛住,只不過佢幾可靠咁。」Karl說出了他的想法。

「你都唔信條友講嘅嘢?」

「點會可能信啊,我智商150架大佬,條片擺到明係想做M同埋阿餅佢地啦,只不過唔想俾人知道我立場咋,費事同班傻仔嘈。」Karl原來也不相信那些瘋言瘋語,那我需要也不太擔心自己。

「咁如果我同你講,M就係附近,你信嗎?」Alan再說,他很明顯地給出了提示。

「挑,你旁邊呢位咪係囉。咪以為我蠢到咁。」Karl不屑地看着我的面具,並且小聲。



「你咁都知。不愧智商150。」我半揭起那越看越帥氣的面具,開始幻想自己是怪盜亞森羅蘋。

「多謝喎,咁快啲去部署啦,我靠你,哈哈。」Karl有點認真,他的戰力在理的確不太高。

我身上嘅紫氣,依家係比較淡嘅狀態,暫時未有人發現,除咗Alan親身體驗過呢個快感之外都冇。

「嗷嗚—嘎喏哈--」分明這是兩種感染者的叫聲。

「嚟了,佢地聚集緊。」我使用提升了不少的聽力去偵查敵情。



「報告大佬!依家外面嘅感染者數量越嚟越多,佢地開始聚集喺我地500米範圍內!」那位同學急急腳來,又急急腳去。

「佢係我地最快手嘅偵察兵,啱啱先發掘到條友嘅天賦。我諗每個人都有各自特別嘅天賦,不過我就未有。」Alan臉上擺着無奈。

「唔緊要,你遲早會搵到屬於你嘅特別天賦。連咁唔起眼嘅同學都可以有潛能,你咁嘅料點會冇?天生我材必有用啊嘛!終有一日會有。」我說着不知道算不算是謊言的話。

好似我呢一身嘅紫氣,都唔係空穴來風。

經過幾多痛苦,作幾多犧牲先修嚟。

我知,十三同阿樂阿Long都會知。

我唔可以話自己喺四個人當中最努力嘅,但我一定係最俾心機去操練自己。

都係為一個目標,打救L。



我知道我必須用盡全力去訓練,先可以慢慢咁上位,有更多嘅權限。

有更多嘅權限即係表示,離事情嘅真相可以更接近。

至少末世之前,呢個目標,未曾忘記,未曾更改。

唔知呢一刻,組織喺邊度睇緊我地呢個香港嘅情況?

「老友,好耐冇見啦!」這個年輕的小伙子,我怎麼會認不出他呢?

「L⋯真係你⋯」我淚水分泌失調,禁不住的嘩嘩落下。

咁耐冇見,真係唔知講咩好。



我地相視而笑。拳頭對上咗對方嘅拳頭。

「係咪好驚喜?」L笑着道,這親切的笑容,就跟三年前的最後一笑一樣。

「點解⋯點解⋯你明明三年前就⋯就⋯」這心裏的高牆,好像慢慢倒下。

「係啊,不過老友有難,點可以唔幫手?你當我唔知你咩環境咩?」L的面孔,不陌生,在我腦中一直徘徊。我沒有一天容許自己放下我這最好的朋友。

當你自己嘅知己好友喺你面前逝去,而依家又出現喺自己眼前,你真係唔知要開心定感動好,定係自責更好?自己明明可以突破極限去拯救佢,但又偏偏太過慌張搞到冇得翻轉頭。
已有 0 人追稿